NIT Calicut: నిట్ కాలికట్‌లో ఎంబీఏ ప్రోగ్రామ్, దరఖాస్తు - ఎంపిక వివరాలు ఇలా
NIT కాలికట్ 2024-26 విద్యాసంవత్సరానికి సంబంధించి ఎంబీఏ ప్రోగ్రామ్‌లో ప్రవేశానికి నోటిఫికేషన్ విడుదల చేసింది. ఏదైనా డిగ్రీతోపాటు క్యాట్ అర్హత ఉన్నవారు దరఖాస్తు చేసుకోవడానికి అర్హులు.
National Institute of Technology Calicut MBA Admissions: నేషనల్ ఇన్‌స్టిట్యూట్ ఆఫ్ టెక్నాలజీ కాలికట్ (NIT Calicut) 2024-26 విద్యాసంవత్సరానికి సంబంధించి ఎంబీఏ ప్రోగ్రామ్‌లో ప్రవేశానికి నోటిఫికేషన్ విడుదల చేసింది. ఏదైనా డిగ్రీతోపాటు క్యాట్ అర్హత ఉన్నవారు దరఖాస్తు చేసుకోవడానికి అర్హులు. సరైన అర్హతలున్నవారు మార్చి 31లోగా ఆన్‌లైన్ విధానంలో దరఖాస్తులు సమర్పించాలి. అభ్యర్థులు దరఖాస్తు ఫీజుగా రూ.1000 చెల్లించాలి. ఎస్సీ, ఎస్టీ అభ్యర్థులు రూ.500 చెల్లిస్తే సరిపోతుంది. క్యాట్ స్కోర్, జీడీ, పర్సనల్ ఇంటర్వ్యూ ఆధారంగా ప్రవేశాలు కల్పిస్తారు.
వివరాలు..
* ఎంబీఏ ప్రోగ్రామ్ (రెగ్యులర్ - క్యాట్/ ఇండస్ట్రీ- స్పాన్సర్డ్‌)
సీట్ల సంఖ్య: 75.
సీట్ల కేటాయింపు: ఓసీ-28, ఓబీసీ(NCL)-19, ఎస్సీ-10, ఎస్టీ-06, ఈడబ్ల్యూఎస్-08, దివ్యాగులకు -04.
అర్హత: కనీసం 60 శాతం మార్కులతో ఏదైనా బ్యాచిలర్ డిగ్రీతో పాటు క్యాట్ ఉత్తీర్ణత. ఎస్సీ, ఎస్టీ, దివ్యాంగులకు 55 శాతం మార్కులు ఉండాలి. సంబంధిత సంస్థల్లో రెండేళ్ల పారిశ్రామిక/ పరిశోధన అనుభవం ఉండాలి.
దరఖాస్తు విధానం: ఆన్‌లైన్ ద్వారా.
ఎంపిక విధానం: క్యాట్ స్కోర్, జీడీ, పర్సనల్ ఇంటర్వ్యూ ఆధారంగా.
దరఖాస్తు ఫీజు: రూ.1000. ఎస్సీ, ఎస్టీ అభ్యర్థులు రూ.500 చెల్లిస్తే సరిపోతుంది.
ముఖ్యమైన తేదీలు...
➥ నోటిఫికేషన్ వెల్లడి: 20.01.2024.
➥ ఆన్‌లైన్ దరఖాస్తులకు చివరి తేదీ: 31.03.2024.
➥ జీడీ/ఇంటర్వ్యూకు ఎంపికైన జాబితా వెల్లడి: 15.04.2024.
➥ ఎంపిక ప్రక్రియ తేదీలు: 25.04.2024 - 10.05.2024.
➥ ఫలితాల వెల్లడి: 15.05.2024.
➥ ప్రవేశ తేదీలు: 20.05.2024 - 31.05.2024.
ALSO READ:
ఐఐటీ మద్రాస్‌లో ఎంబీఏ ప్రోగ్రామ్, కోర్సు వివరాలు ఇలా
చెన్నైలోని ఇండియన్ ఇన్‌స్టిట్యూట్ ఆఫ్ టెక్నాలజీ మద్రాస్, డిపార్ట్‌మెంట్ ఆఫ్ మేనేజ్‌మెంట్ స్టడీస్, 2024-25 విద్యా సంవత్సరానికి సంబంధించి ఎంబీఏ కోర్సులో ప్రవేశానికి నోటిఫికేషన్ విడుదల చేసింది. ఏదైనా విభాగంలో బ్యాచిలర్ డిగ్రీ ఉత్తీర్ణతతో పాటు క్యాట్-2023 అర్హత సాధించినవారు దరఖాస్తు చేసుకోవడానికి అర్హులు. విదేశీ విద్యార్థులైతే సీమ్యాట్ పరీక్ష ఉత్తీర్ణులై ఉండాలి. డిగ్రీ చివరిసంవత్సరం విద్యార్థులు కూడా దరఖాస్తు చేసుకోవచ్చు. ఆఫ్‌లైన్ విధానంలో దరఖాస్తులు సమర్పించాలి. అభ్యర్థులు దరఖాస్తు ఫీజు కింద రూ.1600 చెల్లించాలి. ఎస్సీ, ఎస్టీ, దివ్యాంగ అభ్యర్థులు రూ.800 చెల్లిస్తే సరిపోతుంది. ఏదైనా విభాగంలో 60 శాతం మార్కులతో బ్యాచిలర్ డిగ్రీ ఉత్తీర్ణులై ఉండాలి. క్యాట్-2023 ఉత్తీర్ణులై ఉండాలి. డిగ్రీ చివరిసంవత్సరం పరీక్షలకు హాజరయ్యే విద్యార్థులు కూడా దరఖాస్తుకు అర్హులు.
కోర్సు పూర్తివివరాల కోసం క్లిక్ చేయండి..
బిట్స్‌ పిలానీలో ఎంబీఏ ప్రోగ్రామ్, కోర్సు వివరాలు ఇలా
బిర్లా ఇన్‌స్టిట్యూట్ ఆఫ్ టెక్నాలజీ అండ్‌ సైన్స్ (BITS) పిలానీ, డిపార్ట్‌మెంట్ ఆఫ్ మేనేజ్‌మెంట్ 2024-25 విద్యా సంవత్సరానికి ఎంబీఏ ప్రోగ్రామ్‌లో (MBA Admissions) ప్రవేశానికి నోటిఫికేషన్ విడుదల చేసింది. కనీసం 60 శాతం మార్కులతో ఏదైనా విభాగంలో బ్యాచిలర్ డిగ్రీ ఉత్తీర్ణులైనవారు దరఖాస్తు చేసుకోవడానికి అర్హులు. డిగ్రీ చివరి సంవత్సరం చదువుతున్న విద్యార్థులు కూడా దరఖాస్తు చేసుకోవడానికి అర్హులు. ప్రవేశ పరీక్ష (బిజినెస్ అనలిటిక్స్ ఆప్టిట్యూడ్ టెస్ట్-BAAT), పర్సనల్ ఇంటర్వ్యూ (లేదా) క్యాట్ (CAT) 2023/ ఎక్స్‌ఏటీ (XAT) 2024/ జీమ్యాట్‌ (GMAT) 2023, అకడమిక్ మెరిట్, పని అనుభవం తదితరాల ఆధారంగా ప్రవేశాలు కల్పిస్తారు.
టాప్ హెడ్ లైన్స్
ట్రెండింగ్ వార్తలు
