Karnataka Assembly Elections 2023: కర్ణాటక అసెంబ్లీ ఎన్నికల్లో కాంగ్రెస్ దూకుడు- 124 మందితో తొలి జాబితా విడుదల

Karnataka Assembly Elections 2023: కర్ణాటక కాంగ్రెస్ చీఫ్ డీకే శివకుమార్ కనకపుర స్థానం నుంచి పోటీ చేయనున్నారు. వరుణ అసెంబ్లీ స్థానం నుంచి మాజీ ముఖ్యమంత్రి సిద్ధరామయ్యకు టికెట్ ఇచ్చారు.

కర్ణాటక అసెంబ్లీ ఎన్నికల్లో కాంగ్రెస్ దూకుడు- 124 మందితో తొలి జాబితా విడుదల

కర్ణాటక అసెంబ్లీ ఎన్నికల్లో కాంగ్రెస్ చాలా దూకుడుగా ఉంది. 124 మంది అభ్యర్థులతో తొలి జాబితాను విడుదల చేసింది ఆ పార్టీ. కనకపుర నుంచి డీకే శివకుమార్ పోటీ చేయనున్నారు. అదే సమయంలో మాజీ ముఖ్యమంత్రి సిద్ధరామయ్యకు వరుణ నియోజకవర్గం నుంచి టికెట్ ఇచ్చారు. కోలార్ నుంచి పోటీ చేయాలని భావించిన సిద్ధరామయ్య తన కుమారుడి స్థానం నుంచి టికెట్ దక్కించుకున్నారు.

Congress party announces the first list of 124 candidates for Karnataka Assembly Elections.

Names of former CM Siddaramaiah, and State party president DK Shivakumar are present in the first list. pic.twitter.com/TC9vXJfrX5

— ANI (@ANI) March 25, 2023

కర్ణాటక అసెంబ్లీ ఎన్నికల తేదీలను ఎన్నికల సంఘం ఇంకా ప్రకటించలేదు. ఆదివారం లేదా వచ్చే వారం ప్రారంభంలో రాష్ట్రంలో అసెంబ్లీ ఎన్నికల షెడ్యూల్ ను ఎన్నికల సంఘం ప్రకటించే అవకాశం ఉందని సమాచారం. ఎన్నికల షెడ్యూల్ ప్రకటించిన వెంటనే రాష్ట్రవ్యాప్తంగా ఎన్నికల ప్రవర్తనా నియమావళి అమల్లోకి రానుంది.

అసెంబ్లీ కాలపరిమితి ఎప్పుడు ముగుస్తుంది?

ప్రస్తుత కర్ణాటక అసెంబ్లీ కాలపరిమితి మే 24తో ముగియనుంది. అప్పటికి 224 స్థానాలున్న అసెంబ్లీని ఎన్నుకోవాలంటే ఎన్నికల ప్రక్రియను ఎన్నికల సంఘం పూర్తి చేయాల్సి ఉంటుంది. కర్ణాటక అసెంబ్లీ ఎన్నికలకు షెడ్యూల్ ప్రకటించడానికి అవసరమైన అన్ని ఏర్పాట్లను ఎన్నికల కమిషన్, రాష్ట్ర ఎన్నికల ప్రధానాధికారి కార్యాలయం దాదాపు పూర్తి తెలుస్తోంది. 

ఎన్నికలకు ముందు ప్రధాని మోడీ కర్ణాటక పర్యటన

ప్రధాని నరేంద్ర మోడీ శనివారం కర్ణాటకలో పర్యటించనున్నారు. చిక్కబళ్లాపూర్, బెంగళూరు, దావణగెరెలో జరిగే వివిధ కార్యక్రమాల్లో ప్రధాని పాల్గొంటారు. తన పర్యటన సందర్భంగా బెంగళూరు మెట్రో ఫేజ్ 2 కొత్త విభాగాన్ని ప్రధాని జెండా ఊపి ప్రారంభించనున్నారు. అనంతరం వైట్ ఫీల్డ్ మెట్రో స్టేషన్ లో బెంగళూరు మెట్రో ఫేజ్ 2 కింద రీచ్ -1 విస్తరణ ప్రాజెక్టు వైట్ ఫీల్డ్ మెట్రో నుంచి కృష్ణరాజ్ పుర మెట్రో లైన్ వరకు 13.71 కిలోమీటర్ల మార్గాన్ని మోదీ ప్రారంభిస్తారు.