Shivam Bhaje Movie: అశ్విన్‌ బాబు 'శివం భజే' మూవీ రిలీజ్‌ డేట్‌ వచ్చేసింది - ఆ రోజు ఐదు భాషల్లో గ్రాండ్‌ రిలీజ్‌, ఎప్పుడంటే..

Ashwin Babu Shivam Bhaje Release Date: అశ్విన్‌ బాబు హీరో పాన్‌ ఇండియా వస్తున్న చిత్రం 'శివం భజే'. అప్సర దర్శకత్వంలో తెరకెక్కిన ఈ సినిమా రిలీజ్‌ డేట్‌ తాజాగా మేకర్స్ ప్రకటించారు.

Image Credit: Ganga Entertainments/Twitter

Source : Other

Shivam Bhaje Movie Release Date: 'రాజుగారి గది' సిరీస్ చిత్రాలతో విజయాలు అందుకున్న హీరో  అశ్విన్ బాబు. ఇటీవల 'హిడింబ'తో మాస్‌గా కనిపించిన అశ్విన్‌ ఇప్పుడు 'శివం భజే' అంటూ డివోషనల్ మూవీతో వస్తున్నాడు. పాన్‌ ఇండియా రూపొందిన చిత్రమిది. నిజానికి ముందు నుంచి ఈ చిత్రంపై పెద్దగా బజ్‌ లేదు. కానీ, మూవీ పోస్టర్స్‌, అశ్విన్‌ ఫస్ట్‌లుక్‌తో మూవీపై హైప్‌ క్రియేట్‌ అయ్యింది. ఇక టీజర్‌తో మంచి బజ్‌ క్రియేట్‌ అయ్యింది. ఇందులో అశ్విన్‌ ఉగ్రరూపం ఫ్యాన్స్‌ మతిపోగోట్టింది. శివుని నేపథ్యంలో వస్తున్న ఈ సినిమాపై ఆడియన్స్‌లో అంచనాలు నెలకొన్నాయి. ఇక ఇప్పటికే షూటింగ్‌ పూర్తి చేసుకున్న పోస్ట్‌ ప్రొడక్షన్‌ వర్క్‌ జరుపుకుంటున్న ఈ సినిమా విడుదల తేదీ మూవీ టీం ప్రకటించింది.

ఈ సినిమాను ఆగస్ట్‌ 1న ఈ మూవీ ప్రపంచవ్యాప్తంగా విడుదల కానుంది. తెలుగుతో పాటు తమిళ్‌, హిందీ, మలయాళం, కన్నడ భాషల్లో ఈ మూవీ ప్రేక్షకుల ముందుకు రానుంది.  అప్సర్‌ దర్శకత్వంతో తెరకెక్కిన ఈ సినిమాను గంగా ఎంటర్‌టైన్‌మెంట్స్‌ నిర్మాణంలో నిర్మాత మహేశ్వర్‌ రెడ్డి నిర్మించారు. ఈ సినిమాలో అశ్విన్‌ బాబు సరసన దిగంగనా సూర్యవంశీ హీరోయిన్‌గా నటించింది. బాలీవుడ్‌ నటుడు అర్బాజ్‌ ఖాన్‌, మురళీ శర్మ, తనికేళ్ల భరణి, బ్రహ్మాజి ముఖ్యపాత్రలు పోషిస్తుండగా.. సాయి ధీన, అయ్యప్ప శర్మ,  దేవి ప్రసాద్‌, హైపర్‌ ఆది వంతి తదితరులు ఈ సినిమాలో నటిస్తున్నారు. 

ఈ మూవీ విడుదల తేదీ ప్రకటించిన సందర్భంగా మూవీ నిర్మాత మహేశ్వరరెడ్డి మాట్లాడుతూ మూవీ విశేషాలను పంచుకున్నారు. వైవిధ్యమైన కథతో వస్తున్న మా శివం భజే చిత్రాన్ని ప్రేక్షకులు ఆదరిస్తారని నమ్ముతున్నానన్నారు. వైవిధ్యమైన కథతో వస్తున్న ఈ సినిమాను ఎక్కడ రాజీ పడకుండ సాంకేతిక విలువలతో నిర్మించామన్నారు. ఆగస్ట్‌ 1న శివం భజే విడుదల అవుతుందని వెల్లడించారు. ఈ మూవీ ఫస్ట్‌లుక్‌, టీజర్‌కి అద్భుతమైన రెస్పాన్స్‌ వచ్చిందని, దీంతో చిత్ర విజయంపై పూర్తి విశ్వాసంతో ఉన్నామన్నారు.

హీరో అశ్విన్‌ బాబు, దర్శకుడు అప్సర్‌, అర్బాజ్‌ ఖాన్‌, సాయి ధీనా, మురళీ శర్మ, బ్రహ్మాజీ, తులసి, హైపర్‌ ఆది వంటి నటీనటులు, ఇండస్ట్రీ మేటి సాంకేతిక నిపుణుల సహకారంతో తమ మొదటి చిత్రం అనుకున్నట్టుగా రూపుదిద్దుకుందన్నారు. ప్రస్తుతం శివం భజే నిర్మాణాంతర కర్యక్రమాలు చివరి దశలో ఉన్నాయని, అన్ని పూర్తయ్యాక ఆగష్టు 1న ప్రపంచవ్యప్తంగా గ్రాండ్ గా విడుదల చేయడానికి సిద్దమవుతునమని తెలిపారు. శివస్మరణతో మొదలైన తమ చిత్రానికి ఆయన ఆశీస్సులతో అద్భుత స్పందన లభించడం చాలా ఆనందంగా ఉందని, శివం భజే అన్ని వర్గాల ప్రేక్షకులకు ఆకట్టుకుంటుందని పేర్కొన్నారు. ఇక త్వరలోనే మూవీ ట్రైలర్,  పాటల కూడా విడుదల చేస్తామని ఆయన చెప్పుకొచ్చారు. 

హీరో అశ్విన్ బాబు మాట్లాడుతూ.. మా 'శివం భజే' మూవీ టీజర్‌కి అనూహ్య స్పందన వచ్చింది. దీంతో మూవీ విషయంలో మా అందరి విశ్వాసం అమాంతం పెరిగిపోయింది. దర్శకుడు అప్సర్ వైవిధ్యమైన కథకి తగ్గట్టుగా కావాల్సిన సాంకేతిక విలువలుతో తెరకెక్కించారని, ఖర్చు విషయంలో ఏమాత్రం వెనకాడకుండా నిర్మాత మహేశ్వర రెడ్డి గారు మంచి సహకారం అందించారన్నాడు.  ఆ శివుని అనుగ్రహంతో పాటు మీ అందరి ఆశీర్వాదంతో త్వరలోనే మా చిత్రాన్ని మీ ముందుకి తెస్తామని చెప్పాడు.