TS SET - 2024: తెలంగాణ 'సెట్' నోటిఫికేషన్ విడుదల - పరీక్ష విధానం, ముఖ్యమైన తేదీలివే
TS SET -2024 తెలంగాణలోని విశ్వవిద్యాలయాలు, డిగ్రీ కళాశాలల్లో అసిస్టెంట్ ప్రొఫెసర్లు/లెక్చరర్లుగా పనిచేయడానికి అర్హత కల్పించే పరీక్ష 'తెలంగాణ స్టేట్ ఎలిజిబిలిటి టెస్ట్ నోటిఫికేషన్ మే 4న విడుదలైంది.
TS SET - 2024 Notification: తెలంగాణలోని విశ్వవిద్యాలయాలు, డిగ్రీ కళాశాలల్లో అసిస్టెంట్ ప్రొఫెసర్లు/లెక్చరర్లుగా పనిచేయడానికి అర్హత కల్పించే పరీక్ష 'తెలంగాణ స్టేట్ ఎలిజిబిలిటి టెస్ట్ (TS SET)-2024' నోటిఫికేషన్‌ను ఉస్మానియా విశ్వవిద్యాలయం మే 4న విడుదల చేసింది. ఉన్నత విద్యాశాఖ ముఖ్య కార్యదర్శి బుర్రా వెంకటేశం, ఉన్నత విద్యామండలి ఛైర్మన్ ప్రొఫెసర్ లింబాద్రి నోటిఫికేషన్‌ను విడుదల చేశారు. ఈ కార్యక్రమంలో ఇతర ఉన్నతాధికారులు, ఫ్రొఫెసర్లు పాల్గొన్నారు.
ఈ సందర్భంగా సభ్య కార్యదర్శి ప్రొఫెసర్ నరేశ్ రెడ్డి 'టీఎస్ సెట్' షెడ్యూలును ప్రకటించారు. దీనిప్రకారం మే 14 నుంచి ఆన్‌లైన్ దరఖాస్తు ప్రక్రియ ప్రారంభంకానుంది. అభ్యర్థుల నుంచి జులై 2 వరకు దరఖాస్తులు స్వీకరించనున్నారు. ఇక అపరాధ రుసుముతో జులై 26 వరకు దరఖాస్తులు స్వీకరించనున్నారు. పరీక్షకు సంబంధించిన హాల్‌టికెట్లను ఆగస్టు 20 నుంచి అధికారిక వెబ్‌సైట్‌లో అందుబాటులో ఉంచనున్నారు. ఆగస్టు 28, 29, 30, 31 తేదీల్లో కంప్యూటర్ ఆధారిత విధానంలో 'సెట్' పరీక్షలు నిర్వహించనున్నారు. పరీక్షలో రెండు పేపర్లు ఉంటాయి. పేపర్-1లో 50 ప్రశ్నలకు 100 మార్కులు, పేపర్-2లో 100 ప్రశ్నలకు 200 మార్కులు ఉంటాయి. పరీక్ష కాల వ్యవధి మూడు గంటలు.
వివరాలు..
* తెలంగాణ రాష్ట్ర అర్హత పరీక్ష(టీఎస్ సెట్)-2024
సబ్జెక్టులు: జనరల్ పేపర్ ఆన్ టీచింగ్ అండ్ రిసెర్చ్ ఆప్టిట్యూడ్ (పేపర్-1), జాగ్రఫీ, కెమికల్ సైన్సెస్, కామర్స్, కంప్యూటర్ సైన్స్ అండ్ అప్లికేషన్స్, ఎకనామిక్స్, ఎడ్యుకేషన్, ఇంగ్లిష్, ఎర్త్ సైన్స్, లైఫ్ సైన్సెస్, జర్నలిజం & మాస్ కమ్యూనికేషన్, మేనేజ్‌మెంట్, హిందీ, హిస్టరీ, లా , మ్యాథమెటికల్ సైన్సెస్, ఫిజికల్ సైన్సెస్, ఫిజికల్ ఎడ్యుకేషన్, ఫిలాసఫీ, పొలిటికల్ సైన్స్, సైకాలజీ, పబ్లిక్ అడ్మినిస్ట్రేషన్, సోషియాలజీ, తెలుగు, ఉర్దూ, లైబ్రరీ అండ్ ఇన్ఫర్మేషన్ సైన్స్, సంస్కృతం, సోషల్ వర్క్, ఎన్విరాన్‌మెంటల్ స్టడీస్, లింగ్విస్టిక్స్.
అర్హత: కనీసం 55 శాతం మార్కులతో సంబంధిత సబ్జెక్టులో పీజీ (ఎంఏ, ఎంస్సీ, ఎంకాం, ఎంబీఏ, ఎంఎల్‌ఐఎస్సీ, ఎంఈడీ, ఎంపీఈడీ, ఎంసీజే, ఎల్‌ఎల్‌ఎం, ఎంసీఏ, ఎంటెక్(సీఎస్ఈ, ఐటీ) ఉత్తీర్ణులై ఉండాలి. ప్రస్తుతం ఫైనల్ ఎగ్జామ్ రాస్తున్నవారు కూడా దరఖాస్తు చేసుకోవచ్చు.
వయోపరిమితి: ఎలాంటి వయోపరిమితి లేదు.
దరఖాస్తు విధానం: ఆన్‌లైన్ ద్వారా.
పరీక్ష విధానం: మొత్తం 29 సబ్జెక్టులకు ఈ పరీక్ష నిర్వహించనున్నారు. కంప్యూటర్ ఆధారిత టెస్టు(సీబీటీ) పద్ధతిలో జరిగే పరీక్షకు రెండు పేపర్లు ఉంటాయి. పేపర్-1(జనరల్ పేపర్ ఆన్ టీచింగ్ అండ్ రిసెర్చ్ ఆప్టిట్యూడ్)లో 50 ప్రశ్నలకు 100 మార్కులు, పేపర్-2(అభ్యర్థి పీజీ సబ్జెక్టు)లో 100 ప్రశ్నలకు 200 మార్కులు ఉంటాయి. పరీక్ష వ్యవధి మూడు గంటలు.
పరీక్ష కేంద్రాలు: ఆదిలాబాద్, నిజామాబాద్, విజయవాడ, హైదరాబాద్, వరంగల్, కర్నూలు, కరీంనగర్, ఖమ్మం, తిరుపతి, మహబూబ్ నగర్, మెదక్, వైజాగ్, నల్గొండ, రంగారెడ్డిలో పరీక్షలు నిర్వహించనున్నారు.
ముఖ్యమైన తేదీలు..
➥ TS-SET-2023 నోటిఫికేషన్: 04.05.2024.
➥ ఆన్‌లైన్ దరఖాస్తు ప్రక్రియ ప్రారంభం: 14.05.2024.
➥ ఆన్‌లైన్ దరఖాస్తుకు చివరితేది: 02.07.2024.
➥ ఆలస్యరుసుముతో దరఖాస్తుకు చివరితేది: 26.07.2024.
➥ హాల్‌టికెట్లు విడుదల: 20.08.2024.
➥ పరీక్ష తేదీ: ఆగస్టు 28, 29, 30, 31 తేదీల్లో
టాప్ హెడ్ లైన్స్
ట్రెండింగ్ వార్తలు
