Upcoming Movie Releases: ఇటు థియేటర్స్, అటు ఓటీటీ - ఈ వారం చిన్న సినిమాలదే హవా!

గత వారం పెద్ద సినిమాలు థియేటర్లలో దుమ్మురేపగా, ఈ వారం చిన్న సినిమాలు సందడి చేయబోతున్నాయి. ఓటీటీలోనూ ఈ వారం పలు చిన్న సినిమాలు స్ట్రీమింగ్ కు రాబోతున్నాయి.

Written By : ABP Desam | Updated at : 14 Aug 2023 01:14 PM (IST)

august 2023 3rd week theatre and ott release movies Upcoming Movie Releases: ఇటు థియేటర్స్, అటు ఓటీటీ - ఈ వారం చిన్న సినిమాలదే హవా!

ఈ వారం థియేటర్లు, ఓటీటీలో విడుదలయ్యే సినిమాలు ఇవే!

ఎప్పటి లాగే ఈ వారం కూడా పలు సినిమాలు థియేటర్లతో పాటు ఓటీటీలో సందడి చేయబోతున్నాయి. గత వారం రజనీకాంత్ ‘జైలర్’, చిరంజీవి ‘భోళా శంకర్’ లాంటి పెద్ద సినిమాలు విడుదల అయ్యాయి. ఈ వీక్ థియేటర్లతో పాటు, ఓటీటీలో పలు చిన్న సినిమాలు ప్రేక్షకులను అలరించేందుకు రెడీ అయ్యాయి.

ఈ వారం థియేటర్లలో విడుదలయ్యే సినిమాలు

1. మిస్టర్‌ ప్రెగ్నెంట్‌- ఆగస్టు 18న విడుదల

సొహైల్‌, రూపా కొడువయూర్‌ హీరో, హీరోయిన్లుగా నటించిన చిత్రం ‘మిస్టర్‌ ప్రెగ్నెంట్‌’. శ్రీనివాస్‌ వింజనంపాటి ఈ చిత్రాన్ని తెరకెక్కించారు. అప్పిరెడ్డి, రవిరెడ్డి సజ్జల నిర్మాతలుగా వ్యవహరించారు. సుహాసిని, అలీ, బ్రహ్మాజీ సహా పలువురు కీలక పాత్రల్లో నటించారు. ఈ సినిమా ఆగస్టు 18న విడుదలకానుంది.

2.ప్రేమ్‌కుమార్‌- ఆగస్టు 18న విడుదల

సంతోష్‌ శోభన్‌ హీరోగా, రాశీ సింగ్‌, రుచిత సాధినేని హీరోయిన్లుగా తెరకెక్కిన చిత్రం ‘ప్రేమ్‌కుమార్‌’. రచయిత అభిషేక్‌ మహర్షి ఈ మూవీతో టాలీవుడ్ కు దర్శకుడిగా పరిచయం కాబోతున్నారు. సారంగ ఎంటర్‌టైన్‌మెంట్స్‌ బ్యానర్ లో శివ ప్రసాద్‌ పన్నీరు ఈ చిత్రాన్ని రూపొందిస్తున్నారు. ఈ చిత్రం ఆగస్టు 18న ప్రేక్షకుల ముందుకు రానుంది. పూర్తి స్థాయిలో కామెడీ చిత్రంగా రూపొందిన ‘ప్రేమ్‌కుమార్‌’ అందరినీ ఆకట్టుకుంటుందని చిత్రబృందం ప్రకటించింది.

3. జిలేబి- ఆగస్టు 18న విడుదల

తెలుగులో పలు చిత్రాలతో మెప్పించిన దర్శకుడు కె.విజయ భాస్కర్‌ తనయుడు శ్రీ కమల్‌ను హీరోగా ‘జిలేబి’ సినిమా తెరకెక్కింది. శివానీ హీరోయిన్ గా నటిస్తున్న ఈ సినిమాలో రాజేంద్ర ప్రసాద్‌ కీలక పాత్రలో కనిపించనున్నారు. గుంటూరు రామకృష్ణ నిర్మాతగా వ్యవహరిస్తున్నారు. ఈ చిత్రం 18న ప్రేక్షకుల ముందుకు రానుంది.

4. ‘డీడీ రిటర్న్స్‌ భూతాల బంగ్లా’- ఆగస్టు 18న విడుదల

తమిళ యాక్టర్ సంతానం నటించిన హారర్‌, కామెడీ చిత్రం ‘డీడీ రిటర్న్స్‌ భూతాల బంగ్లా’.ఇప్పటికే తమిళ నాట రిలీజై మంచి టాక్ తెచ్చుకున్న ఈ చిత్రం ఆగష్టు 18న తెలుగు ప్రేక్షకుల ముందుకు రానుంది. కుటుంబం అంతా కలిసి చూసేలా ఈ సినిమా ఉంటుందని మేకర్స్ తెలిపారు.