Tollywood: 2023 సమ్మర్ రేసులో స్టార్ హీరోలు - తలపడేదెవరంటే?

వచ్చే ఏడాది సమ్మర్ కి కూడా కొన్ని భారీ బడ్జెట్ సినిమాలు పోటీ పడడానికి సిద్ధమవుతున్నాయి. అవేంటో ఇప్పుడు చూద్దాం!

Written By : ABP Desam | Updated at : 17 Jul 2022 07:29 PM (IST)

2023 సమ్మర్ రేసులో స్టార్ హీరోలు - తలపడేదెవరంటే?

ఈ ఏడాది సమ్మర్ లో 'ఆర్ఆర్ఆర్', 'కేజీఎఫ్2', 'ఆచార్య', 'సర్కారు వారి పాట', 'ఎఫ్3' ఇలా చాలా సినిమాలు థియేటర్లలో సందడి చేశాయి. వచ్చే ఏడాది సమ్మర్ కి కూడా కొన్ని భారీ బడ్జెట్ సినిమాలు పోటీ పడడానికి సిద్ధమవుతున్నాయి. అవేంటో ఇప్పుడు చూద్దాం!

RC 15: రామ్ చరణ్, శంకర్ కాంబినేషన్ లో తెరకెక్కుతోన్న ఈ సినిమా ప్రస్తుతం షూటింగ్ దశలో ఉంది. ఇప్పటికే సగానికి పైగా షూటింగ్ పూర్తయింది. కియారా అద్వానీ హీరోయిన్ గా నటిస్తోన్న ఈ సినిమాను రెండొందల కోట్ల బడ్జెట్ తో నిర్మిస్తున్నారు. ఈ సినిమాను వచ్చే ఏడాది సమ్మర్ లో విడుదల చేయడానికి ప్లాన్ చేస్తున్నారు.

SSMB 28: మహేష్ బాబు, త్రివిక్రమ్ కలిసి గతంలో 'అతడు', 'ఖలేజా' సినిమాలు చేశారు. ఇప్పుడు మరోసారి ఈ కాంబినేషన్ సెట్ అయింది. ఈ ఏడాది ఆగస్టులో మొదలుపెట్టి వచ్చే ఏడాది వేసవికి ఈ సినిమాను విడుదల చేయబోతున్నారు.

View this post on Instagram

A post shared by Haarika & Hassine Creations (@haarikahassine)

సలార్: 'కేజీఎఫ్' ఫేమ్ ప్రశాంత్ నీల్ రూపొందిస్తోన్న ఈ సినిమాలో ప్రభాస్ హీరోగా నటిస్తున్నారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి. ప్రస్తుతం షూటింగ్ దశలో ఉన్న ఈ సినిమాను 2023 సమ్మర్ లో విడుదల చేయనున్నారు.

NTR 30: ఎన్టీఆర్, కొరటాల శివ కాంబినేషన్ లో తెరకెక్కనున్న ఈ సినిమా రెగ్యులర్ షూటింగ్ ను త్వరలోనే మొదలుపెట్టనున్నారు. ఈ సినిమా సమ్మర్ 2023లో ప్రేక్షకుల ముందుకు రానుంది.

ఈ సినిమాలన్నీ ప్లాన్ ప్రకారం.. 2023 సమ్మర్ లో వస్తే సినిమా లవర్స్ కి పండగే.