కమల్ హాసన్ పార్టీ మొదట టార్చ్ లైట్ గుర్తుపై పోటీ చేయాలని భావించింది. కానీ ఇప్పుడు డీఎంకే ఒత్తిడి మేరకు ఉదయించే సూర్యుడు గుర్తుపై పోటీ చేయనున్నట్లు తెలుస్తోంది.
అన్వేషించండి
MNM Election Symbol: లోకనాయకుడికి సింబల్ చిక్కులు! కాగడా వదిలి సూర్యుడి వెలుగులోకి రమ్మని పిలుస్తున్న స్టాలిన్!
Kamal Haasan Election Symbol: తమిళనాడు ఎన్నికల్లో ఏ గుర్తుపై పోటీ చేయాలో అనే అంశంపై లోకనాయకుడు కమల్హాసన్కు చిక్కు వచ్చి పడింది. ఉదయించే సూర్యుడి గుర్తుపై పోటీ చేయాలని డీఎంకే ఒత్తిడి చేస్తోంది.
లోకనాయకుడికి సింబల్ చిక్కులు! కాగడా వదిలి సూర్యుడి వెలుగులోకి రమ్మని పిలుస్తున్న స్టాలిన్!
Source : X.com
- కమల్ హాసన్ పార్టీకి టార్చ్ లైట్ గుర్తు బదులు సూర్యుడు గుర్తుతో పోటీ.
- DMK సూచనతో ఎన్నికల్లో గెలుపునకు వ్యూహాలు రచిస్తున్నారు.
- కమల్ హాసన్ పార్టీకి రాజ్యసభతో పాటు రెండు అసెంబ్లీ సీట్లు కేటాయింపు.
- వేరే గుర్తుతో పోటీ చేస్తే పార్టీకి భారీ నష్టం జరుగుతుందని నాయకుల అభిప్రాయం.
Kamal Haasan MNM Election Symbol: తమిళనాడులో ఎన్నికల వేడి రాజుకుంది. గెలుపే లక్ష్యంగా పార్టీ వ్యూహప్రతి వ్యూహాలతో పరీక్షను ఎదుర్కోవాలని సిద్ధమవుతున్నారు. అందుకే ఏ చిన్న అవకాశాన్ని కూడా వదులుకునేందుకు సిద్ధంగా లేదు. ఈ పరిస్థితిలో లోకనాయుకుడు కమల్ హాసన్కు అనుకోని చిక్కు వచ్చి పడింది. ఆయన పార్టీ గుర్తు టార్జ్ లైట్ కాదని, తమ గుర్తు ఉదయించే సూర్యుడు సింబల్పై పోటీ చేయాలని డీఎంకే ఒత్తిడి తీసుకొస్తోంది. దీనికి కమల్ హాసన్ కూడా ఓకే చెప్పినట్టు తెలుస్తోంది. ఈ విషయాన్ని అధికారికంగా సాయంత్రం ప్రకటించనున్నారు.
ఏప్రిల్ 23న జరగనున్న తమిళనాడు అసెంబ్లీ ఎన్నికల్లో అధికార పార్టీ ద్రవిడ మున్నేట్ర కజగం (DMK) నేతృత్వంలోని కూటమిలో భాగస్వామిగా ఉన్న కమల్ హాసన్ పార్టీ మక్కల్ నీది మైయం (MNM) ఇప్పుడు చిత్రమైన పరిస్థితి ఎదుర్కొంటోంది. తన బ్రాండ్గా ఉన్న టార్చ్లైట్ (కాగడా) గుర్తుతోనే ఎన్నికలకు వెళ్లాలని భావించారు. గత ఎన్నికల్లో ఆయనకు అనుకున్న సీట్లు రాకపోయినా మంచి ఓట్లు మాత్రం వచ్చాయి. అందుకే ఆయనకు కాగడా గుర్తును శాశ్వత గుర్తుగా మార్చేశారు. అయితే ఇప్పుడు ఆ గుర్తును వదిలి డీఎంకే గుర్తు ఉదయించే సూర్యుడు గుర్తుపై పోటీ చేయాలని స్టాలిన్ ఒత్తిడి చేస్తున్నట్టు తెలుస్తోంది.
డీఎంకే కూటమిలో చేరిన కమల్ హాసన్కు ఒక రాజ్యసభ సీటు కేటాయించారు. అంతే కాకుండా ఆయనకు ఉన్న పేరును దృష్టిలో పెట్టుకొని మరో రెండు అసెంబ్లీ సీట్లు కూడా కేటాయించే ఛాన్స్ ఉందని అంటున్నారు. అయితే ఆ రెండు అసెంబ్లీ సీట్లలో కూడా డీఎంకే సింబల్తోనే పోటీ చేయాలని పట్టుబడుతున్నారు. గత ఎన్నికలతో పోలిస్తే కమల్ హాసన్ హవా రాజకీయంగా తగ్గిందని డీఎంకే భావిస్తోంది. అందుకే ఆయన తన కాగడా గుర్తుతో పోటీ చేస్తే ఓట్లు చీలిపోయే ప్రమాదం ఉందని అంటున్నారు. ఇది ప్రత్యర్థి పార్టీలకు మేలు చేస్తుందని కూడా చెబుతున్నారు.
