RGUKT Admissions 2026: తెలంగాణ ఆర్జీయూకేటీ ట్రిపుల్ ఐటీ అడ్మిషన్లు సందడి షురూ! 2026-27 విద్యాసంవత్సర షెడ్యూల్ విడుదల!

RGUKT Admissions 2026: తెలంగాణలోని మారుమూల ప్రాంత విద్యార్థులకు కూడా అందుబాటులో ఉండేలా దరఖాస్తు ప్రక్రియను అధికాులు రూపొందించారు. అర్హులైన అభ్యర్థులు కింది మార్గాల ద్వారా దరఖాస్తు చేసుకోవచ్చు.

తెలంగాణ ఆర్జీయూకేటీ ట్రిపుల్ ఐటీ అడ్మిషన్లు సందడి షురూ! 2026-27 విద్యాసంవత్సర షెడ్యూల్ విడుదల!

Source : Social Media

RGUKT Admissions 2026: గ్రామీణ ప్రాంతాల్లోని ప్రతిభను ప్రపంచ స్థాయి సాంకేతిక నిపుణులుగా తీర్చిదిద్దే లక్ష్యంతో తెలంగాణ ప్రభుత్వం ప్రతిష్టాత్మకంగా నిర్వహిస్తున్న రాజీవ్‌ గాంధీ విజ్ఞాన, సాంకేతిక విశ్వవిద్యాలయం(RGUKT)ప్రవేశాల ప్రక్రియకు తెరలేచింది. 2026-27 విద్యా సంవత్సరానికి సంబంధించి ఆరేళ్ల ఇంటిగ్రేడెట్‌ బీటెక్‌ కోర్సుల్లో ప్రవేశాల షెడ్యూల్‌ను అధికారులు అధికారికంగా ప్రకటించారు. ఈ ఏడాది బాసరతోపాటు మహబూబ్‌నగర్‌ క్యాంపస్‌లో కూడాప్రవేశాలు కల్పించనుండటంతో విద్యార్థులు ఆశలు చిగురిస్తున్నాయి. 

ఈ తేదీలను డైరీలో నోట్ చేసుకోండి

ఆర్జీయూకేటీ బాసర వైఎస్ ఛాన్సలర్‌ గోవర్ధన్ శుక్రవారం నాడు ఈ సమగ్ర షెడ్యూల్‌ను విడుదల చేశారు. అభ్యర్థులు తమ దరఖాస్తులను సిద్ధం చేసుకోవడానికి వీలుగా ముందస్తుగానే ఈ వివరాలు వెల్లడించారు. మార్చి 16 ప్రకటన వెలువడనుంది. మార్చి 18 నుంచి దరఖాస్తు ప్రక్రియ మొదలుకానుంది. మే పది వరకు దరఖాస్తు చేసుకోవచ్చు. మే 30న అర్హులైన అభ్యర్థుల జాబితా విడుదల చేస్తారు. జూన్ 5 నుంచి కౌన్సెలింగ్ ప్రక్రియ ప్రారంభమవుతుంది.  

దరఖాస్తు చేసుకునే విధానం 

తెలంగాణలోని మారుమూల ప్రాంత విద్యార్థులకు కూడా అందుబాటులో ఉండేలా దరఖాస్తు ప్రక్రియను అధికారులు రూపొందించారు. అర్హులైన అభ్యర్థులు కింది మార్గాల ద్వారా దరఖాస్తు చేసుకోవచ్చు. రాష్ట్రవ్యాప్తంంగా ఉన్న ప్రభుత్వ గుర్తింపు పొందిన ఆన్‌లైన్ సెంటర్లలో దరఖాస్తు చేయవచ్చు. గ్రామీణ ప్రాంతాల్లోని మీ సేవ  కేంద్రాల ద్వారా కూడా అప్లై చేసుకునే వెసులుబాటు ఉంది. నేరుగా యూనివర్శిటీ వెబ్‌సైట్‌ ద్వారా కూడా అభ్యర్థులు తమ వివరాలను నమోదు చేయవచ్చు. 

2025-26 విద్యా సంవత్సరానికి ఇప్పటికే ప్రవేశాలు పొందిన మొదటి సంవత్సరం విద్యార్థులకు అధికారులు కీలక సూచనలు చేశారు. విద్యార్థులకు తరగతులు త్వరలోనే ప్రారంభంకానున్నాయని, యూనివర్శిటీకి రిపోర్ట్ చేసే తేదీలు, ఇతర సూచనలు అతి త్వరలోనే వెల్లడిస్తామని అధికారులు తెలిపారు. అభ్యర్థులు, తల్లిదండ్రులు నిరంతరం www.rgukt.ac.in వెబ్‌సైట్‌ను సందర్శిస్తూ అప్‌డేట్స్‌ తెలుసుకోవాలని సూచించారు.