#BSS10: 'భీమ్లా నాయక్' డైరెక్టర్‌తో బెల్లంకొండ శ్రీనివాస్ కొత్త సినిమా
పవర్ స్టార్ పవన్ కళ్యాణ్ తో బ్లాక్ బస్టర్ 'భీమ్లా నాయక్'చిత్రాన్ని తెరకెక్కించిన దర్శకుడు సాగర్ చంద్ర కాంబోలో నటిస్తున్నట్టు ప్రకటించాడు.'#BSS10' టైటిల్ తో ఈ మూవీ మాస్-యాక్షన్ ఎంటర్‌టైనర్‌గా రాబోతుంది
#BSS10: 'ఛత్రపతి' హిందీ రిమేక్ టీజర్ తో లేటెస్ట్ గా బాలీవుడ్ లో బజ్ క్రియేట్ చేసిన హీరో బెల్లంకొండ శ్రీనివాస్ తాజాగా మరో సినిమాను ప్రకటించారు. పవర్ స్టార్ పవన్ కళ్యాణ్ 'భీమ్లా నాయక్' చిత్ర దర్శకుడు సాగర్ చంద్ర దర్శకత్వంలో కొత్త సినిమాకు గ్రీన్ సిగ్నల్ ఇచ్చాడు. ఈ విషయాన్ని 14రీల్స్ ప్లస్ నిర్మాణ సంస్థ సోషల్ మీడియా ద్వారా ప్రకటించింది.
టాలీవుడ్ నిర్మాత బెల్లంకొండ సురేశ్ వారసుడిగా సినీ ఇండస్ట్రీలోకి అడుగుపెట్టిన బెల్లంకొండ శ్రీనివాస్ 2014లో సినిమాల్లోకి ఎంట్రీ ఇచ్చాడు. వివి వినాయక్ దర్శకత్వంలో 'అల్లుడు శీను' చిత్రం ద్వారా బెల్లంకొండ శ్రీనివాస్ తెలుగు ప్రేక్షకులకు పరిచయమయ్యాడు. మొదటి సినిమానే సూపట్ హిట్ కావడం బెల్లంకొండకు ప్లస్ గా మారింది. ఆ తర్వాత 'కవచం', 'రాక్షసుడు' లాంటి సినిమాల్లో పోలీస్ పాత్రల్లో కనిపించిన బెల్లంకొండ..మాస్ హీరోగా సొంతంగా ఓ ఇమేజ్ ను క్రియేట్ చేసుకున్నాడు. 'స్పీడున్నోడు' వంటి భిన్న కథతో వచ్చిన బెల్లంకొండ.. మొదటిసారిగా ఫ్లాప్ లిస్ట్ లో చేరాడు. అలా ఇప్పటివరకు చేసిన సినిమాలన్నీ కూడా టాప్ డైరెక్టర్స్ దర్శకత్వంలోనే చేసినా.. అంతగా హిట్ అయిన సినిమాలు చాలా తక్కువే. కానీ ఓ నటుడిగా బెల్లంకొండ మంచి పేరును తెచ్చుకోవడం చెప్పుకోదగిన విషయం.
ఇప్పటి వరకు హీరో బెల్లంకొండ శ్రీనివాస్ నటించిన సినిమాల్లో ఒకటి, రెండు మినహా ఏ సినిమాలూ థియేటర్లలో పెద్దగా హిట్ కొట్టలేదు. అయితే, హిందీలోకి డబ్ అయిన 'జయ జానకి నాయకా' మూవీకి యూట్యూబ్లో ఏకంగా 710 మిలియన్ల వ్యూస్ రావడం అందర్నీ ఆశ్చర్యపరిచింది. ఇన్ని వ్యూస్ ప్రపంచంలో ఏ సినిమాకూ రాకపోవడం చెప్పుకోదగిన విషయం. యశ్ నటించిన 'కేజీఎఫ్' చిత్రం సెకండ్ ప్లేస్లో ఉండగా.. ఈ సినిమాకు ఇప్పటి దాకా 703 మిలియన్ వ్యూస్ వచ్చాయి. దీంతో యూట్యూబ్లో ప్రపంచంలోనే అత్యధిక వ్యూస్ సాధించిన నెంబర్ వన్ హీరోగా బెల్లంకొండ సాయి శ్రీనివాస్ నిలిచారు.
18 ఏళ్ల కిందట తెలుగులో వచ్చిన ప్రభాస్ 'ఛత్రపతి'కి హిందీ రిమేక్ లో బెల్లం కొండ శ్రీనివాస్ నటిస్తున్న విషయం తెలిసిందే. రీసెంట్ గా విడుదలైన ఆ మూవీ పోస్టర్, టీజర్ ప్రేక్షకులను ఎంతగానో ఆకట్టుకుంటోంది. ఇదే ఉత్సాహంతో బెల్లంకొండ మరో కొత్త సినిమాను రివీల్ చేశాడు. తన నెక్స్ట్ సినిమా పవర్ స్టార్ పవన్ కళ్యాణ్ తో బ్లాక్ బస్టర్ 'భీమ్లా నాయక్' చిత్రాన్ని తెరకెక్కించిన దర్శకుడు సాగర్ చంద్ర కాంబోలో నటిస్తున్నట్టు ప్రకటించాడు. #BSS10 టైటిల్ తో మాస్-యాక్షన్ ఎంటర్‌టైనర్‌గా రాబోతున్న ఈ సినిమాను.. బాలకృష్ణ, మహేష్ బాబులతో బ్లాక్ బస్టర్ సినిమాలు నిర్మించిన 14 రీల్స్ పతాకం పై రామ్ ఆచంట, గోపి ఆచంట భారీ బడ్జెట్ తో నిర్మించనున్నారు. ఈ సందర్భంగా విడుదల చేసిన పోస్టర్ మూవీపై చాలా ఆసక్తిని రేకెత్తిస్తోంది. కాగా ఈ చిత్రానికి సంబంధించిన ఇతర వివరాలు త్వరలో వెల్లడి కానున్నాయి.
ఇదిలా ఉండగా.. బెల్లంకొండ శ్రీనివాస్ ‘స్టూవర్ట్‌పురం దొంగ’ అనే సినిమాని గతంలో అనౌన్స్ చేశాడు. అయితే సేమ్ కథతో రవితేజ ‘టైగర్ నాగేశ్వరరావు’ ని ప్రకటించాడు. ప్రస్తుతం బెల్లంకొండ శ్రీనివాస్ ప్రకటించిన ‘స్టూవర్ట్‌పురం దొంగ’ ప్రాజెక్ట్ ఉందా? లేదా? అన్న విషయం తెలియాల్సి ఉంది.
Also Read: ‘దసరా’ రివ్యూ - నాని పాన్ ఇండియా సినిమా ఎలా ఉంది?
టాప్ హెడ్ లైన్స్
ట్రెండింగ్ వార్తలు
