Bigg Boss Telugu 8: శేఖర్ భాషా మెరుపుల్, విష్ణు ప్రియ అరుపుల్... బిగ్ బాస్ హౌస్‌లో ‘చిత్రం విచిత్రం’
‘బిగ్ బాస్’ షో రెండో వారం పూర్తవుతోంది. ఇవాళ హౌస్ నుంచి మరొకరు బయకు వెళ్లనున్నారు. తాజాగా ఈ షోకు సంబంధించి విడుదలైన ప్రోమోలో ‘హౌస్ మేట్స్’ చిత్ర విచిత్రమైన గేమ్ తో ప్రేక్షకులను ఎంటర్టైన్ చేశారు.
Bigg Boss Telugu 8 Day 14 Promo 1: బిగ్ బాస్ తెలుగు సీజన్ 8 జోష్ ఫుల్ గా కొనసాగుతోంది. సెప్టెంబర్ 1న ప్రారంభమైన ఈ రియాలిటీ షో ఇవాళ్టితో రెండు వారాలు పూర్తి చేసుకుంటున్నది. తొలి వారం బేబక్క హౌస్ నుంచి బయటకు వెళ్లిపోగా... ఈ వారం మరో కంటెస్టెంట్ ఎలిమినేట్ కానున్నారు. ఇంతకీ ఈ వారం హౌస్ నుంచి అవుట్ అయ్యేది ఎవరా? అని ప్రేక్షకులు ఆసక్తిగా ఎదురుచూస్తున్నారు.
ఫుల్ ఫన్నీగా ఆకట్టుకుంటున్న ప్రోమో
తాజాగా ఇవాళ్టి ఎపిసోడ్ కు సంబంధించి విడుదలైన ప్రోమో ప్రేక్షకులను ఫుల్ ఫన్నీగా ఎంటర్ టైన్ చేస్తోంది. బిగ్ బాస్ హౌస్ మేట్స్ చేత ఆడించిన ‘చిత్ర విచిత్రం’ గేమ్ అలరిస్తోంది. ప్రోమో ప్రారంభం కాగానే అదిరిపోయే డ్యాన్స్ తో నాగార్జున ఎంట్రీ ఇచ్చారు. హౌస్ లో ఇద్దరు చీఫ్ లు సెలెక్ట్ కాగా, ఎవరు ఏ టీమ్ లోకి ఎవరు వెళ్లాలనేది తేలాలన్నారు. తాను నిఖిల్ టీమ్ లోకి వెళ్లాలి అనుకుంటున్నట్లు విష్ణు ప్రియ చెప్తుంది. “ఎందుకు ఆయన జట్టులోకి వెళ్లాలి అనుకుంటున్నావో చెప్పాలంటారు నాగార్జున. “నా గొయ్యి నేనే తీసుకుంటున్నాను” అంటూ నవ్వుతుంది. అటు అభయ్ ఎక్కువ మాట్లాడుతాడు. నిఖిల్ ఎక్కువ వింటాడని శేఖర్ బాషా అనడంతో.. “బేసిగ్గా నువ్వు మాట్లాడుతూ ఉంటే, వినేవాళ్లు కావాలి” అని నాగార్జున అనడంతో అందరూ నవ్వుతారు.
బిగ్ బాస్ హౌస్ లో ‘చిత్రం విచిత్రం’
ఆ తర్వాత హౌస్ లో ‘చిత్రం విచిత్రం’ అనే ఆట నిర్వహిస్తారు హోస్టు నాగార్జున. ఫోటో చూపించి దానికి సరిపడే క్యాప్షన్ చెప్పాలంటారు. తొలుత ఆపిల్, మిరపకాయల ఫోటో చూపిస్తారు. దానికి శేఖర్ భాషా ‘మెరుపుల్’ అని చెప్తాడు. మిరపకాయల్లోని ‘మిర’, ఆపిల్ లోని ‘పిల్’ కలిపి మెరుపుల్’ అంటాడు. నెక్ట్స్ ఫోటోలో సెల్, ఫోన్ చూపిస్తారు. దానికి సీత ‘సెల్ ఫోన్’ అని చెప్తుంది. వెనుక నుంచి ఎవరో హెల్ప్ చేశారని నాగార్జున అనడంతో, “నేను బ్యాటరీ ఫోన్ అని వచ్చింది. కానీ, అది సెల్ ఫోన్ అనుకున్నాను” అని సీత చెప్తుంది. “వెనుక నుంచి అందించింది విష్ణు అనుకుంటాను” అని నాగార్జున అనడంతో... “సర్ నాకు అంత బ్రెయిన్ ఉంటే ఐఏఎస్ అయ్యేదాన్ని సర్” అనడంతో అందరూ నవ్వుతారు. ఆ తర్వాత పాలు, దుబాయ్ షేక్ ఫోటో చూపిస్తారు. ఈ ఫోటో చూసి విష్ణు ప్రియ.. “దుబాయ్ షేక్ మీకు సలాం పెడుతుంది” అని చెప్తుంది. ఆమె సమాధానం విని సూర్య శక్తి టీమ్ కు మరో మైనస్ పాయింట్ అంటారు నాగార్జున. “ఒక్క దుబాయ్ షేక్ కాదు, ఇప్పుడు నీకు అందరూ సలాం పెడుతున్నారు” అనడంతో అందరూ నవ్వుతారు. ప్రస్తుతం ఈ ప్రోమో బిగ్ బాస్ అభిమానులను ఫుల్ ఎంటర్ టైన్ చేస్తోంది. సోషల్ మీడియాలో తెగ వైరల్ అవుతోంది.
Read Also: బిగ్ బాస్ నాగ మణికంఠ తండ్రికి షాక్.. ఇన్‌స్టాగ్రామ్ హ్యాక్ చేసి, అటువంటి ఫోటోలు షేర్ చేసిన హ్యాకర్లు
టాప్ హెడ్ లైన్స్
ట్రెండింగ్ వార్తలు
