Mahesh Babu SSMB29: సూపర్ స్టార్ ఫ్యాన్స్ గెట్ రెడీ - ఆ రోజున SSMB29 నుంచి అదిరిపోయే అప్డేట్..
#SSMB29: సూపర్ స్టార్ మహేష్ బాబు బర్త్డే సందర్భంగా ఫ్యాన్స్కి మంచి కిక్ ఇచ్చే అప్డేట్ రాబోతుంది. ఆ రోజునే ఈ మూవీ సెట్స్పైకి రానుందని, అలాగే మహేష్ ఫైనల్ లుక్ కూడా రిలీజ్ చేయబోతున్నారట.
Big Treat For Mahesh Babu Fans in August: మరిన్ని కొన్ని గంటల్లో కల్కి 2898 AD థియేటర్లోకి రాబోతుంది. ప్రపంచవ్యాప్తంగా కల్కి మ్యానియా ఉండబోతుంది. క్రమంలో సూపర్ స్టార్ ఫ్యాన్స్కి కిక్కి ఇచ్చే ఓ అప్డేట్ సోషల్ మీడియాలో చక్కర్లు కొడుతుంది. అదే దర్శక ధీరుడు రాజమౌళి-మహేష్ బాబుల #SSMB29. పాన్ వరల్డ్గా తెరకెక్కిస్తున్న ఈ సినిమా విపరీతమైన బజ్ నెలకొంది. ఈ ప్రాజెక్ట్ ఎప్పుడెప్పుడు సెట్పైకి వస్తుందా అని తెలుగు ప్రేక్షకులు మాత్రమే కాదు.. ఇండియన్ ఆడియన్స్, హాలీవుడ్ సైతం ఎదురూచూస్తుంది. అంతగా ప్రాధాన్యత సంతరించుకున్న ఈసినిమాను ప్రకటించి రెండేళ్లు కావోస్తుంది.
ఇంకా ఈ మూవీ ప్రీప్రొడక్షన్ వర్క్లోనే ఉంది. స్క్రిప్ట్ కూడా ఇంకా పూర్తయినట్టు అనిపించడం లేదు. దీంతో ఈ సినిమా నుంచి ఎప్పుడెప్పుడు గుడ్న్యూస్ వస్తుందా? అంతా ఈగర్గా వెయిట్ చేస్తున్నారు.ఈ నేపథ్యంలో వారందరికి అదిరిపోయే అప్డేట్ ఒకటి బయటకు వచ్చింది. ఆగస్ట్ మహేష్ బాబు బర్త్డే సందర్భంగా ఈ ప్రాజెక్ట్ నుంచి క్రేజీ అప్డేట్ వస్తందట. అదే మూవీ సెట్స్పైకి తీసుకువచ్చే తేదీని చెప్పేస్తారట. లేదా ఆ రోజే మూవీని గ్రాండ్గా లాంచ్ చేసే అవకాశం ఉందంటూ ఇన్సైడ్ సినీ సర్కిల్లో గుసగుసలు వినిపిస్తున్నాయి. అలాగే మహేష్ బాబు ఫైనల్ లుక్ని రిలీజ్ చేసి మహేష్ బాబు ఫ్యాన్స్కి బిగ్ ట్రీట్ ప్లాన్ చేస్తున్నాడట జక్కన్న. అంతేకాదు ఈ అప్డేట్పై సోషల్ మీడియాలో సైతం పలు పోస్ట్స్ దర్శనం ఇస్తున్నాయి. సూపర్ స్టార్ ఫ్యాన్స్ గెట్ రెడీ అంటూ మహేష్ బర్త్డేను అలర్ట్ చేస్తున్నారు ఫ్యాన్స్. అదే విధంగా #SSMB29 మూవీ ఆగస్ట్లో సెట్స్పైకి వస్తుందంటూ పోస్ట్ చేస్తున్నారు. మరి మహేష్ బాబు బర్త్డేకు ఫ్యాన్స్కి ఎలాంటి సర్ప్రైజ్ రానుందో తెలియాలంటే ఆగస్ట్ వరకు ఒపికపట్టాల్సిందే.
ఆర్ఆర్ఆర్ లాంటి భారీ విజంయ తర్వాత జక్కన్న చేస్తున్న ఈ సినిమా ఇది. పైగా మహేష్ బాబుతో ఫస్ట్ టైం జతకట్టారు. ఈ మూవీని ప్రకటించినప్పటి నుంచి ఈ కాంబో మంచి బజ్ క్రియేట్ అయ్యింది. పైగా జక్కన్న చెప్పిన స్టోరీ మరింత హైప్ పెంచింది. మూవీ ఇంకా సెట్స్పైకి రాకముందే ఈ సినిమా నుంచి తరచూ ఏదోక క్రేజీ అప్డేట్ బయటయు వస్తూనే ఉంది. ఇక రీసెంట్గా ఆస్కార్ ఆవార్డు గ్రహిత ఎంఎం కీరణావాణి ఇచ్చిన లీక్తో ఈ SSMB29 క్రేజ్ మరింత పెరిగింది. జక్కన్న విజన్కి హాలీవుడ్ కటౌట్ లాంటి మహేష్ బాబు తోడైతే ఆ మూవీ అవుట్ పుట్ ఏ రేంజ్లో ఉంటుందో ఊహించడం కష్టమే. పైగ ఇది పాన్ వరల్డ్ మూవీ. జేమ్స్ బాండ్ తరహాలో మహేష్ ఇందులో యాక్షన్ చేయబోతున్నాడట. ఆఫ్రీకన్ అడ్వేంచర్ సాగే ఈ సినిమా మహేష్ స్టైల్ హాలీవుడ్ హీరోలా ఉంటుందంటున్నారు.
ఇక ఈ సినిమా సెట్స్పైకి వచ్చినప్పటి నుంచి రిలీజ్ వరకు ఫ్యాన్స్కి ఇక ట్రీట్ఫిస్ట్ అనే చెప్పాలి. ఇక ఈ సినిమా కోసం జక్కన్న హాలీవుడ్ టెక్నిషియన్స్తో సంప్రదింపులు జరిపారంటూ వార్తలు వినిపించిన సంగతి తెలిసిందే. అంటే ఈ మూవీకి దాదాపు హాలీవుడ్ టెక్నిషియన్లే పని చేయనున్నారట. 'ఆర్ఆర్ఆర్' లాంటి బ్లాక్బస్టర్ తర్వాత తనపై ప్రేక్షకులలో ఎటువంటి అంచనాలు ఉంటాయో రాజమౌళికి బాగా తెలుసు. అందుకే మహేష్తో ఆ సినిమా కోసం జక్కన్నఫుల్ ఎఫర్ట్స్ పెడుతున్నారట. పాన్ వరల్డ్ తెరకెక్కుతున్న ఈ సినిమా పలువురు హాలీవుడ్ స్టార్స్ కూడా నటించనున్నట్టు సమాచారం. ఇక ఈ సినిమాను కెఎల్ నారాయణ ప్రొడ్యూస్ చేయనున్నారు.
టాప్ హెడ్ లైన్స్
ట్రెండింగ్ వార్తలు
