AP EAPCET 2023 Counselling: ఏపీ ఈఏపీసెట్ తుది విడత కౌన్సెలింగ్ షెడ్యూల్‌ విడుదల, ముఖ్యమైన తేదీలివే!
ఏపీలోని ఇంజినీరింగ్ కళాశాలల్లో ప్రవేశాలకు నిర్వహించిన ఏపీఈఏపీసెట్-2023 కౌన్సెలింగ్ తుది విడత షెడ్యూలును ఉన్నత విద్యామండలి సెప్టెంబరు 12న విడుదల చేసింది.
ఏపీలోని ఇంజినీరింగ్ కళాశాలల్లో ప్రవేశాలకు నిర్వహించిన ఏపీఈఏపీసెట్-2023 కౌన్సెలింగ్ తుది విడత షెడ్యూలును ఉన్నత విద్యామండలి సెప్టెంబరు 12న విడుదల చేసింది. అధికారిక వెబ్‌సైట్‌లో కౌన్సెలింగ్ నోటిఫికేషన్‌ను అందుబాటులో ఉంచింది. ప్రకటించిన షెడ్యూలు ప్రకారం సెప్టెంబరు 14 నుంచి కౌన్సెలింగ్ ప్రక్రియ ప్రారంభంకానుంది. ఏపీఈఏపీసెట్-2023 తుది విడత కౌన్సెలింగ్‌లో భాగంగా ఎంపీసీ స్ట్రీమ్ విద్యార్థులకు యూనివర్సిటీ & ప్రైవేటు ఇంజినీరింగ్ కాలేజీలు, ప్రైవేటు యూనివర్సిటీల కాలేజీలలో కన్వీనర్ కోటా కింద ఇంజినీరింగ్, అగ్రికల్చర్ సీట్లలో ప్రవేశాలు కల్పిస్తారు.
ఏపీఈఏపీసెట్ పరీక్షలో అర్హత సాధించిన విద్యార్థులు సెప్టెంబరు 14, 15 తేదీల్లో నిర్ణీత ఫీజు చెల్లించి, రిజిస్ట్రేషన్ ప్రక్రియ పూర్తిచేయాల్సి ఉంటుంది. అభ్యర్థులు ప్రాసెసింగ్ ఫీజు కింద రూ.1200 చెల్లించాల్సి ఉంటుంది. అయితే ఎస్సీ, ఎస్టీ అభ్యర్థులు రూ.600 చెల్లిస్తే సరిపోతుంది. క్రెడిట్ కార్డ్/డెబిట్ కార్డ్/నెట్ బ్యాంకింగ్ ద్వారా ఆన్లైన్ విధానంలో ఫీజు చెల్లించవచ్చు.
రిజిస్ట్రేషన్ ప్రక్రియ పూర్తయినవారు ధ్రువపత్రాల పరిశీలన కోసం సెప్టెంబరు 14 నుంచి 16 వరకు ఆన్లైన్ ద్వారా అవసరమైన అన్ని సర్టిఫికేట్లను అప్‌లోడ్ చేయాల్సి ఉంటుంది. వీరికి సెప్టెంబరు 14 నుంచి 17 వరకు వెబ్‌ఆప్షన్ల నమోదుకు అవకాశం కల్పిస్తారు. ఆప్షన్లు మార్చుకోదలచినవారు సెప్టెంబరు 17న మార్పులు చేసుకోవచ్చు. ఇవన్నీ పూర్తయ్యాక సెప్టెంబరు 21న అభ్యర్థులకు సీట్లను కేటాయిస్తారు. సీట్లు పొందిన విద్యార్థులు సెప్టెంబరు 22 నుంచి 25లోపు ఆన్లైన్ ద్వారా సెల్ప్ రిపోర్టింగ్ చేసి సీటును ధ్రువీకరించుకోవాలి. అనంతరం సంబంధిత కళాశాలల్లో రిపోర్టింగ్ చేయాల్సి ఉంటుంది.
తుది విడత షెడ్యూలు ఇలా..
➥ ఆన్లైన్ ద్వారా ప్రాసెసింగ్ ఫీజు చెల్లింపు, రిజిస్ట్రేషన్ ప్రక్రియ: 14.09.2023 నుంచి 15.09.2023 వరకు.
➥ ఆన్లైన్ వెరిఫికేషన్‌ కోసం సర్టిఫికెట్ల అప్‌లోడింగ్‌: 14.09.2023 నుంచి 16.09.2023 వరకు.
➥ వెబ్ ఆప్షన్ల నమోదు: 14.09.2023 నుంచి 17.09.2023 వరకు.
➥ వెబ్ ఆప్షన్లలో మార్పులు: 17.09.2023.
➥ సీట్ల కేటాయింపు: 21.09.2023.
➥ సెల్ఫ్‌ రిపోర్టింగ్(ఆన్లైన్), సంబంధిత కాలేజీల్లో రిపోర్టింగ్: 22.09.2023 నుంచి 25.09.2023 వరకు.
ఈ సర్టిపికేట్లు అవసరం..
➥ ఏపీఈఏపీసెట్-2023 ర్యాంక్ కార్డ్
➥ ఏపీఈఏపీసెట్-2023 హాల్ టికెట్
➥ ఆధార్ కార్డ్
➥ S.S.C లేదా అందుకు సమానమైన మార్కుల మెమో
➥ ఇంటర్మీడియట్ లేదా అందుకు సమానమైన మెమో-కమ్-పాస్ సర్టిఫికేట్
➥ ఆరో తరగతి నుంచి ఇంటర్మీడియట్ వరకు స్టడీ సర్టిఫికెట్లు, ట్రాన్స్‌ఫర్ సర్టిఫికేట్ (T.C)
➥ 01-01-2020న లేదా ఆ తర్వాత జారీ చేసిన ఇన్ కమ్ సర్టిఫికేట్ (వర్తిస్తే) లేదా తెల్ల రేషన్ కార్డు ఉండాలి.
➥ తహసీల్దార్ జారీ చేసిన EWS ఇన్‌కమ్ సర్టిఫికేట్, 2023-24 సంవత్సరానికి చెల్లుబాటు అయ్యేది. (వర్తిస్తే)
➥ అధికారులు జారీ చేసిన క్యాస్ట్ సర్టిఫికేట్
➥ అభ్యర్థికి ఇన్‌స్టిట్యూషల్ ఎడ్యుకేషన్ లేనిపక్షంలో అర్హత పరీక్షకు ముందు 7 సంవత్సరాల కాలానికి సంబంధించిన రెసిడెన్స్ సర్టిఫికేట్
➥ స్థానికేతర అభ్యర్థులకు సంబంధించి, అన్‌రిజర్వ్‌డ్ సీట్ల కింద కేటాయింపు కోసం వారిని పరిగణనలోకి తీసుకోవాలంటే రెసిడెన్స్ సర్టిఫికేట్ లేదా ఎంప్లాయర్ సర్టిఫికేట్, మైనారిటీ సర్టిఫికేట్ సమర్పించాల్సి ఉంటుంది.
టాప్ హెడ్ లైన్స్
ట్రెండింగ్ వార్తలు
