Varun Tej Hit Movies: వరుణ్ తేజ్ సూపర్ హిట్ సినిమాలు... ఏయే ఓటీటీల్లో ఉన్నాయో తెలుసా?

Matka OTT Release: ఓటీటీలో 'మట్కా' కోసం వెయిట్ చేసే ఆడియన్స్, థియేటర్లలో ఈ సినిమా చూడాలని ప్లాన్ చేసే ఫ్యాన్స్... దీనికి ముందు వరుణ్ తేజ్ చేసిన సూపర్ హిట్ ఫిల్మ్స్ ఏయే ఓటీటీల్లో ఉన్నాయో తెలుసా?

వరుణ్ తేజ్

Source : ABPLIVE AI

కమర్షియాలిటీ కంటే కంటెంట్ మీద నమ్మకంతో సినిమాలు చేసే హీరోల్లో మెగా ప్రిన్స్ వరుణ్ తేజ్ (Varun Tej) ఒకరు. మొదటి సినిమా 'ముకుంద' నుంచి తాజా 'మట్కా' వరకు ఆయనది అదే పంథా. వరుణ్ సినిమాల్లో ఫ్లాప్స్ ఉండొచ్చు. కానీ, ప్రయత్నంలో ఎప్పుడూ లోపం లేదు. నిజాయతీగా పరాజయాలను అంగీకరించే వరుణ్ తేజ్ ప్రయాణంలో విజయాలు ఎక్కువే. ఆయన సూపర్ హిట్ సినిమాలు ఏయే ఓటీటీల్లో ఉన్నాయో తెలుసా?

'ఫిదా'... డిస్నీ ప్లస్ హాట్‌స్టార్!
వరుణ్ తేజ్ ఎన్నారైగా కనిపించిన సినిమా 'ఫిదా'. హైబ్రిడ్ పిల్లగా సాయి పల్లవి సందడి చేసిన సినిమా ఇదే. ప్రేమ కథతో పాటు పాటలు సైతం ప్రేక్షకుల్ని ఎంతో ఆకట్టుకున్నాయి. శేఖర్ కమ్ముల దర్శకత్వం వహించిన ఈ సినిమా డిస్నీ ప్లస్ హాట్ స్టార్ ఓటీటీలో స్ట్రీమింగ్ అవుతోంది. 

'తొలిప్రేమ'... సన్ నెక్స్ట్ ఓటీటీలో!
'తొలిప్రేమ' అంటే తెలుగు ప్రేక్షకులకు ముందుగా పవన్ కల్యాణ్ సినిమా గుర్తుకు రావడం సహజం. బాబాయ్ టైటిల్ తీసుకుని వరుణ్ తేజ్ సినిమా చేశారు. 2018లో వచ్చిన ఆ సినిమా సూపర్ హిట్ అయ్యింది. రాశీ ఖన్నాతో ప్రేమ సన్నివేశాలు గానీ, తమన్ అందించిన పాటలు గానీ ప్రేక్షకుల ప్రశంసలు అందుకున్నాయి. 'లక్కీ భాస్కర్' ఫేమ్ వెంకీ అట్లూరి దర్శకత్వం వహించిన ఈ సినిమా సన్ నెక్స్ట్ ఓటీటీలో స్ట్రీమింగ్ అవుతోంది.

గద్దలకొండ గణేష్ కూడా డిస్నీలో!
కేవలం హీరో అని కాదు... నెగెటివ్ షేడ్ ఉన్న హీరోగా వరుణ్ తేజ్ కనిపించిన సినిమా 'గద్దలకొండ గణేష్'. లుక్ నుంచి డైలాగ్ డెలివరీ వరకు ప్రతి అంశంలో ఆయన వేరియేషన్ చూపించారు. హరీష్ శంకర్ దర్శకత్వం వహించిన ఈ సినిమా కూడా డిస్నీ ప్లస్ హాట్ స్టార్ ఓటీటీలో స్ట్రీమింగ్ అవుతోంది.

'ఎఫ్ 2' & 'ఎఫ్ 3'... వేర్వేరు ఓటీటీల్లో!
వరుణ్ తేజ్ (Varun Tej Upcoming Movies)లో కామెడీ టైమింగ్ సూపర్ అని 'ఎఫ్ 2', 'ఎఫ్ 3' చూస్తే తెలుస్తుంది. విక్టరీ వెంకటేష్‌తో కలిసి ఆయన ఆడియన్స్ అందరినీ నవ్వించారు. అయితే... ఆ రెండు సినిమాలు వేర్వేరు ఓటీటీ వేదికల్లో ఉన్నాయి. అనిల్ రావిపూడి దర్శకత్వం వహించిన 'ఎఫ్ 2' అమెజాన్ ప్రైమ్ వీడియో ఓటీటీలో ఉంటే... సోనీ లివ్ ఓటీటీలో 'ఎఫ్ 3' స్ట్రీమింగ్ అవుతోంది. 

డిస్నీలోనే వరుణ్ తేజ్ 'కంచె' కూడా!
వరుణ్ తేజ్‌కు ప్రేక్షకుల్లో గౌరవం పెంచిన సినిమా 'కంచె'. హీరోగా రెండో సినిమాకు నటనలో ఎంతో పరిణితి చూపించారు. పీరియాడిక్ ప్రేమ కథగా క్రిష్ జాగర్లమూడి తీసిన ఆ సినిమా కూడా డిస్నీ ప్లస్ హాట్ స్టార్ ఓటీటీలో స్ట్రీమింగ్ అవుతోంది. 

వరుణ్ తేజ్ కథానాయకుడిగా పరిచయమైన 'ముకుంద' సినిమాకూ తెలుగులో చాలా మంది ఫ్యాన్స్ ఉన్నారు. అందులో పాటలకూ సపరేట్ ఫ్యాన్ ఫాలోయింగ్ ఉంది. ఆ సినిమా 'జీ 5' ఓటీటీలో స్ట్రీమింగ్ అవుతోంది. అలాగే, ప్రైమ్ వీడియో ఓటీటీలో 'అంతరిక్షం', 'లోఫర్' సినిమాలు స్ట్రీమింగ్ అవుతున్నాయి.