Tripti Dimri: లకలకలకలక... బాలీవుడ్ హారర్ ఫ్రాంచైజీలో 'యానిమల్' బ్యూటీకి ఛాన్స్

Bhool Bhulaiyaa 3 update: తమిళ, తెలుగు భాషల్లో 'చంద్రముఖి' సూపర్ హిట్. ఆ సినిమాను హిందీలో 'భూల్ భులయ్యా' పేరుతో రీమేక్ చేశారు. తర్వాత సీక్వెల్ చేశారు. ఇప్పుడు మూడో పార్ట్ చేస్తున్నారు.

తృప్తి దిమ్రి (All Images Courtesy: tripti_dimri / Instagram)

Animal fame Tripti Dimri and Kartik Aaryan team up for Bhool Bhulaiyaa 3: 'యానిమల్'తో ఉత్తరాదితో పాటు దక్షిణాదిలోనూ యంగ్ హీరోయిన్ తృప్తి దిమ్రి చాలా పాపులర్ అయ్యారు. ఆమెను Bhabhi 2 అంటూ పిలవడం స్టార్ట్ చేసిన ప్రేక్షకులు ఎంతో మంది! ఒక్క సినిమాతో తృప్తి విపరీతంగా వైరల్ అయ్యారు. 'యానిమల్'లో రణబీర్ కపూర్, తృప్తి దిమ్రి మధ్య సన్నివేశాలు టాక్ ఆఫ్ ది టౌన్ అయ్యాయి. ఇప్పుడు ఆ సినిమా గతం! తృప్తి చేస్తున్న కొత్త సినిమాలు ఏమిటి? అని చూస్తే... కార్తీక్ ఆర్యన్ సరసన 'భూల్ భులాయ్యా'లో నటించే అవకాశాన్ని ఆమె సొంతం చేసుకున్నారు. 

'భూల్ భులాయ్యా 3'లో తృప్తి దిమ్రి
సూపర్ స్టార్ రజనీకాంత్, నయనతార జంటగా... జ్యోతిక ప్రధాన పాత్రలో తెరకెక్కిన 'చంద్రముఖి' తమిళ, తెలుగు భాషల్లో సూపర్ డూపర్ హిట్ అయ్యింది. ఆ చిత్రాన్ని హిందీలో అక్షయ్ కుమార్ హీరోగా 'భూల్ భులయ్యా' పేరుతో రీమేక్ చేశారు. అంతే కాదు... కార్తీక్ ఆర్యన్ హీరోగా ' భూల్ భులయ్యా 2' పేరుతో ఆ సినిమాకు సీక్వెల్ కూడా చేశారు. ఇప్పుడు 'భూల్ భులయ్యా 3' తెరకెక్కిస్తున్నారు. అందులో తృప్తి దిమ్రి నటిస్తున్నట్లు ఇవాళ అనౌన్స్ చేశారు.

Welcome to the World of
Bhool Bhulaiyaa 🤙🏻 @tripti_dimri23 👻#BhoolBhulaiyaa3 @vidya_balan @BazmeeAnees#BhushanKumar
#Diwali2024 pic.twitter.com/sLN2uSqiLA

— Kartik Aaryan (@TheAaryanKartik) February 21, 2024

'వెల్కమ్ టు ద వరల్డ్ ఆఫ్  భూల్ భులయ్యా'' అంటూ తృప్తి దిమ్రికి స్వాగతం పలికారు హీరో కార్తీక్ ఆర్యన్. ''ఆమె చిరునవ్వు ఎంతో మంది గుండెల్లో భయం కలిగిస్తుంది. తృప్తి రాకతో థ్రిల్స్, చిల్స్ మరింత పెరుగుతాయి'' అని టీ సిరీస్ పేర్కొంది. 'భూల్ భులయ్యా 3' చిత్రానికి అనీస్ బజ్మీ దర్శకత్వం వహిస్తారు. ఈ సినిమాను టీ సిరీస్ పతాకంపై భూషణ్ కుమార్ ప్రొడ్యూస్ చేస్తున్నారు. 'యానిమల్' సినిమా నిర్మాతలలో ఆయన కూడా ఒకరు.

'భూల్ భులయ్యా 3'లో విద్యా బాలన్ కూడా!
అక్షయ్ కుమార్ 'భూల్ భులయ్యా' సినిమాలో విద్యా బాలన్ నటించారు. తెలుగులో జ్యోతిక చేసిన పాత్రను పోషించారు. అయితే, సీక్వెల్ ఆమె చేయలేదు. కార్తీక్ ఆర్యన్ 'భూల్ భులయ్యా 2'లో టబు నటించారు. అందులో కియారా అడ్వాణీ హీరోయిన్. అయితే.. ఇప్పుడు మూడో పార్ట్ 'భూల్ భులయ్యా 3'కు వచ్చేసరికి మళ్లీ విద్యా బాలన్ (Vidya Balan)ను తీసుకున్నారు. దీపావళికి ఈ సినిమా విడుదల కానుంది.

'యానిమల్' తర్వాత మరో రెండు సినిమాలు చేసిన తృప్తి!
'యానిమల్' తర్వాత తృప్తి దిమ్రి నటించిన సినిమాలు ఏవీ విడుదల కాలేదు. కానీ, ఆ సినిమా తర్వాత ఆవిడ మరో రెండు సినిమాలకు సంతకం చేశారు. అందులో బాలీవుడ్ యంగ్ హీరో, మోస్ట్ ప్రామిసింగ్ స్టార్ రాజ్ కుమార్ రావు జోడీగా నటిస్తున్న సినిమా ఒకటి ఉంది. 'విక్కీ వైద్య హా వో వాలా వీడియో'లో ఆయన సరసన తృప్తి నటిస్తున్నారు. ప్రస్తుతం ఈ సినిమా సెట్స్ మీద ఉంది. దీనికి ముందు విక్కీ కౌశల్ జోడీగా 'మేరే మెహబూబ్ మేరే సనమ్' సినిమా చేశారు. అందులో సాన్య మల్హోత్రా మరొక హీరోయిన్.