Krish Jagarlamudi Wedding Photo: మళ్ళీ క్రిష్ జాగర్లమూడి పెళ్లి - భార్య ప్రీతి చల్లాతో ఫస్ట్ ఫోటో చూశారా?
Krish Jagarlamudi weds Priti Challa: దర్శకుడు క్రిష్ ఈ రోజు ఓ ఇంటివాడు అయ్యారు. డాక్టర్ ప్రీతి చల్లాను వివాహం చేసుకున్నారు. ఆ విషయాన్ని అధికారికంగా ఆయన తెలిపారు. భార్యతో ఫోటోలు విడుదల చేశారు.
దర్శకుడు క్రిష్ జాగర్లమూడి (Krish Jagarlamudi) వ్యక్తిగత జీవితంలో ఈ రోజు కొత్త అధ్యాయం మొదలైంది. ఆయన వివాహ బంధంలో అడుగు పెట్టారు. ఆ విషయాన్ని సోషల్ మీడియా వేదికగా క్రిష్ వెల్లడించారు.
మళ్ళీ పెళ్లి చేసుకున్న క్రిష్!
Who Is Krish Jagarlamudi Wife: హైదరాబాద్ సిటీలో దర్శకుడు క్రిష్ ఈ రోజు ఏడు అడుగులు వేశారు. ఆయనకు రెండో పెళ్లి ఇది. ఇంతకు ముందు రమ్య వెలగను ఆయన పెళ్లి చేసుకున్నారు. ఆగస్టు 7, 2016లో ఆ వివాహం జరిగింది. అయితే, మనస్పర్థల కారణంగా క్రిష్ - రమ్య వేరుపడ్డారు. కొన్నాళ్లు ఒంటరిగా ఉన్న క్రిష్... ఈ రోజు మళ్లీ వివాహ బంధంలో అడుగు పెట్టారు.
View this post on Instagram
చల్లా హాస్పిటల్స్ అధినేత్రి, ప్రముఖ గైనకాలజిస్ట్ ప్రీతి చల్లాతో క్రిష్ జాగర్లమూడి వివాహం ఈ రోజు (నవంబర్ 11న) హైదరాబాద్ సిటీలో జరిగింది. ''ప్రీతి చల్లా జీవితంలో ఈ రోజు కొత్త అధ్యాయం మొదలైంది. అంతులేని ఆనందం, నవ్వులతో ఆమె జీవితాంతం సుఖః సంతోషాలతో జీవితాంతం కలిసి ఉండాలని కోరుకుంటున్నాం. తన దగ్గరకు వచ్చే పేషేంట్స్ జీవితాల్లో ప్రతి రోజూ ఆవిడ ఏ విధంగా ఆనందాన్ని తీసుకు వస్తారో? ఆ విధంగా ఆమె జీవితంలో సంతోషాన్ని రావాలని ఆశిస్తున్నాం. కొత్త జంటకు పెళ్లి శుభాకాంక్షలు'' అని ప్రీతి చల్లా టీమ్ పేర్కొంది.
అనుష్కతో 'ఘాటీ' చేస్తున్న క్రిష్ జాగర్లమూడి
Krish Jagarlamudi Upcoming Movies: 'గమ్యం' సినిమాతో దర్శకుడిగా పరిచయం అయిన క్రిష్ జాగర్లమూడి, ఆ తర్వాత అనేక సూపర్ హిట్ సినిమాలు... ప్రేక్షకులు, విమర్శకుల ప్రశంసలు అందుకున్న సినిమాలు తీశారు. ప్రస్తుతం అనుష్కా శెట్టి ప్రధాన పాత్రలో 'ఘాటీ' చిత్రానికి దర్శకత్వం వహిస్తున్నారు. ఇటీవల విడుదలైన ఆ సినిమా ఫస్ట్ లుక్ అందరికీ షాక్ ఇచ్చింది. అనుష్క కొత్త అవతారం సూపర్ హిట్ అయ్యింది. ఈ 'ఘాటీ' మూవీ పాన్ ఇండియా రిలీజ్ కానుంది. 'వేదం' తర్వాత అనుష్క, క్రిష్ కలయికలో వస్తున్న చిత్రమిది.
టాప్ హెడ్ లైన్స్
ట్రెండింగ్ వార్తలు
