Mystery Murder Case: అక్రమ సంబంధం తీసింది ప్రాణం- వికారబాద్‌లో మిస్టరీ మర్డర్‌ కేసు ఛేదించిన పోలీసులు
Vikarabad Crime News: వికారాబాద్ జిల్లా కలకలం సృష్టించిన మహిళ హత్య కేసును పోలీసులు ఛేదించారు. మూడు రోజుల క్రితం పులుమద్ది గ్రామ సమీపంలో ఈ హత్య జరిగింది.
Vikarabad Crime News: వికారాబాద్ జిల్లా కలకలం సృష్టించిన మహిళ హత్య కేసును పోలీసులు ఛేదించారు. మూడు రోజుల క్రితం పులుమద్ది గ్రామ సమీపంలో ఈ హత్య జరిగింది. చనిపోయిన వ్యక్తి చేవెళ్ల గ్రామానికి చెందిన అనసూయ (35) గా పోలీసులు గుర్తించారు.
అక్రమ సంబంధంతోనే ఈ హత్య జరిగినట్టు పోలీసుల విచారణలో తేలింది. ధారూర్ మండలం రాజపూర్ గ్రామానికి చెందిన తలారి బాబు హత్య చేసినట్టు తేల్చిన పోలీలులు అతన్ని అదుపులోకి తీసుకున్నారు. మూడేళ్లుగా వీళ్లిద్దరి మధ్య అక్రమ సంబంధం కొనసాగుతున్నట్టు తేల్చారు. ఆరు నెలల క్రితం ఇద్దరి మధ్య మనస్పర్ధలు వచ్చాయి. దీంతో వీళ్లిద్దరు వేర్వేరు వ్యక్తులతో మూవ్‌ ఆన్‌ అయిపోయారు.
గొడవ, అక్రమ సంబంధాలను మనసులో పెట్టుకున్న బాబు అనసూయ మట్టు పెట్టాలని పథకం రచించాడు. వికారాబాద్ మండలం పులమద్ది గ్రామంలో తలారి రాజు అక్క ఉండడంతో అక్కడికి వెళ్దామని చెప్పి ఒప్పించాడు. మార్గమధ్యంలో అనసూయకు మద్యం తాగించాడు. కాస్త దూరం వెళ్లాక... అనసూయ చీరతోనే ఉరివేసి చంపేశాడు.
అనసూయను తన చీరతోనే చంపేసిన బాబు... మృతురాలిని గుర్తు పట్టకుండా ఉండేందుకు నిప్పుపెట్టాడు. సగం కాలిన డెడ్‌బాడీని గుర్తించిన స్థానికులు పోలీసులకు సమాచారం ఇచ్చారు. గుర్తు తెలియని డెడ్‌బాడీగా కేసు రిజిస్టర్ చేసుకున్న పోలీసులు కేసు దర్యాప్తు ప్రారంభించారు. ఈ హత్య కేసు ఛేదించేందుకు ప్రత్యేక బృందాలు ఏర్పాటు చేశారు. సెల్‌ఫోన్ సిగ్నల్, సీసీ కెమెరాలు ఆధారంగా మృతిరాలిని గుర్తించి నిందితుడిని పట్టుకున్నారు.
నిందితుడు బాబు గతంలో జరిగిన ఓ హత్య కేసులో నిందితుడిగా కూడా ఉన్నారు. పూర్తి వివరాలును జిల్లా ఎస్పీ కోటిరెడ్డి మీడియాకు తెలియజేశారు.
టాప్ హెడ్ లైన్స్
ట్రెండింగ్ వార్తలు
