Balakrishna New Movie: బాలకృష్ణ - బోయపాటి డబుల్ హ్యాట్రిక్ సినిమా ఓపెనింగ్‌కు ముహూర్తం ఖరారు... ఎప్పుడో తెలుసా?

NBK 110 Movie Opening: నటసింహ నందమూరి బాలకృష్ణ హీరోగా బోయపాటి శ్రీను దర్శకత్వంలో 14 రీల్స్ ప్లస్ సంస్థ నిర్మించే సినిమా ఓపెనింగ్, పూజా కార్యక్రమాలకు ముహూర్తం ఖరారు అయ్యింది.

నందమూరి బాలకృష్ణ

Source : ABPLIVE AI

గాడ్ ఆఫ్ మాసెస్, నట సింహం నందమూరి బాలకృష్ణ (Balakrishna), బ్లాక్ బస్టర్ చిత్రాల దర్శకుడు బోయపాటి శ్రీను (Boyapati Srinu) కాంబినేషన్ అంటే కేవలం నందమూరి అభిమానుల్లో మాత్రమే కాదు... ప్రేక్షకులు అందరిలోనూ ఓ క్రేజ్ ఉంటుంది. ఇప్పుడు వీళ్లిద్దరూ కలిసి డబుల్ హ్యాట్రిక్ సినిమాకు శ్రీకారం చుడుతున్నారు. ఆ సినిమా ఓపెనింగ్, పూజా కార్యక్రమాలకు ముహూర్తం ఖరారు చేశారు.  

అక్టోబర్ 16న #BB4 ఓపెనింగ్!
'సింహ'తో బాలకృష్ణ, బోయపాటి ప్రయాణం మొదలైంది. నటసింహ నందమూరి బాలకృష్ణ నుంచి అభిమానులు ఏం కోరుకుంటారో... ఆ అంశాలు అన్నిటితో పాటు కథ, క్యారెక్టరైజేషన్‌లతో సినిమా తీసి అఖండ విజయం సాధించారు. 'సింహ' విజయం తర్వాత 'లెజెండ్', 'అఖండ'తో హ్యాట్రిక్ హిట్స్ అందుకున్నారు. ఇప్పుడు ఈ కాంబినేషన్‌లో డబుల్ హ్యాట్రిక్ సినిమాను బాలకృష్ణ పుట్టినరోజు సందర్భంగా అనౌన్స్ చేశారు. ఈ రోజు విజయ దశమిగా సందర్భంగా అప్డేట్ ఇచ్చారు. 

బాలకృష్ణ హీరోగా బోయపాటి శ్రీను తెరకెక్కించే ఈ భారీ యాక్షన్ ఎంటర్‌టైనర్‌ను ఈ నెల (అక్టోబర్) 16న ఉదయం 10 గంటలకు పూజా కార్యక్రమాలతో ప్రారంభం కానుంది. గ్రాండ్ లాంచ్ సెర్మనీ నిర్వహించడానికి ఏర్పాట్లు చేశారు. ఆ రోజు మరిన్ని వివరాలు వెల్లడించనున్నారు. 

The sensational announcement on the auspicious occasion of Vijaya Dashami 💥💥#BB4Muhurtham on October 16th at 10 AM ✨

The massive epic combination will begin its grand journey 💥💥

Team #BB4 Wishes you all a very Happy Dussehra.

'GOD OF MASSES' #NandamuriBalakrishna… pic.twitter.com/xFoCGAGVWM

— 14 Reels Plus (@14ReelsPlus) October 12, 2024

ఈ సినిమాకు ఇంకా టైటిల్ ఖరారు చేయలేదు. బాలకృష్ణ, బోయపాటి కలయికలో నాలుగో సినిమా కనుక #BB4 Movie అని వ్యవహరిస్తున్నారు. ఎం తేజస్వనీ నందమూరి సమర్పణలో 14 రీల్స్ ప్లస్ పతాకం మీద రామ్ ఆచంట, గోపీ ఆచంట నిర్మాణంలో రూపొందుతున్న చిత్రమిది. దీని కంటే ముందు బాలకృష్ణ, బోయపాటి 'లెజెండ్' నిర్మాణంలోనూ ఈ అన్నదమ్ములు ఉన్నారు. అత్యుత్తమ సాంకేతిక విలువలు, భారీ నిర్మాణ వ్యయంతో ఈ సినిమాను రూపొందించనున్నారు.

NBK 110 Movie: కథానాయకుడిగా బాలకృష్ణ 110వ చిత్రమిది. రెగ్యులర్ షూటింగ్ ఎప్పుడు మొదలు అవుతుంది? ఈ సినిమా కథ ఏమిటి? వంటి వివరాలను ఈ నెల 16న వెల్లడించనున్నారు. 'అఖండ' తరహాలో ఈ సినిమా ఉంటుందని ప్రచారం జరుగుతోంది. 'అఖండ 2'గా ఈ సినిమా ఉంటుందా? లేదంటే మరొక కథ అనేది కూడా ఓపెనింగ్ రోజు క్లారిటీ రానుంది. ఆల్రెడీ బాలకృష్ణ సినిమా ఒకటి సెట్స్ మీద ఉంది. బాబీ కొల్లి (కెఎస్ రవీంద్ర) దర్శకత్వంలో ఆయన ఓ సినిమా చేస్తున్న సంగతి తెలిసిందే.