Anasuya Bharadwaj: మీరంతా చేతకానివాళ్లు, మీ హీరోలా మీరు కూడా అదే చేయండి - విజయ్ ఫ్యాన్స్పై అనసూయ ఫైర్
Anasuya Bharadwaj: అనసూయ భరద్వాజ్, విజయ్ దేవరకొండ మధ్య చాలాకాలంగా కోల్డ్ వార్ నడుస్తోంది. తాజాగా తన సినిమా ట్రైలర్లో విజయ్కు సంబంధించిన డైలాగ్పై ఫ్యాన్స్ ట్రోల్ చేయగా దానిపై అనసూయ స్పందించింది.
Anasuya Bharadwaj: బుల్లితెర యాంకర్ అనసూయ భరద్వాజ్.. ప్రస్తుతం బ్యాక్ టు బ్యాక్ సినిమాలతో బిజీగా ఉంది. తను నటిస్తున్న సినిమాల్లో ‘సింబా’ కూడా ఒకటి. తాజాగా ఈ మూవీ ట్రైలర్ విడుదల కాగా ఇందులో హీరో విజయ్ దేవరకొండ గురించి ప్రస్తావన ఉంది. అసలే అనసూయకు, విజయ్ దేవరకొండకు మధ్య చాలాకాలంగా కోల్డ్ వార్ నడుస్తున్న విషయం తెలిసిందే. ఇలాంటి సమయంలో తన సినిమాలో విజయ్ పేరును ఉపయోగించడం చూసి అందరూ ఒక్కసారిగా షాకయ్యారు. రౌడీ హీరో ఫ్యాన్స్ అయితే దీని గురించి ట్రోల్ చేయడం మొదలుపెట్టారు. దీంతో ఫ్యాన్స్పై అనసూయ ఫైర్ అయ్యింది.
ఫ్యాన్స్పై ఫైర్..
‘సింబా’ మూవీ ట్రైలర్ లాంచ్లో విజయ్ దేవరకొండ వివాదంపై మరోసారి స్పందించింది అనసూయ భరద్వాజ్. సినిమాలో తమ ఫేవరెట్ హీరో పేరు ఉపయోగించడం, ఆ తర్వాత తనతో ఉన్న కోల్డ్ వార్ గురించి వ్యాఖ్యలు చేయడం విజయ్ ఫ్యాన్స్కు నచ్చలేదు. దీంతో అనసూయపై నెగిటివ్ కామెంట్స్ చేయడం మొదలుపెట్టారు. తనకు నచ్చని విషయాలపై ఓపెన్గా స్పందించే అనసూయ.. ఈ విషయంపై కూడా ఓపెన్గా ట్వీట్ చేసింది. విజయ్ దేవరకొండ ఫ్యాన్స్ను చేతకానివాళ్లు అంటూ వ్యంగ్యంగా మాట్లాడుతూనే వారికి కౌంటర్ ఇచ్చింది.
త్వరగా కోలుకోండి..
‘‘మరీ ఇంత చేతకాని వాళ్లలాగా ఉంటే ఎలాగండి? నిజంగా మీకు కాలుతుంది నామీద కాదు.. దమ్ముంటే అస్తమానం నేను ఏం పని చేసినా ఆ టాపిక్ లాగే వాళ్లని అనండి. కానీ మీరు అలా చేయరు కదా. ఎందుకంటే మీకు అది చేతకాదు. మీ హీరోలాగా ఆడవాళ్లని ఉద్దేశించి బూతులు తిట్టడం మాత్రమే వచ్చు కదా పాపం.. మీరందరూ త్వరగా కోలుకోవాలని కోరుకుంటున్నాను. వెళ్లి పనికొచ్చే పని చూసుకోండి’’ అని ట్వీట్ చేసింది అనసూయ భరద్వాజ్. అంటే తను అసలు ఈ విషయం గురించి మాట్లాడాలని అనుకోలేదని, తనను ‘సింబా’ ట్రైలర్ లాంచ్లో ఒక వ్యక్తి అడిగితేనే దీనిపై స్పందించానని ట్వీట్లో చెప్పకనే చెప్పింది అనసూయ.
😄 Maree inta chaatakaanivaalla laaga unte elagandi.. nijanga meeku kaaltundante naa meeda kaadu.. astamaanam nenu em pani chesina aa topic laage vaallani anandi dammunte.. kaani meeru ala cheyaru kada.. endukante meeku adi chaatakaadu.. mee hero laaga aadavaallani uddesinchi…
— Anasuya Bharadwaj (@anusuyakhasba) July 24, 2024
ఆ డైలాగ్ వల్లే వివాదం..
అనసూయ భరద్వాజ్ త్వరలోనే ‘సింబా’ అనే మూవీతో ప్రేక్షకులను పలకరించనుంది. ఇందులో జగపతి బాబు, గౌతమి వంటి సీనియర్ ఆర్టిస్టులు కూడా ముఖ్య పాత్రల్లో కనిపించనున్నారు. మురళీ మనోహర్ రెడ్డి ఈ చిత్రానికి దర్శకత్వం వహించారు. తాజాగా ఈ మూవీకి సంబంధించిన ట్రైలర్ విడుదల కాగా.. అందులో ఒక బిచ్చగాడు అనసూయ దగ్గరకు వచ్చి ‘‘నీకు విజయ్ దేవరకొండ లాంటి మొగుడొస్తాడు’’ అంటాడు. దానికి అనసూయ నవ్వుతుంది. దీంతో విజయ్, అనసూయ వివాదం మరోసారి తెరపైకి వచ్చింది.
Also Read: తప్పు చేసి నన్నే తప్పు అన్నారు, విజయ్ తో గొడవపై మరోసారి స్పందించిన అనసూయ
టాప్ హెడ్ లైన్స్
ట్రెండింగ్ వార్తలు
