AP Crime News: తంబళ్లపల్లెలో టీడీపీ నేతల అక్రమ మద్యం కుటీర పరిశ్రమ-పట్టుకున్న పోలీసులు - వీళ్ల ప్లాన్ చూస్తే మైండ్ బ్లాంకే !
Police: తంబళ్లపల్లెలో అక్రమ మద్యం తయారీ చేస్తున్న డంప్ ను పోలీసులు పట్టుకున్నారు. స్థానిక టీడీపీ నేతల కనుసన్నల్లో ఇది జరుగుతున్నట్లుగా గుర్తించారు.
Police bust illegal liquor manufacturing dump in Tamballapalle: అన్నమయ్య జిల్లా తంబళ్లపల్లె నియోజకవర్గం, మొలకలచెరువులో పెద్ద ఎత్తున కల్తీ మద్యం తయారు చేస్తున్న ముఠాను పోలీసులు పట్టుకున్నారు. ఎక్సైజ్ అధికారులు, స్థానిక పోలీసులు ఈ కుటీర పరిశ్రమను సీజ్ చేశారు. ఈ డంపులో రూ. కోటికి పైగా విలువైన నకిలీ మద్యం, తయారీకి ఉపయోగపడే యంత్రాలు, ముడి సరుకులు స్వాధీనం చేసుకున్నారు. స్థానికంగా పెద్ద ఎత్తున ఈ అక్రమ కార్యకలాపాల్లో పాల్పడుతున్న 9 మందిని పట్టుకుని అదుపులోకి తీసుకున్నారు.
ఈ డంప్ గత కొన్ని నెలలుగా రహస్యంగా నడుస్తోంది. స్థానికంగా రా మెటీరియల్స్ను సేకరించుకుని, ఆధునిక యంత్రాలతో కల్తీ మద్యాన్ని తయారు చేసి, కదిరి, అన్నమయ్య, చిత్తూరు జిల్లాల్లోని వివిధ ప్రాంతాలకు సరఫరా చేస్తున్నారు. ఈ మద్యం తక్కువ ధరకు విక్రయించడం వల్ల స్థానికుల్లో ఆరోగ్య సమస్యలు తలెత్తుతున్నాయని పోలీసులు గుర్తించారు. ఈ డంప్లో 500 లీటర్లకు పైగా కల్తీ మద్యం, 10 మంది పనిచేసే స్థలం, మిక్సింగ్ మెషీన్లు, బాటిలింగ్ యూనిట్లు, కెమికల్స్ వంటి ముడి సరుకులు దొరికాయి.
టీడీపీ నేతల కనుసన్నల్లోనే ఈ అక్రమ మద్యం తయారీ నడుస్తోందన్న ఆరోపణలు వినిపిస్తున్నాయి. అరెస్ట్ అయిన వారిలో కట్టా సురేంద్రనాయుడు అనే వ్యక్తి టీడీపీ నేతగా అందరికీ సుపరిచితుడు. అలాగే తంబళ్లపల్లె టీడీపీ ఇన్చార్జ్ జయచంద్రారెడ్డి పీఏ రాజేష్ సహా 13 మందిపై కేసు నమోదయ్యారు. వీరంతా టీడీపీ నేతలేనని అంటున్నారు. అయితే ఈ అక్రమ మద్యం డంప్ గురించి తెలియగానే రాజకీయ ఒత్తిడులు లేకుండా చట్టపరమైన చర్యలు తీసుకుంటున్నామని ఎక్సైజ్ పోలీసులు ప్రకటించారు.
అన్నమయ్య జిల్లాలో టీడీపీ నేతల కనుసన్న ల్లో కల్తీ మద్యం తయారీ
— Jagananna Mission (@JaganannaM42057) October 3, 2025
ములకలచెరువులో మంత్రి రాంప్రసాద్ రెడ్డి అనుచరులు, తంబళ్లపల్లె టీడీపీ ఇంచార్జి జయచంద్రారెడ్డి బావమరిది గిరిధర్ రెడ్డి కనుసన్నల్లో గత కొంతకాలంగా అక్రమ మద్యం తయారీ
తొమ్మిది మందిని అరెస్ట్ చేసి..
కోటి రూపాయలకి పైగా విలువ… pic.twitter.com/axnzlYFdT2
ఎక్సైజ్ ఇంటెలిజెన్స్ ఆధారంగా శుక్రవారం మధ్యాహ్నం 2 గంటల సమయంలో మొలకలచెరువు ఔటర్ రింగ్ రోడ్ వద్ద ఒక రిక్త గోదాములో ఈ డంప్ను గుర్తించారు. అక్కడ తొమ్మిది మంది కల్తీ మద్యాన్ని బాటిల్స్లో ప్యాక్ చేస్తూ, ట్రాన్స్పోర్ట్ చేస్తూ ఉండటం గమనించడంతో, టీమ్ దాడి చేసింది. నిందితులు ప్రతిఘటించడానికి ప్రయత్నించినా, స్థానిక పోలీసుల సహాయంతో అందరినీ అరెస్టు చేశారు. మొత్తం 15 ఎక్సైజ్ సిబ్బంది, 10 మంది పోలీసులు ఈ దాడిలో పాల్గొన్నారు. ఈ కేసులో పట్టుబడినవారిపై ఎక్సైజ్ యాక్ట్లో కింది సెక్షన్లు (8(1)(a), 34(ఎ)) ప్రకారం కేసులు నమోదు చేశారు. అరెస్టు చేసినవారిని కోర్టుకు హాజరు చేసి రిమాండ్కు పంపనున్నారు.
టాప్ హెడ్ లైన్స్
ట్రెండింగ్ వార్తలు