గెలుపొందేందుకు ఉన్న ఏ చిన్న అవకాశం కూడా వదులుకోకూడదని స్టాలిన్ వ్యూహం రచిస్తున్నారు. అందుకే తనతో కలిసి వచ్చే చిన్న చిన్న మిత్ర పక్షాలను డీఎంకే గుర్తుపై పోటీ చేయంచాలని ప్లాన్ చేస్తున్నారు. దీని వల్ల ఓట్లు చీలిపోయే ప్రమాదం ఉండదని, పోల్ మేనేజ్మెంట్ కూడా ఈజీ అవుతుందని స్కెచ్ వేశారు. అన్నింటి కంటే ముఖ్యంగా రేపు సీట్లు అటు ఇటు తేడాగా వచ్చినా వారు కూటమి నుంచి వెళ్లిపోయే ఛాన్స్ ఉండదనే దీర్ఘ ఆలోచనతో ఈ ఎత్తుగడ వేసినట్టు రాజకీయ విశ్లేషకులు చెబుతున్నారు.
డీఎంకే ఎత్తుగడ ఎలా ఉన్నా కమల్హాసన్ ఇలా వేరే పార్టీ గుర్తుపై పోటీ చేస్తే మాత్రం పార్టీకి భారీ నష్టం జరుగుతుందని నాయకులు అభిప్రాయపడుతున్నారు. ఇప్పటికే పార్టీ రోజురోజుకు బలహీనపడుతుందని, గుర్తుపై పోటీ చేయకుంటే పార్టీని ఎవరూ కాపాడలేరని ఆవేదన వ్యక్తం చేస్తున్నారు.
ఈ ఎన్నికలను ప్రతిష్టాత్మకంగా తీసుకున్న స్టాలిన్ కూటమిలో భాగస్వాములుగా ఉన్న వారికి సీట్ల కేటాయింపును పూర్తి చేశారని టాక్ నడుస్తోంది. కాంగ్రెస్ పార్టీకి 28 అసెంబ్లీ స్థానాలు, 2 రాజ్యసభ సీట్లు, ఎండీఎంకేకు 4 అసెంబ్లీ స్థానాలు, సీపీఐకి ఐదు అసెంబ్లీ స్థానాలు, కమల్హాసన్ పార్టీకి రెండు, ఇడియన్ యూనయన్ ముస్లీం లీగ్కు రెండు, కొంగునాడుమక్కల్ నేషనల్ పార్టీకి రెండు స్థానాలు కేటాయించారు. మిగతా పార్టీలకు కూడా సీట్ల కేటాయింపులు పెండింగ్లో ఉన్నట్టు సమాచారం. అటు విజయకాంత్ స్థాపించిన డీఎండీఏకే నాలుగు అసెంబ్లీ స్థానాలకు ఒక రాజ్యసభ ఇస్తామని చెప్పారు. అయితే వాళ్లు మాత్రం ఆరు అసెంబ్లీ సీట్లు కోరుతున్నారు.
Frequently Asked Questions
కమల్ హాసన్ పార్టీ ఎన్నికల్లో ఏ గుర్తుపై పోటీ చేయనుంది?
డీఎంకే పార్టీ కమల్ హాసన్ పార్టీపై ఎందుకు ఒత్తిడి తెస్తోంది?
ఓట్లు చీలిపోయే ప్రమాదం ఉందని, ప్రత్యర్థి పార్టీలకు మేలు చేస్తుందని డీఎంకే భావిస్తోంది. అందువల్ల, డీఎంకే గుర్తుపై పోటీ చేస్తే ఓట్లు చీలిపోకుండా ఉంటాయని వారి ఆలోచన.
కమల్ హాసన్ పార్టీకి డీఎంకే కూటమిలో ఎన్ని సీట్లు కేటాయించారు?
కమల్ హాసన్ పార్టీకి ఒక రాజ్యసభ సీటు, రెండు అసెంబ్లీ సీట్లు కేటాయించే అవకాశం ఉంది. అయితే, అసెంబ్లీ సీట్లలో కూడా డీఎంకే గుర్తుతోనే పోటీ చేయాలని పట్టుబడుతున్నారు.
కమల్ హాసన్ పార్టీ నాయకులు వేరే గుర్తుపై పోటీ చేయడంపై ఏమంటున్నారు?
కమల్ హాసన్ వేరే పార్టీ గుర్తుపై పోటీ చేస్తే పార్టీకి భారీ నష్టం జరుగుతుందని నాయకులు అభిప్రాయపడుతున్నారు. పార్టీ రోజురోజుకు బలహీనపడుతుందని, గుర్తుపై పోటీ చేయకుంటే పార్టీని ఎవరూ కాపాడలేరని ఆవేదన వ్యక్తం చేస్తున్నారు.
టాప్ హెడ్ లైన్స్
కరీంనగర్
తెలంగాణ యువకుడి సంచలన ఆరోపణ! తన ఆత్మహత్యకు మోదీనే కారణం అంటూ సూసైడ్ నోట్!
హైదరాబాద్
తెలంగాణ డీజీపీ ఆఫీస్లో పని చేస్తున్న కానిస్టేబుల్ ఆత్మహత్య! సూసైడ్ నోట్లో కీలక విషయాలు!
పాలిటిక్స్
నీట్ పోరులో పొలిటికల్ ట్విస్ట్ - విద్యార్థుల ఆందోళన బీజేపీ vs కాంగ్రెస్ పోరుగా ఎలా మారింది?
హైదరాబాద్
హైదరాబాద్ సాఫ్ట్వేర్ ఉద్యోగి తేజస్విని మృతిలో కొత్త ట్విస్ట్!రావి చెట్టు కింద సూసైడ్ నోట్!అజయ్ పేరుతో అరుపులు
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
