Mahesh Babu Animal Trailer: ‘యానిమల్’లో రణబీర్‌కు బదులు మహేష్ నటిస్తే, ఇదిగో ఇలా ఉంటుందట, డీప్ ఫేక్ వీడియో వైరల్

Mahesh Babu Animal Trailer: ‘యానిమల్’ చిత్రంలో బాలీవుడ్ స్టార్ హీరో రణబీర్ కపూర్ కు బదులుగా మహేష్ బాబు హీరోగా చేస్తే ఎలా ఉంటుంది? ఇదిగో అచ్చం ఈ వీడియో మాదిరిగా ఉంటుంది.

మహేష్ బాబు ‘యానిమల్’ (Photo Credit: roasterbidda/Instagram)

Mahesh Babu Animal Trailer: బాలీవుడ్ స్టార్ హీరో రణ్‌బీర్ క‌పూర్ హీరోగా తెరకెక్కిన తాజా చిత్రం 'యానిమల్‌'. కన్నడ భామ రష్మిక మందన్న హీరోయిన్ గా నటిస్తోంది. సందీప్‌ రెడ్డి వంగా ఈ సినిమాకు దర్శకత్వం వహిస్తున్నారు. ఈ మూవీ సెంబర్‌ 1న హిందీ, తెలుగు, తమిళం, మలయాళం, కన్నడ భాషల్లో ప్రపంచ వ్యాప్తంగా అట్టహాసంగా విడుదల కానుంది. ఇప్పటికే ఈ సినిమాకు సంబంధించిన ఫస్ట్ లుక్ పోస్టర్లు, టీజర్, ట్రైలర్ ప్రేక్షకులను ఓ రేంజిలో ఆకట్టుకున్నాయి. రీసెంట్ గా విడుదలైన ట్రైలర్ సినిమాపై అంచనాలను ఓ రేంజిలో పెంచేసింది. ఇంత కాలం సాఫ్ట్ గా కనిపించిన రణబీర్, తనలోని పూర్తి స్థాయి వయెలెన్స్ బయటపెట్టారు. ఈ ట్రైలర్ చూసిన ఒక్కొక్కరు షాక్ అయ్యారు. ట్రైలరే ఈ రేంజిలో ఉంటే సినిమా మరే రేంజిలో ఉంటుందోనని ఆలోచిస్తున్నారు.

‘యానిమల్’ మూవీపై మహేష్ ప్రశంసలు

ఇక తాజాగా ఈ మూవీ ప్రీ రిలీజ్ ఈవెంట్ లో పాల్గొన్న టాలీవుడ్ సూపర్ స్టార్ మహేష్ బాబు ఈ సినిమాపై ప్రశంసల జల్లు కురిపించారు. ట్రైల‌ర్ చూసి మెంటలొచ్చిందని చెప్పారు. ఇలాంటి ఒరిజిన‌ల్ ట్రైల‌ర్ ను తాను ఎప్పుడూ చూడలేదని చెప్పారు. నిజానికి తాను రణబీర్ కు పెద్ద ఫ్యాన్ ను అని చెప్పిన మహేష్, ఈ ట్రైలర్ చూశాక మరింత పెద్ద ఫ్యాన్ గా మారినట్లు చెప్పారు. వాస్తవానికి ‘యానిమల్’ సినిమా కథను దర్శకుడు సందీప్ వంగా తొలుత మహేష్ బాబుకు చెప్పినట్లు తెలుస్తోంది. కానీ, ఇంత వయిలెన్స్ ను తాను తట్టుకోలేనని చెప్పి వదులుకున్నట్లు తెలుస్తోంది.

‘యానిమల్’ సినిమాలో మహేష్ నటించి ఉంటే?

ఈ నేపథ్యంలో ‘యానిమల్’ సినిమాలో రణబీర్ కాకుండా మహేష్ నటించి ఉంటే ఎలా ఉండేది? అని నెటిజన్లు ఆలోచిస్తున్నారు. మరోవైపు ఈ మూవీ ట్రైలర్ ను గుర్తు తెలియని వ్యక్తులు ఎడిట్ చేసి నెట్టింట్లోకి వదిలారు. రణబీర్ ఫ్లేస్ లో మహేష్, అనిల్ కపూర్ ప్లేస్ లో ప్రకాష్ రాజ్, బాబీ డియోల్ స్థానంలో సోనూసూద్ ను పెట్టి డీప్ ఫేక్ వీడియో క్రియేట్ చేశారు. రోస్టర్ బిడ్డ అనే ఇన్‌స్టాగ్రామ్ అకౌంట్ ద్వారా ఈ ఎడిటెడ్ ట్రైలర్ ను షేర చేశారు. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది. ఈ వీడియోకు కేవలం రెండు రోజుల్లోనే 40,000 లైక్‌లు వచ్చాయి.

 

 

 

 

 

View this post on Instagram

 

 

 

 

 

 

 

 

 

 

 

A post shared by roasterbidda (@roaster_bidda)

డిసెంబర్ 1న ‘యానిమల్’ విడుదల

సందీప్ రెడ్డి వంగా దర్శకత్వంలో ఈ సినిమా తెరకెక్కింది. నేషనల్ క్రష్ రష్మిక మందన్న హీరోయిన్ గా నటించింది. బాలీవుడ్ స్టార్ యాక్టర్ బాబీ డియోల్ విలన్ పాత్రలో కనిపించారు. అనిల్ కపూర్ ప్రధాన పాత్రలో కనిపించనున్నారు. బాబీ డియోల్ పవర్ ఫుల్ విలన్‌గా కనిపించబోతున్నారు. ఈ సినిమా డిసెంబర్ 1న విడుదల కానుంది. హిందీ, తెలుగు, తమిళం, కన్నడ, మలయాళంలో ఒకేసారి ప్రేక్షకుల ముందుకు రానుంది. 

ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply