Border 2 OTT : వార్ డ్రామా బోర్డర్ 2 ఓటీటీ రిలీజ్ డేట్ ఫిక్స్ - ఎప్పుడు, ఎందులో స్ట్రీమింగ్ అంటే?

Border 2 OTT Platform : ఆడియన్స్ ఎంతగానో ఎదురుచూస్తోన్న వార్ డ్రామా 'బోర్డర్ 2' ఓటీటీలోకి వచ్చేందుకు రెడీ అవుతోంది. ఇంటర్నేషనల్ ఓటీటీ నెట్ ఫ్లిక్స్‌లో స్ట్రీమింగ్ అవుతోంది.

బోర్డర్ 2 ఓటీటీ రిలీజ్ డేట్ ఫిక్స్

Source : https://www.instagram.com/p/DTrhcALCePo/?hl=en

Sunny Deol's Border 2 Movie OTT Release Date Locked : బాలీవుడ్ హీరో సన్నీ డియోల్, వరుణ్ ధావన్, దిల్జీత్ దోసాంజ్ ప్రధాన పాత్రల్లో నటించిన లేటెస్ట్ వార్ డ్రామా 'బోర్డర్ 2'. 1997లో వచ్చిన జేపీ దత్తా బ్లాక్ బస్టర్ మూవీ బోర్డర్‌కు సీక్వెల్‌గా రూపొందించిన ఈ మూవీ జనవరి 23న ప్రేక్షకుల ముందుకు వచ్చి హిట్ టాక్ సొంతం చేసుకుంది. దాదాపు 2 నెలల తర్వాత ఇప్పుడు ఓటీటీలోకి వచ్చేందుకు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

'బోర్డర్ 2' మూవీ డిజిటల్ రైట్స్ ఇంటర్నేషనల్ ఓటీటీ 'నెట్ ఫ్లిక్స్' సొంతం చేసుకోగా ఈ నెల 20 నుంచి స్ట్రీమింగ్ కానుంది. ఈ మేరకు అఫీషియల్ అనౌన్స్‌మెంట్ వచ్చేసింది. ఈ మూవీకి అనురాగ్ సింగ్ దర్శకత్వం వహించగా... సన్నీ డియోల్, వరుణ్ ధావన్, అహాన్ శెట్టి, దిల్జిత్ దోసాంజ్‌లతో పాటు మోనా సింగ్, సోనమ్ బజ్వా, అన్యా సింగ్ తదితరులు కీలక పాత్రలు పోషించారు. భూషణ్ కుమార్, కృష్ణ కుమార్, జేపీ దత్తా, నిధి దత్తా నిర్మించారు.

'బోర్డర్ 2' బాక్సాఫీస్ వద్ద సంచలన విజయం సాధించింది. విడుదలైన 6 రోజుల్లోనే వరల్డ్ వైడ్‌గా అత్యధిక వసూళ్లు సాధించిన ఇండియన్ సినిమాగా నిలిచింది. ఫస్ట్ వీక్‌లోనే దాదాపు రూ.255 కోట్ల గ్రాస్ కలెక్షన్స్ సాధించింది. అటు ఓవర్సీస్‌లోనూ మంచి వసూళ్లతో సత్తా చాటింది.

స్టోరీ ఏంటంటే?

ఫస్ట్ పార్ట్ 'బోర్డర్'లో 1971 ఇండో పాక్ యుద్ధ సమయంలో జరిగిన లాంగేవాలా యుద్ధాన్ని చూపించగా... 'బోర్డర్ 2'లో బసంతర్ యుద్ధం ఆధారంగా రూపొందించారు. భారత్ పాక్ మధ్య 1971 ప్రాంతంలో జరిగిన యుద్ధాల్లో ఇండియా పశ్ఛిమ ప్రాంతంలో జరిగిన ముఖ్యమైన యుద్ధాల్లో ఇదీ ఒకటి. ఇండియాను దెబ్బ కొట్టేందుకు పాక్... భూ, జల, వాయు మార్గాల ద్వారా కశ్మీర్, గుజరాత్, పంజాబ్ సరిహద్దుల వెంట భారీ దాడులకు యత్నిస్తుంది.

దీన్ని ముందే పసిగట్టిన భారత ప్రభుత్వం త్రివిధ దళాల్ని యుద్ధం కోసం రంగంలోకి దించుతుంది. మరి ఈ వార్‌లో లెఫ్టినెంట్ కల్నల్ ఫతేహ్ సింగ్ ఖేల్కర్ (సన్నీ డియోల్), మేజర్ హోషియార్ సింగ్ దహియా (వరుణ్ ధావన్), లెఫ్టినెంట్ కమాండర్ ఎంఎస్ రావత్ (అహాన్ శెట్టి), ఎయిర్ ఫోర్స్ ఆఫీసర్ నిర్మల్ జిత్ సింగ్ సెఖోన్ (దిల్జీత్ దోసాంజ్) ఎలా పోరాడారు? ఎలాంటి ధైర్య సాహసాలు ప్రదర్శించారు? పాక్ సైన్యం కుట్రలను ఎలా తిప్పికొట్టారు? ఈ క్రమంలో వారు ఎదుర్కొన్న సవాళ్లేంటి? అనేది తెలియాలంటే మూవీ చూడాల్సిందే.

మరిన్ని చదవండి

కాలర్ ఏ ఎత్తారా సాంగ్ లిరిక్స్... పవన్ కళ్యాణ్ ఫ్యాన్స్‌కు కిక్కిచ్చేలా - ట్రెండింగ్‌లో 'ఉస్తాద్ భగత్ సింగ్' పాట