Shivaji: ‘బిగ్ బాస్’ హౌస్లోకి హీరో శివాజీ, ‘జైలు అనుభవం’ అంటూ కామెంట్స్
రాగానే ఇలా చూస్తానని అనుకోలేదు అంటూ శివాజీని పలకరించారు నాగార్జున. అయితే తన ఫస్ట్ చెక్ నాగార్జుననే ఇచ్చినట్టుగా శివాజీ గుర్తుచేసుకున్నాడు.
బిగ్ బాస్ తెలుగు సీజన్ 7లోకి రెండో కంటెస్టెంట్గా ఎంటర్ అయ్యాడు హీరో శివాజీ. ఒకప్పుడు హీరోగా ఎన్నో సినిమాల్లో నటించారు. ఆ తర్వాత క్యారెక్టర్ ఆర్టిస్ట్గా, కొన్ని సినిమాల్లో విలన్గా కూడా నటించాడు. ఆ తర్వాత సినిమాల నుంచి రాజకీయాల సైడ్ షిఫ్ట్ అయ్యారు. గత కొన్నాళ్లుగా శివాజీ అసలు ఎక్కడా యాక్టివ్గా కనిపించడం లేదు. సడెన్గా ఇప్పుడు బిగ్ బాస్లోకి ఎంటర్ అవుతూ కనిపిస్తున్నాడు. మనం తీసుకునే నిర్ణయాలు, దాని వల్ల జీవితంపై పడే ప్రభావం గురించి చెప్తూ ఒక ఇంట్రెస్టింగ్ ఏవీతో శివాజీని కంటెస్టెంట్గా పరిచయం చేశారు నాగార్జున.
శివాజీ స్టేజ్ మీదకు రాగానే ఇలా చూస్తానని అనుకోలేదు అంటూ పలకరించారు నాగార్జున. తన ఫస్ట్ చెక్ నాగార్జుననే ఇచ్చినట్టుగా శివాజీ గుర్తుచేసుకున్నాడు. వైవీఎస్ చౌదరీ తెరకెక్కించిన ‘సీతారాముల కళ్యాణం చూతుమురారండి’ సినిమా కోసం తన ఫస్ట్ చెక్ అందుకున్నట్టు చెప్పారు. బిగ్ బాస్ ఎందుకు ఎంచుకున్నాడు అనే ప్రశ్నకు.. జీవితంలో ఎన్నో చూశాను. జైలు ఎలా ఉంటుందో చూడాలి అనుకుంటున్నాను’ అంటూ బిగ్ బాస్ను జైలుతో పోల్చారు. బిగ్ బాస్ను జైలు అంటున్నావా అంటూ నాగార్జున నవ్వారు. ముందు సీజన్స్ అన్నీ దాదాపుగా చూశానని చెప్పారు. కానీ ఈ సీజన్ ఉల్టా పుల్టా ఉంటుందంటూ నాగ్ మరోసారి క్లారిటీ ఇచ్చారు. తన లైఫ్లో ఉల్టా పుల్టా మూమెంట్ అంటే సినిమాల్లోకి రావడమే అని శివాజీ బయటపెట్టారు.
వైవీఎస్ చౌదరీ ఇచ్చిన చెక్, ‘మాస్టర్’ మూవీ కోసం అల్లు అరవింద్ ఇచ్చిన చెక్ కలిపి తన కలను నిజం చేసుకున్నానని శివాజీ అన్నారు. ఎప్పటినుండో తనకు ఒక ల్యాండ్ కొనాలని డ్రీమ్ ఉండేదని, తన మొదటి రెండు చెక్స్ వల్ల ఆ కల నేరవేరిందని తెలిపారు. ఇప్పుడు ఆ ల్యాండ్ చాలా ఉపయోగపడుతోందని అన్నారు. అయితే నాగార్జున సినిమాలు చూస్తున్నప్పుడు తిట్లు పడుతున్నాయని, ఆయన అప్పటికీ ఇప్పటికీ ఒకేలా ఉన్నారని ప్రశంసించాడు శివాజీ. మేము అంతా పొట్టలు పెంచేసుకున్నాం, మీరు మాత్రం అలాగే ఉన్నారు అంటూ పొగడ్తలతో ముంచేశాడు.
ఆ తర్వాత తన అమ్మ ఫోటో చూపించగా.. శివాజీ ఎమోషనల్ అయ్యారు. అమ్మ ఫోటో చూడగానే.. చిన్నప్పటి నుంచి జరిగిన ప్రతీ విషయం గుర్తొస్తుంది అని కన్నీళ్లు పెట్టుకున్నాడు. వారు చిన్నప్పటి నుంచి చాలా పేదరికంలో ఉండేవారని గుర్తుచేసుకున్నాడు. అమ్మకు ఎప్పుడూ మెడలో పసుపు తాడు వేసుకొని ఉండేదని, హైదరాబాద్ వచ్చిన తర్వాత ఆమెకు గోల్డ్ చైన్ కొన్నానని గర్వంగా చెప్పాడు. ఇక బిగ్ బాస్ హౌజ్లోకి ఎంటర్ అయ్యే ముందు అందులోని పరిస్థితులు ఎలా ఎదుర్కుంటారు అని అడిగినప్పుడు నోరు వేసుకొని పడిపోతా అని సూటిగా చెప్పేశాడు శివాజీ. పవర్ అస్త్రా గురించి శివాజీకి వివరించిన తర్వాత శివాజీని హౌజ్లోకి పంపించాడు నాగ్. ఆ తర్వాత హౌజ్లోకి ఎంటర్ అయ్యి ప్రియాంక జైన్ను పరిచయం చేసుకున్నాడు. ప్రియాంక జైన్ను గుర్తుపట్టి పలకరింపులు జరిపాడు.
టాప్ హెడ్ లైన్స్
ట్రెండింగ్ వార్తలు
