Actress Robbed: దొంగలదాడి... భయంతో వార్డురోబ్లో దాక్కున్న నటి

బాలీవుడ్ నటి ఢిల్లీలోని బంధువుల ఇంట్లో దోపిడీకి గురైంది. విలువైన వస్తువులను దోచుకెళ్లారు దొంగలు.

బాలీవుడ్ నటి నిఖితా రావల్

బాలీవుడ్ నటి నిఖితా రావెల్ కు ఢిల్లీలో భయంకర అనుభవం ఎదురైంది. ఆ షాకింగ్ ఘటనతో హూటాహుటిన తిరిగి ముంబై వచ్చేసింది. అసలేం జరిగిందంటే... ఒక కార్యక్రమం షూటింగ్ నిమిత్తం ముంబై నుంచి ఢిల్లీ వెళ్లింది నిఖిత.  తనకు తెలిసిన వారింట్లో నివసిస్తోంది. గతరాత్రి ఆమె షూటింగ్ ముగించుకుని పదిగంటలకు ఇంటికి చేరింది. మాస్కులు ధరించిన నలుగురు దోపిడీ దొంగలు ఆమెను చుట్టుముట్టి విలువైన వస్తువుల కోసం డిమాండ్ చేశారు. ఇవ్వకపోతే గన్ చూపెట్టి చంపేస్తామని బెదిరించారు. దీంతో తన దగ్గరున్న డబ్బులతో పాటూ, చెవిదిద్దులు, ఉంగరాలు, డైమండ్ పెండెంట్... ఇలా అన్నింటినీ ఇచ్చేసింది. వీటి విలువ రూ.7లక్షల రూపాయల వరకు ఉంటుంది. ఈ ఘటనపై ఇప్పటికే పోలీసు కంప్లయింట్ ఇచ్చింది నిఖితా. 

ఆ షాకింగ్ ఘటనను తలచుకుని భయంతో వణికిపోతున్నట్టు చెబుతోంది. ఒక మీడియా ఛానెల్ తో మాట్లాడుతూ ‘నేను బతికున్నానంటే నమ్మలేకపోతున్నా. పాయింట్ బ్లాంక్ లో గన్ పెట్టి బెదిరించారు. నేనప్పుడు ఇంట్లో ఒక్కదాన్నే ఉన్నాను. వారి అడిగినవి వెంటనే ఇచ్చేశా... ఆలస్యం చేయకుండా ఇంట్లోని వార్డురోబ్ లో దాక్కున్నా. నన్ను చంపేస్తారేమో, రేప్ చేస్తారేమో అని భయపడ్డా. నా జీవితంలో ఇది చాలా భయంకరమైన అనుభవం’ అని చెప్పుకొచ్చింది. ఇప్పటికే పోలీసులు ఆమె ఇచ్చిన కంప్లయింట్ పై విచారణ చేస్తున్నారు. 

నిఖితా ఈ మధ్య రాజ్ కుంద్రా వ్యవహారంలో వార్తల్లోకి వచ్చింది. అతనితో తానెప్పుడు కలిసి పనిచేయలేదని తెలిపింది. ఈ వ్యవహారంలో కోర్టు ఏవిధంగా స్పందిస్తుందో చూస్తున్నానని, ఏదైనా న్యాయమే గెలవాలని కోరుకుంటున్నాని చెప్పింది. నిజంగా అది చాలా నీచమైన బిజినెస్ అని అభిప్రాయపడింది. అయితే శిల్పాశెట్టికి మాత్రం మద్దతుగా మాట్లాడింది. సంబంధంలేకపోయినా అనవసరంగా శిల్పాను కుంద్రా వ్యవహారంలోకి లాగుతున్నారంటూ కామెంట్లు చేసింది. 

నిఖితా నటే కాదు మంచి డ్యాన్సర్ కూడా. అక్షయ్ కుమార్, జాన్ అబ్రహం సినిమాల్లో నటించింది. 

Also read: సుధారెడ్డి... అంతర్జాతీయ వేదికపై మెరిసిన తెలుగందం... అసలు ఎవరీమె?