Demonte Colony 3: కోలీవుడ్ ఆడియన్స్‌ను వణికించిన హారర్ థ్రిల్లర్... రిలీజుకు మూడో పార్ట్ రెడీ

Demonte Colony 3 Release Date: కోలీవుడ్ ప్రేక్షకులను 'డీమాంటీ కాలనీ' ఫస్ట్, సెకండ్ సినిమాలు భయపెట్టాయి. బాక్సాఫీస్‌లో విజయాలు సాధించాయి. ఇప్పుడు మూడో పార్ట్ రిలీజుకు రెడీ అయ్యింది.

'డీమాంటీ కాలనీ 3' విడుదల తేదీ ఫిక్స్‌... హారర్ ఫ్యాన్స్‌కు పండగే!

Source : https://www.instagram.com/ajaygnanamuthu

Show Quick Read

Key points generated by AI, verified by newsroom

• ‘డీమాంటీ కాలనీ 3’ సెప్టెంబర్ 11న ప్రపంచవ్యాప్తంగా థియేటర్లలో విడుదల కానుంది.
• అజయ్ జ్ఞానముత్తు దర్శకత్వంలో అరుళ్ నిధి, ప్రియా భవానీ శంకర్ నటించారు.
• సూపర్ హిట్ ‘డిమాంటీ కాలనీ’ హారర్ ఫ్రాంచైజీలో ఇది మూడవ భాగం.

కోలీవుడ్, టాలీవుడ్, బాలీవుడ్ అని తేడాలు లేవు. హారర్ థ్రిల్లర్ సినిమాలకు అన్ని భాషల్లోనూ ఆదరణ దక్కుతోంది. తమిళ ప్రేక్షకులను భయపెట్టిన హారర్ థ్రిల్లర్ సినిమాల్లో 'డీమాంటీ కాలనీ' (Demonte Colony) ఒకటి. ఫస్ట్, సెకండ్ సినిమాలు ప్రేక్షకులకు మాంచి హారర్ ఎక్స్‌పీరియన్స్ ఇచ్చి విజయాలు సాధించాయి. మరీ ముఖ్యంగా 'డీమాంటీ కాలనీ 2'కు తెలుగు రివ్యూలు బాగా వచ్చాయి. ఇప్పుడు ఈ ఫ్రాంచైజీలో మూడో సినిమా విడుదలకు సిద్ధమైంది.

సెప్టెంబర్ నెలలో 'డీమాంటీ కాలనీ 3'
Arulnithi's Demonte Colony 3 Release Date: అరుళ్ నిధి కథానాయకుడిగా నటించిన సూపర్ హిట్ హారర్ థ్రిల్లర్ సిరీస్ 'డిమాంటీ కాలనీ'లో మూడో పార్ట్ తెరకెక్కింది. అజయ్ జ్ఞానముత్తు దర్శకత్వంలో రూపొందుతున్న ఈ సినిమా సెప్టెంబర్ 11న ప్రపంచ వ్యాప్తంగా థియేటర్లలో విడుదల కానుంది.

'డీమాంటీ కాలనీ 3'లో అరుల్ నిధి సరసన ప్రియా భవానీ శంకర్ కథానాయికగా నటిస్తున్నారు. విక్రమ్ 'కోబ్రా' వంటి భారీ సినిమాను అజయ్ జ్ఞానముత్తు తీశారు. ఈ ఫ్రాంచైజీలోని మొదటి రెండు భాగాలకు కూడా ఆయనే దర్శకుడు. మూడవ భాగం 'డిమాంటీ కాలనీ 3'కి 'ది ఎండ్ ఈజ్ టూ ఫార్...' (The End Is Too Far) క్యాప్షన్ ఇచ్చారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Passion Studios (@passionstudiosoffl)

'డిమాంటీ కాలనీ' 2015లో విడుదలైంది. అది బాక్సాఫీస్ దగ్గర ఘన విజయం సాధించింది. ఆ సినిమా విమర్శకుల ప్రశంసలు అందుకుంది. ఆ తర్వాత 2024లో 'డిమాంటీ కాలనీ 2: వెంజెన్స్ ఆఫ్ ది అన్ హోలీ' విడుదలైంది. ఇక ఈ సినిమా విషయానికి వస్తే... నలుగురు స్నేహితులు ఒక పాడుబడ్డ భవంతిలోకి వెళ్లడం, అక్కడ ఓ నెక్లెస్ వల్ల భయంకరమైన పరిణామాలు ఎదురు కావడం చుట్టూ సినిమా తిరుగుతుంది. హారర్ సినిమాలను ఇష్టపడే ప్రేక్షకులకు ఈ సినిమా కొత్త అనుభూతిని ఇస్తుందని చిత్ర బృందం చెబుతోంది.