Daawath with Ananya Nagalla: అక్కడ సర్జరీ చేయించుకున్నా - డిప్రెషన్‌లోకి వెళ్లిపోయా: అనన్య నాగళ్ల

Daawath with Ananya Nagalla: 'తంత్ర' సినిమా ప్ర‌మోష‌న్స్ లో బిజీగా ఉంది అన‌న్య‌. దాంట్లో భాగంగా ఇంట‌ర్వ్యూలు, రియాల్టీ షోల్లో పాల్గొంటున్నారు. ఇక 'దావ‌త్' కి వ‌చ్చిన ఆమె అంద‌రినీ భ‌య‌పెట్టేశారు.

Image Credits: ananya.nagalla/Instagram

Daawath with Ananya Nagalla: తంత్ర‌తో అంద‌రినీ భ‌య‌పెట్టేందుకు వ‌చ్చేస్తోంది అన‌న్య నాగెళ్ల‌. మార్చి 15న సినిమా రిలీజ్ ఉన్న నేప‌థ్యంలో డిఫ‌రెంట్ గా ప్ర‌మోష‌న్స్ స్టార్ట్ చేసింది టీమ్. ఈ నేప‌థ్యంలోనే అనన్య కూడా ప్రమోష‌న్స్ లో బిజీబిజీగా ఉంటున్నారు. ఇంట‌ర‌వ్యూలు, రియాల్టీ షోల్లో పాల్గొంటూ ప్రేక్ష‌కుల‌ను ఎంట‌ర్ టైన్ చేస్తున్నారు. దాంట్లో భాగంగానే రీతూ చౌద‌రి స్టార్ట్ చేసిన 'దావ‌త్' కి వ‌చ్చారు అన‌న్య‌. ఆ షోలో తంత్ర గురించి, ఇంకా త‌ను సినిమా ఫీల్డ్ లో ప‌డ్డ క‌ష్టాల గురించి చెప్పారు. దానికి సంబంధించి ప్రోమో ఇప్పుడు రిలీజ్ అయ్యింది. 

భ‌య‌పెట్టేసిన అన‌న్య‌.. 

ఇప్ప‌టి వ‌ర‌కు అన‌న్య నాగెళ్ల అంటే తెలుగింటి అమ్మాయి. ఆమె చేసిన క్యారెక్టర్లు కూడా అన్నీ అలాంటివే. అయితే, ఇప్పుడు మాత్రం ఆమె డిఫ‌రెంట్ గా ప్రేక్ష‌కుల ముందుకు వ‌స్తోంది. 'తంత్ర' అనే హార‌ర్ సినిమాతో భ‌య‌పెట్ట‌నున్నారు. అయితే, ఆ సినిమా ప్ర‌మోష‌న్స్ లో భాగంగా ఆమె 'దావ‌త్' ప్రోగ్రామ్ కి వ‌చ్చారు. దానికి సంబంధించి ప్రోమో రిలీజ్ అయ్యింది. దాంట్లో అన‌న్య స్టార్టింగ్ లోనే తన యాక్ష‌న్ తో అంద‌రినీ భ‌య‌పెట్టేసింది. ఇక సినిమా విష‌యానికి సంబ‌ధించిన విష‌యాలు చెప్తూ.. కల‌లో కూడా నిమ్మ‌కాయ‌లు, ప‌సుపు కుంకుమ క‌నిపిస్తున్నాయ‌ని, ఎవ‌రో మాట్లాడుతున్న‌ట్లు అనిపిస్తోంద‌ని చెప్పుకొచ్చింది. త‌ను స‌ర్జ‌రీ చేయించుకున్నాన‌ని, సినిమా ఇండ‌స్ట్రీలో మొద‌ట్లో ఇబ్బందులు ప‌డ్డాన‌ని, స‌మంత‌, అలియ‌భ‌ట్ త‌న‌కు స్ఫూర్తి అని, డిప్ర‌ష‌న్ లోకి వెళ్లాన‌ని ఎన్నో విష‌యాలు చెప్పిన‌ట్లు ఆ ప్రోమోలో ఉంది. అయితే, ఆమె ఎలాంటి కష్టాలు ప‌డ్డారు, ఆమెను అలా ఎవ‌రు ట్రీట్ చేశారు అనే విష‌యాలు తెలియాలంటే ఫుల్ ఎపిసోడ్ వ‌చ్చేవ‌ర‌కు ఆగాల్సిందే. 

మార్చి 15న తంత్ర‌.. 

మార్చి 15న తంత్ర సినిమా ప్రేక్ష‌కుల ముందుకు రానుంది. అయితే, 'తంత్ర' ఫస్ట్ లుక్ రిలీజైన‌ప్ప‌టి నుంచే అంచ‌నాలు పెరిగిపోయాయి. ఫ‌స్ట లుక్ నుంచే భ‌యం క్రియేట్ చేశారు మేక‌ర్స్. అందులో అనన్యా నాగళ్ల కన్ను ఒక్కటే కనబడుతోంది. కొన్ని చేతులు ఆమె ముఖాన్ని పట్టుకున్నట్లు ఉంది. మన 'తంత్ర' శాస్త్రానికి చెందిన విస్తు గొలిపే రహస్యాలు ఈ సినిమా ద్వారా చెప్పబోతున్నట్లు చిత్ర బృందం ఇప్ప‌టికే ప్ర‌క‌టించింది. ఫిమేల్ ఓరియెంటెడ్ హారర్‌ ఎంటర్‌టైనర్ తంత్ర అని చెప్పింది టీమ్. పురాణ  గాథలు, భారతీయ తాంత్రిక శాస్త్రం నేపథ్యంలో ఆద్యంతం ఉత్కంఠగా సాగునుంది ఈ సినిమా. అంతేకాకుండా ప్రమోష‌న్స్ కూడా డిఫ‌రెంట్ గా ప్లాన్ చేశారు. పిల్ల బ‌చ్చాలు మీరు మా సినిమాకి రావొద్దు అంటూ ముందే వార్నింగ్ ఇచ్చింది చిత్ర‌బృందం. దీంతో హార‌ర్ పీక్స్ లో ఉంటుందేమో అని అంచ‌నా వేస్తున్నారు ప్రేక్ష‌కులు. 

'మల్లేశం' సినిమాతో తెలుగు తెరకు పరిచయమైన పదహారణాల అచ్చమైన తెలుగు అమ్మాయి అనన్యా నాగళ్ల . 'ప్లే బ్యాక్', పవర్ స్టార్ పవన్ కళ్యాణ్ 'వకీల్‌ సాబ్‌' సినిమాలతో విజయాలు అందుకున్నారు. ఇప్పుడు 'తంత్ర' సినిమాతో కొత్తగా క‌నిపించ‌నున్నారు. అంద‌రినీ భ‌య‌పించ‌నున్నారు. ఇప్ప‌టికే ఈ సినిమాకి సంబంధించి పోస్ట‌ర్లు, టీజ‌ర్లు ప్రేక్ష‌కుల‌ను ఆక‌ట్టుకుంటున్నాయి. ఈ సినిమాపై హైప్ క్రియేట్ చేశాయి. ఈ సినిమాలో శ్రీ‌హ‌రి త‌మ్ముడి కొడుకు ధనుష్‌ రఘుముద్రి టాలీవుడ్ లోకి ఎంట్రీ ఇవ్వ‌నున్నారు. ఈ సినిమాకి శ్రీ‌నివాస్ గొప్పిశెట్టి డైరెక్ష‌న్ చేశారు. న‌రేశ్ బాబు, ర‌వి చూత‌న్య ప్రొడ్యూస‌ర్లు.