Pushpa Songs: యూట్యూబ్లోనూ ‘తగ్గేదేలే’ అంటున్న‘పుష్ప’ - 2022లో ‘పుష్ప’ పాటలే టాప్!
‘పుష్ప’ పాటలు యూట్యూబ్ ను షేక్ చేస్తున్నాయి. ఈ ఏడాది అత్యధికంగా వీక్షించిన పాటగా ‘శ్రీవల్లి’ నిలిచింది. ‘సామి సామి’, ‘ఊ అంటావా మావా’ అనే పాటలు కూడా టాప్ ప్లేస్ దక్కించుకున్నాయి.
సుకుమార్ దర్శకత్వంలో అల్లు అర్జున్, రష్మిక మందన్న హీరో, హీరోయిన్లుగా నటించిన సినిమా ‘పుష్ప: ది రైజ్’. దేశ వ్యాప్తంగా విడుదలైన అన్ని చోట్ల అద్భుత విజయాన్ని అందుకుంది. ఇండియన్ బాక్సాఫీస్ దగ్గర ఈ సినిమా వసూళ్ల సునామీ సృష్టించింది. ఈ ఏడాది అత్యధిక వసూళ్లు సాధించిన సినిమాల లిస్టులో చేరింది. ఈ సినిమాలోని అల్లు అర్జున్ మేనరిజం ప్రపంచ వ్యాప్తంగా ఫేమస్ అయ్యింది.
రష్యాలో ‘పుష్ప’ సందడి!
ఇండియాలో సత్తా చాటిన ‘పుష్ప: ది రైజ్’ సినిమా ఇటీవల రష్యాలో విడుదలైంది. సినిమా ప్రమోషన్ లో భాగంగా అల్లు అర్జున్, రష్మిక మందన్న, సుకుమార్ సహా సినిమా యూనిట్ ఈ మధ్యే మాస్కోలో పర్యటించింది. ఈ చిత్రం డిసెంబర్ 1న మాస్కోలో, డిసెంబర్ 3న సెయింట్ పీటర్స్ బర్గ్ లో విడుదలైంది. అక్కడ కూడా ఈ సినిమా విజయవంతంగా ప్రదర్శించబడుతోంది. డిసెంబర్ 8న రష్యాలోని పలు నగరాల్లో విడుదల కానుంది. అటు 24 రష్యన్ నగరాల్లో జరగనున్న 5వ ఇండియన్ ఫిల్మ్ ఫెస్టివల్ ప్రారంభోత్సవ వేడుకల్లోనూ ఈ సినిమాను ప్రదర్శిస్తారు. మొత్తంగా తొలి పార్ట్ బ్లాక్ బస్టర్ సాధించడంతో ‘పుష్ప- ది రూల్’ త్వరలో షూటింగ్ మొదలు కానుంది. రష్యా ప్రమోషన్స్ ముగించుకుని రాగానే సినిమా చిత్రీకరణ మొదలయ్యే అవకాశం ఉంది.
యూట్యూబ్ లో సత్తా చాటిన ‘పుష్ప’
ఇక థియేటర్లలో సత్తా చాటిన ‘పుష్ప’ సినిమా యూట్యూబ్ లోనూ సత్తా చాటింది. ఈ సినిమా పాటలు ఓ రేంజిలో ప్రజాదరణ పొందాయి. చార్ట్ బస్టర్ మ్యూజిక్ తో యూట్యూబ్ ను షేక్ చేసింది. 2022కు గాను అత్యధిక వ్యూస్ అందుకున్న పాటల లిస్టును యూట్యూబ్ విడుదల చేసింది. ఇందులో ‘పుష్ప’ పాటలు టాప్ ప్లేస్ లో నిలిచాయి. ఈ సినిమాలోని పాటలు ‘శ్రీవల్లి’, ‘సామీ సామీ’, ‘ఊ అంటావా మావా’ టాప్ ర్యాంకును దక్కించుకున్నాయి. పూజా హెగ్డే, విజయ్ నటించిన ‘బీస్ట్’ సినిమాలోని ‘అరబిక్ కుతు - హలమితి హబీబో’ పాట కూడా టాప్ లో నిలిచింది. జనవరి 1 నుంచి అక్టోబర్ 30 వరకు సేకరించిన డేటా ప్రకారం ఈ లిస్టును విడుదల చేసింది.
యూట్యూబ్లో 2022 టాప్ 10 సాంగ్స్ ఇవే..
1. శ్రీవల్లి - పుష్ప
2. అరబిక్ కుతు – హలమితి హబీబో – బీస్ట్ (లిరిక్ వీడియో)
3. సామి సామి – పుష్ప (హిందీ వెర్షన్)
4. కచా బాదం పాట - భుబన్ బద్యాకర్
5. LE LE AAYI కోకా కోలా – KHESARI LAL YADAV
6. ఊ బోలెగా యా ఓ ఓ ఓ బోలేగా – పుష్ప
7. ఊ అంటావా మావా ఊ ఊ అంటావా – పుష్ప
8. పసూరి - అలీ సేథి X షే గిల్
9. అరబిక్ కుతు – హలమితి హబీబో – బీస్ట్ (మ్యూజిక్ వీడియో)
10. నాతునియా - ఖేసరి లాల్ యాదవ్
టాప్ హెడ్ లైన్స్
ట్రెండింగ్ వార్తలు
