#SreeVishnu19: శ్రీ విష్ణు కొత్త సినిమా ప్రారంభం - ప్రొడ్యూసర్ గా మారిన బ్లాక్ బస్టర్ డైరెక్టర్!

#SreeVishnu19: బ్యాక్ టూ బ్యాక్ సినిమాలతో బిజీగా ఉన్న వర్సటైల్ హీరో శ్రీవిష్ణు.. తన 19వ చిత్రాన్ని ప్రకటించారు. ఉగాది సందర్భంగా #SreeVishnu19 ప్రాజెక్ట్ ను గ్రాండ్ గా లాంచ్ చేసారు. 

శ్రీ విష్ణు కొత్త సినిమా ప్రారంభం (Image Credit: X)

#SreeVishnu19 Pooja Ceremony: టాలీవుడ్ హీరో శ్రీవిష్ణు ఇప్పుడు ఫుల్ ఫార్మ్ లో ఉన్నారు. 'సామజవరగమన', 'ఓం భీమ్ బుష్‌' వంటి బ్యాక్ టూ బ్యాక్ బ్లాక్‌ బస్టర్స్ అందుకున్న వర్సటైల్ యాక్టర్.. ప్రస్తుతం కొన్ని ఆసక్తికరమైన ప్రాజెక్ట్స్ లైన్ లో పెట్టారు. ఇందులో భాగంగా తెలుగు నూతన సంవత్సరం ఉగాది సందర్భంగా తన 19వ చిత్రాన్ని అనౌన్స్ చేశారు. ఈరోజు మంగళవారం పూజా కార్యక్రమాలతో లాంఛనంగా ప్రారంభించారు. ఈ చిత్రానికి నూతన దర్శకుడు జానకి రామ్ మారెళ్ల దర్శకత్వం వహించనున్నారు.

SreeVishnu19 సినిమాతో బ్లాక్ బస్టర్ డైరెక్టర్ బాబీ కొల్లి ప్రొడ్యూసర్ గా మారుతున్నారు. విజిల్ వర్తీ ఫిల్మ్స్ అనే బ్యానర్ స్థాపించి, తన సమర్పణలో భార్యను నిర్మాతగా పరిచయం చేస్తున్నారు.  అంతేకాదు 'పవర్' సినిమా నుంచి తన దగ్గర అసోషియేట్ గా వర్క్ చేసిన జానకి రామ్ ను దర్శకుడిగా ఇండస్ట్రీకి ఇంట్రడ్యూస్ చేస్తున్నారు. ప్రముఖ రచయిత కోన వెంకట్ కూడా ఈ సినిమా నిర్మాణంలో భాగం పంచుకుంటున్నారు. 

శ్రీవిష్ణు 19వ సినిమా పలువురు ప్రముఖులతో ఘనంగా ప్రారంభమైయింది. స్టార్ ప్రొడ్యూసర్ దిల్ రాజు క్లాప్‌ కొట్టగా, డైరెక్టర్ అనిల్ రావిపూడి కెమెరా స్విచాన్ చేశారు. తొలి షాట్‌కి సీనియర్ దర్శకుడు వివి వినాయక్‌ గౌరవ దర్శకత్వం వహించారు. మైత్రీ నిర్మాత నవీన్ యెర్నేని, దర్శకులు నందిని రెడ్డి, కిషోర్ తిరుమల మేకర్స్‌కి స్క్రిప్ట్‌ని అందజేశారు. ఈ పూజా కార్యక్రమానికి షైన్ స్క్రీన్ ప్రొడ్యూసర్ సాహు గరిపాటి, మైత్రీ మూవీ మేకర్స్ రవిశంకర్, శరత్ మరార్, సితార ఎంటర్టైన్మెంట్స్ నాగ వంశీ, బివిఎస్ రవి తదితరులు హాజరయ్యారు.

ఉగాది శుభాకాంక్షలు 🌾

Delighted to begin the journey of my next project on the auspicious occasion of Ugadi 🤗#SreeVishnu19
Directed by #JanakiRamMarella
Music by @VijaiBulganin
Produced by #SeethaKumariKotha, #AnushaDronavalli, #GopalamLakshmiDeepak@konavenkat99… pic.twitter.com/NB8FZTWTbV

— Sree Vishnu (@sreevishnuoffl) April 9, 2024

శ్రీవిష్ణు కెరీర్ ప్రారంభం నుంచీ డిఫరెంట్ జానర్ సినిమాలు చేస్తూ వస్తున్నారు. ఈ మధ్య కాలంలో వినోదానికి పెద్దపీట వేస్తూ వరుస విజయాలు అందుకుంటూ వస్తున్నారు. ఇప్పుడు #SreeVishnu19 కూడా ఒక ఆసక్తికరమైన థీమ్‌తో కూడిన ఫన్ ఫిల్డ్ ఎడ్వంచర్ గా ఉండబోతోందని తెలుస్తోంది. ఈ కథ హిలేరియస్ గా, ఎంటర్టైనింగ్ గా ఉంటుందని చిత్ర బృందం తెలిపింది. ఇది చాలా మంచి ప్రాజెక్ట్ అవుతుందని బలంగా నమ్ముతున్నానని, ఖచ్చితంగా అందరికీ ఎంటర్టైన్ చేసే సినిమా ఇస్తామని హీరో శ్రీ విష్ణు అన్నారు. 

బాబీ కొల్లి, కోన వెంకట్ సమర్పణలో ఈ సినిమా రూపొందనుంది. స్కంద వాహన మోషన్ పిక్చర్స్, విజిల్ వర్తీ ఫిల్మ్స్ & KFC ప్రొడక్షన్ బ్యానర్స్ పై అనూష ద్రోణవల్లి, సీతా కుమారి కొత, గోపాలం లక్ష్మీ దీపక్ నిర్మిస్తున్నారు. భాను భోగవరపు ఈ చిత్రానికి కథను అందిస్తుండగా.. నందు సవిరిగాన డైలాగ్స్ రాస్తున్నారు. 'బేబీ' ఫేమ్ విజయ్ బులగానిన్ సంగీతం సమకూరుస్తున్నారు. సాయి శ్రీరామ్ సినిమాటోగ్రఫీని నిర్వహిస్తుండగా.. ఛోటా కె ప్రసాద్ ఎడిటర్ గా, నారిని శ్రీనివాస్ ఆర్ట్ డైరెక్టర్ గా వర్క్ చేస్తున్నారు. త్వరలోనే ఈ సినిమాలో నటించే ప్రధాన నటీనటులు, ఇతర వివరాలు మేకర్స్ వెల్లడిస్తారు.

గతేడాది సంక్రాంతికి 'వాల్తేరు వీరయ్య' తో బిగ్గెస్ట్ బ్లాక్ బస్టర్ సక్సెస్ సాధించిన డైరెక్టర్ బాబీ.. ప్రస్తుతం నందమూరి బాలకృష్ణ హీరోగా 'NBK 109' మూవీ చేస్తున్నారు. న్యూ టాలెంట్ ను ఎంకరేజ్ చెయ్యడానికి ఇప్పుడు సొంత నిర్మాణ సంస్థను స్థాపించారు. ఇందులో భాగంగా గతంలో తన సినిమాలకు వర్క్ చేసిన రైటర్ కోన వెంకట్ తో కలిసి  #SreeVishnu19 చిత్రాన్ని పట్టాలెక్కించారు.