Hyderabad News: హుస్సేన్ సాగర్‌లో భారీ అగ్నిప్రమాదం - రెండు బోట్లు దగ్ధం, ప్రయాణికులు సేఫ్

Fire Accident: హైదరాబాద్ హుస్సేన్ సాగర్‌లో భారీ అగ్ని ప్రమాదం సంభవించింది. భరతమాతకు మహా హారతి కార్యక్రమంలో బాణసంచా కాల్చగా 2 బోట్లు దగ్ధమయ్యాయి.

హుస్సేన్ సాగర్‌లో భారీ అగ్ని ప్రమాదం

Source : ABP Desam

Severe Fire Accident In Hussian Sagar: హైదరాబాద్ హుస్సేన్ సాగర్‌ (Hussian Sagar) లోపల ఆదివారం రాత్రి భారీ అగ్నిప్రమాదం చోటు చేసుకుంది. నెక్లెస్ రోడ్‌లోని పీపుల్స్ ప్లాజా గ్రౌండ్స్‌లో భారతమాత ఫౌండేషన్ ఆధ్వర్యంలో నిర్వహించిన 'భారత మాతకు మహా హారతి' కార్యక్రమంలో అపశ్రుతి నెలకొంది. ఈ కార్యక్రమ నిర్వాహకులు భారీగా బాణాసంచా కాల్చడంతో అగ్ని ప్రమాదం సంభవించింది. ఈ ఘటనలో ఒక్కసారిగా వ్యాపించిన మంటలతో 2 బోట్లు దగ్ధమయ్యాయి. ఓ వ్యక్తికి తీవ్ర గాయాలైనట్లు తెలుస్తుండగా.. మరో వ్యక్తి స్వల్ప గాయాలతో బయటపడ్డట్లు తెలుస్తోంది. ప్రమాద సమయంలో బోట్లలో ఉన్న 15 మంది ప్రయాణికులు సురక్షితంగా బయటపడ్డారు. సమాచారం అందుకున్న అధికారులు సహాయక చర్యలు చేపట్టారు. ప్రయాణికులను సురక్షితంగా బయటకు తీసుకొచ్చారు.