Bigg Boss 5 Promo: లవ్ ప్రపోజ్ చేసిన లోబో.. నోరుజారిన షన్ను.. చుక్కలు చూపిస్తున్న శ్వేత

బిగ్ బాస్ సీజన్ 5లో మొదటి వారం నుంచే హౌస్ వేడెక్కిపోయింది. ప్రస్తుతం మూడో వారం కొనసాగుతోంది. బుధవారం నాటి ప్రోమోని విడుదల చేసింది స్టార్ మా. సోమవారం, మంగళవారం నామినేషన్ల సందర్భంగా తీవ్ర స్థాయిలో వాదనలు అయ్యాయి. వాటి నుంచి కాస్త రిలీఫ్ ఇచ్చేందుకు బిగ్ బాస్ స్కిట్ ఇచ్చాడు కంటెస్టెంట్స్ కి. అందులో భాగంగా శ్వేతపై ఓ కామెంట్ చేశాడు షన్ను. అంతే శ్వేత చాలా సీరియస్ అయిపోయి ‘ఇది ఫన్ కాదు’ అనుకుంటూ బాత్రూమ్ కి వెళ్లి ఏడుపు మొదలుపెట్టింది. అసలు ప్రోమోలో ఏముందంటే...

నిన్నటి ఎపిసోడ్లో బిగ్ బాస్ ఇచ్చిన స్కిట్ లో భాగంగా షన్ను మ్యారేజ్ బ్రోకర్ గా నటిస్తుండగా, లోబో కి అసిస్టెంట్ గా నటిస్తోంది శ్వేత. కాగా స్కిట్లో భాగంగా షన్ను, శ్వేతను పిలిచి ‘లోబోకు హ్యాండ్ ఇచ్చి మనిద్దరం చెక్ లతో చెకౌట్ అయిపోతే, మనీ అంతా మనకే కదా’ అంటాడు. దానికి శ్వేత ‘నీకు 50 నాకు 50’ అని అంటే, ‘పెళ్లి చేసుకుందాం శ్వేత’ అంటాడు షన్ను. దానికి ఓకే చెబుతుంది శ్వేత. 

ఆ తరువాత సీన్ లో లోబో శ్వేతకు ప్రపోజ్ చేస్తాడు. అది షన్ను చూసి శ్వేతను పిలిచి ‘ఆయన పట్టుకుంటే ఆపట్లేదేంటి నువ్వు?’ అనుకుంటూ లోపలికి వెళ్లిపోతుంటాడు. దానికి శ్వేత ‘సార్ ఆగండి’ అనుకుంటూ వెనకే వెళ్తుంది. చిన్నచిన్న మాటలకే అలుగుతారేంటి సార్? అని లోబో అంటే... ‘ఏమైనా అందామంటే ముఖంమ్మీద పెయింటేసి కొడతాది మళ్లీ’ అని నోరు జారుతాడు షన్ను. ఆ డైలాగ్ కు శ్వేతకు చాలా కోపం వచ్చి ‘దట్ వజ్ నాట్ ఫన్నీ’ అంటుంది. అక్కడ్నించి ఫన్నీ సీన్ కాస్త సీరియస్ గా మారిపోతుంది. 

శ్వేత బాత్రూమ్ లో ఏడవడం, షన్ను నోరు స్లిప్ అయినందుకు తనను తానే ‘నోటి దురద’ అని తిట్టుకోవడం, షన్ను ఎంతగా సారీ చెప్పినా శ్వేత ఒప్పుకోకపోవడం... దీన్ని బట్టి చూస్తుంటే బుధవారం కూడా హౌస్ లో గొడవ తప్పదేమో అనిపిస్తుంది. 

Swetha ni love chese panilo Shanmukh slip ayyadu..Will she forgive him?#BiggBossTelugu5 today at 10 PM on #StarMaa #FiveMuchFun pic.twitter.com/akUyBt736H

— starmaa (@StarMaa) September 22, 2021

Also read:  గుండె జబ్బుకు గురికాకుండా ఉండాలంటే తినాల్సినవి ఇవే... తేల్చిన హార్వర్డ్ అధ్యయనం

Also read: రోజుకో గంట చూయింగ్ గమ్ నమిలితే ఒత్తిడి హుష్..

Also read: ఆ కల ఇప్పటికి నెరవేరుతోంది... బాబాయ్ గురించి రానా మనసులో మాట

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి