Kaikala Sathyanarayana: వెంటిలేటర్ పై సీనియర్ నటుడు.. టెన్షన్ లో అభిమానులు..

సీనియర్ నటుడు కైకాల సత్యనారాయణను మరోసారి హాస్పిటల్ లో జాయిన్ చేశారు. ప్రస్తుతం ఆయన ఆరోగ్య పరిస్థితి విషమంగా ఉన్నట్లు తెలుస్తోంది.

By: ABP Desam | Updated : 20 Nov 2021 11:04 PM (IST)

Actor Kaikala Satyanarayana critical, on ventilator support

వెంటిలేటర్ పై నటుడు కైకాల సత్యనారాయణ..

సీనియర్ నటుడు కైకాల సత్యనారాయణ(88) ఆరోగ్య పరిస్థితి విషమంగా ఉన్నట్లు తెలుస్తోంది. కొంతకాలంగా అనారోగ్యంతో బాధపడుతున్న ఆయన్ను జూబ్లీహిల్స్ లోని అపోలో హాస్పిటల్ లో జాయిన్ చేసి ట్రీట్మెంట్ అందిస్తున్నారు. దీంతో టాలీవుడ్ లో ఆందోళన పరిస్థితులు నెలకొన్నాయి. తాజాగా ఆయన హెల్త్ స్టేటస్ పై హాస్పిటల్ వర్గాలు అప్డేట్ ఇచ్చాయి.

Also Read: 'నా జీవితానికి ఇదే గ్రీన్ సిగ్నల్..' చైతు పోస్ట్ వైరల్..

''సత్యనారాయణ ఆరోగ్య పరిస్థితి మరింత విషమంగా ఉంది. మల్టీ ఆర్గాన్స్‌ ఫెయిల్‌ అయ్యాయి. చికిత్సకు ఆశించినంతగా ఆయన స్పందించటం లేదు'' అని వైద్యులు పేర్కొన్నారు. దీంతో అభిమానులు ఆందోళన చెందుతున్నారు.

కొన్నిరోజుల క్రితం ఆయన ఇంట్లో కాలుజారి పడ్డారు. దాంతో హాస్పిటల్ కి త‌ర‌లించి ట్రీట్మెంట్ ఇప్పించారు. ఆ తరువాత కోలుకుని డిశ్చార్జ్ కూడా అయ్యారు. ఇప్పుడు మ‌ళ్లీ ఆయ‌న ఆరోగ్యం తిర‌గ‌బ‌డింద‌ని తెలుస్తోంది. ఆయన త్వరగా కోలుకోవాలని అభిమానులు కోరుకుంటున్నారు. 1959లో 'సిపాయి కూతురు' అనే సినిమాతో టాలీవుడ్ లో నటుడిగా ఎంట్రీ ఇచ్చారు. దాదాపు 777 చిత్రాల్లో న‌టించారాయన. న‌వ‌ర‌స న‌ట‌నా సార్వ‌భౌమగా చిత్రపరిశ్రమ, అభిమానులు ఆయన్ను పిలుచుకుంటూ ఉంటారు. ఎలాంటి పాత్రనైనా అవలీలగా పోషించగల టాలెంటెడ్ నటుడు కైకాల. హీరో, విలన్, క్యారెక్టర్ ఆర్టిస్టు ఇలా ఏ పాత్రలో నటించినా ఆ పాత్రకు తన నటనతో ప్రాణం పోస్తాడు. ఎస్వీఆర్ తర్వాత ఆ రేంజ్ లో వైవిధ్య పాత్రల్లో నటించింది కైకాల మాత్రమే. కృష్ణా జిల్లా గుడ్లవల్లేరు మండలం కౌతరం గ్రామంలో 1935 జూలై 25న కైకాల జన్మించారు.1960లో నాగేశ్వరమ్మని వివాహం చేసుకున్నారు. ఈ జంటకు ఇద్దరు కూతుళ్లు, ఇద్దరు కొడుకులు ఉన్నారు.