Bigg Boss 8 Telugu Live Updates: 'బిగ్ బాస్ 8'లో 14 మంది కంటెస్టెంట్లు వచ్చేశారు... చివరిలో ట్విస్ట్ ఇచ్చారుగా, అనిల్ రావిపూడి ఏం చేశారంటే?
Bigg Boss 8 Telugu Contestants List: 'బిగ్ బాస్ 8' మరికొన్ని గంటల్లో మొదలు కానుంది. ఈసారి ఇంటిలో అడుగు పెట్టేది ఎవరు? థీమ్ ఎలా ఉండబోతుందనే విషయాలు అందరి కంటే ముందుగా ఏబీపీదేశం లైవ్ పేజీలో తెలుసుకోండి.
LIVE
Background
తెలుగు టీవీ ఇండస్ట్రీలో బిగ్ బాస్ ఓ చరిత్ర. దీనికి ముందు వరకు ఎన్నో గేమ్ షోస్ వచ్చాయి. దీని తర్వాత వచ్చాయి. అయితే... 'బిగ్ బాస్' కాన్సెప్ట్ తెలుగుకు కొత్త. ఓ ఇంటిలోకి సెలబ్రిటీలను పంపించడం, వాళ్ల మధ్య గొడవలు, ఆటలు, సరదాలు చూడటానికి వీక్షకులు టీవీలకు అతుక్కుపోయారు. అందుకే, ఏడు సీజన్లు సక్సెస్ ఫుల్ అయ్యాయి. ఇప్పుడు ఎనిమిదో సీజన్ మొదలు అవుతుంది. మరి, ఈసారి షోలో అడుగు పెట్టేది ఎవరు? ఎంత మంది ఉంటున్నారు? ఎవరెవరు వెళుతున్నారు? అనేది ఒక్కసారి తెలుసుకోండి.
కింగ్ అక్కినేని నాగార్జునే ఈసారీ హోస్ట్!
'బిగ్ బాస్' తెలుగు సీజన్ 1ను మ్యాన్ ఆఫ్ మాసెస్ ఎన్టీఆర్ హోస్ట్ చేశారు. ఆ తర్వాత సీజన్ కోసం న్యాచురల్ స్టార్ నాని హోస్ట్ చేశారు. మూడో సీజన్‌కు కింగ్ అక్కినేని నాగార్జున హోస్ట్‌గా అడుగు పెట్టారు. అప్పటి నుంచి ఇప్పటి వరకు ఆయన హోస్ట్ చేస్తున్నారు. ఈసారీ... ఎనిమిదో సీజన్‌కూ నాగార్జున హోస్ట్ చేస్తున్నారు. ఆల్రెడీ ప్రోమోలలో ఆయన చేసిన సందడి బావుంది.
లాంచింగ్ ఎపిసోడ్ కోసం నాని, రానా, అనిల్ రావిపూడి!
బిగ్ బాస్ 8 తెలుగు లాంచింగ్ ఎపిసోడ్ కోసం టాలీవుడ్ ప్రముఖులను స్టేజి మీదకు తీసుకు వస్తున్నారు. అందులో మాజీ హోస్ట్, న్యాచురల్ స్టార్ నాని ఉన్నారు. ఈ మధ్య (ఆగస్టు 29న) ఆయన హీరోగా నటించిన తాజా సినిమా 'సరిపోదా శనివారం' విడుదల అయ్యింది. ఆ సినిమా ప్రమోషన్ కోసం ఆయన వచ్చారు.
రానా దగ్గుబాటి సమర్పణలో రూపొందిన తాజా సినిమా '35 - ఇది చిన్న కథ కాదు'. సెప్టెంబర్ 6న విడుదల కానుంది. అందులో నివేదా థామస్ ప్రధాన నటించారు. ఆ సినిమా పబ్లిసిటీ కోసం రానా దగ్గుబాటి, నివేదా థామస్ కూడా 'బిగ్ బాస్' 8 లాంచ్ ఎపిసోడ్‌లో సందడి చేశారు. అలాగే, దర్శకుడు అనిల్ రావిపూడి కూడా వచ్చారని తెలిసింది.
ఇంటిలో ఎవరెవరు అడుగు పెడతారు?
'బిగ్ బాస్ 8' ఇంటిలో అడుగు పెట్టే సెలబ్రిటీల లిస్టులో బుల్లితెర యాంకర్ విష్ణు ప్రియా భీమనేని పేరు బలంగా వినబడుతోంది. ఆవిడతో పాటు బెజవాడ బెబక్క, ఇటీవల రాజ్ తరుణ్ - లావణ్య కేసులో మీడియా డిబేట్లలో విపరీతంగా పాల్గొనడంతో పాటు లావణ్య చేత చెప్పు దెబ్బలు తిన్న శేఖర్ బాషా, సీరియల్ స్టార్ యాష్మి గౌడ, నిఖిల్ పేర్లు కన్ఫర్మ్ అయినట్టు తెలిసింది. వీళ్ళతో పాటు ప్రముఖ కమెడియన్ ఆలీ తమ్ముడు ఖయ్యూమ్, 'జబర్దస్త్' రాకేష్, హీరో ఆదిత్య ఓం, మరొక కమెడియన్ అభయ్ నవీన్, సీరియల్ స్టార్ ప్రేరణ, 'ఢీ' డ్యాన్సర్ నైనిక, ఆర్జీవీ 'ఆషా ఎన్కౌంటర్' సినిమాలో నటించిన తెలంగాణ అమ్మాయి సోనియా ఆకుల, కిరాక్ సీత తదితరుల పేర్లు వినబడుతున్నాయి. మరికొన్ని గంటలు ఆగితే 'బిగ్ బాస్ 8' ఇంటిలో అడుగు పెట్టేది ఎవరో అధికారికంగా తెలుస్తుంది. అప్పటి వరకు కీప్ రీడింగ్ ఏబీపీ దేశం. 'బిగ్ బాస్ 8' విషయాలు అందరి కంటే ముందు తెలుసుకోవడం కోసం ఏబీపీ దేశం వెబ్ సైట్ చూస్తూ ఉండండి.
కంటెస్టెంట్ల చేతిలోనే ప్రైజ్ మనీ
ప్రైజ్ మనీని చూపించే సమయం ఆసన్నమైందని చెప్పిన బిగ్ బాస్... కేవలం సున్నా మాత్రమే చూపించారు. అయితే... అది ఎప్పటికీ సున్నాలా ఉంటుందని అనుకోవద్దని చెప్పారు. లిమిట్ లెస్ ప్రైజ్ మనీ ఉంటుందని చెప్పారు. మనస్ఫూర్తిగా ఆడమని కంటెస్టెంట్లకు 'బిగ్ బాస్' చెప్పారు.
కంటెస్టెంట్లకు 'బిగ్ బాస్' చేసిన ప్రామిస్ ఏమిటంటే?
హౌస్‌లో అడుగు పెట్టిన కంటెస్టెంట్లకు 'బిగ్ బాస్' ఓ ప్రామిస్ చేశారు. అది ఏమిటంటే... ఈ సీజన్ ఇంతకు ముందు ఎప్పుడూ చూడని విధంగా ఉండబోతుందని చెప్పారు. ఊహించని మలుపులు, లిమిట్ లెస్ సర్‌ప్రైజ్‌లు ఉంటాయని వివరించారు. లాంచింగ్ డే చూసినది కేవలం ట్రైలర్ మాత్రమేనని అన్నారు. ఫుల్ సినిమా మున్ముందు వారాల్లో, అదీ ఇంటర్వెల్ లేకుండా చూస్తారని ట్విస్ట్ ఇచ్చారు.
ఎలిమినేషన్... నాగమణికి ఐదు ఓట్లు వేసిన ఐదుగురు
అనిల్ రావిపూడి ప్రతి 'బిగ్ బాస్' సీజన్‌లో కొన్ని వరాలు గడిచిన తర్వాత వచ్చి ఒకరిని ఎలిమినేట్ చేసేవారు. కానీ, ఈసారి మొదటి రోజు వచ్చారు. అప్పటి వరకు జరిగిన టాస్కుల్లో ఓడిపోయిన నలుగురిని నిలబెట్టారు. అందులో ఒకరిని బయటకు పంపాలని, ఆయా నలుగురిలో ఒకరిని బయటకు పంపమని అడిగితే... ఎవరికి ఓటు వేస్తారని అడిగారు. అప్పుడు నాగమణికి ఐదు ఓట్లు వేశారు. ఆయన్ను బయటకు తీసుకు వెళ్లి కాసేపు ఆగిన తర్వాత ప్రాంక్ అని చెప్పారు అనిల్ రావిపూడి.
ఏడు జంటలుగా ఇంటిలో అడుగుపెట్టిన 14 మంది
'బిగ్ బాస్ 8'లో మొత్తం 14 మంది కంటెస్టెంట్లు అని అర్థం అయ్యింది. వాళ్లందరూ ఏడు జంటలుగా అడుగు పెట్టారు. చివరి రెండు జంటలతో టాస్క్ ఆడించడానికి దర్శకుడు అనిల్ రావిపూడి ఇంటిలో అడుగు పెట్టారు.
'బిగ్ బాస్ 8'లో వరంగల్ కుర్రాడు
నబీల్ ఆఫ్రిది... సోషల్ మీడియా ఇన్‌ఫ్లూయెన్సర్! చిన్నతనం నుంచి నటన మీద ఆసక్తి ఉంది. యూట్యూబ్‌లో 'వరంగల్ డైరీస్'తో పాపులర్. ఇప్పుడీ యువకుడికి 'బిగ్ బాస్ 8'లో పార్టిసిపేట్ చేసే అవకాశం అందుకున్నారు.
టాప్ హెడ్ లైన్స్
ట్రెండింగ్ వార్తలు
