Ananthagiri Ghat Road Accident: అనంతగిరి ఘాట్‌ రోడ్డులో ట్రావెల్స్ బస్సు బోల్తా.. నలుగురు మృతితో తీవ్ర విషాదం
వికారాబాద్ జిల్లా అనంతగిరి ఘాట్‌రోడ్డులో ప్రైవేటు బస్సు బోల్తా పడి నలుగురు దుర్మరణం చెందారు. మరో 51 మంది గాయపడగా, వారిని చికిత్స నిమిత్తం ఆసుపత్రికి తరలించారు.
Ananthagiri Ghat Road Accident | అనంతగిరి: వికారాబాద్ జిల్లాలో ఘోర రోడ్డు ప్రమాదం చోటుచేసుకుంది. అనంతగిరి ఘాట్‌రోడ్డులో ఒక ప్రైవేటు ట్రావెల్స్ బస్సు అదుపుతప్పి బోల్తా పడింది. ఈ రోడ్డు ప్రమాదంలో ముగ్గురు ప్రయాణికులు అక్కడికక్కడే దుర్మరణం చెందగా, మరో 51 మందికి తీవ్ర గాయాలయ్యాయి. ఆసుపత్రికి తరలిస్తుండగా మరో వ్యక్తి చనిపోగా, మృతుల సంఖ్య నాలుగుకు చేరింది.
గాయపడిన 50 మందిలో కొందరి పరిస్థితి అత్యంత విషమంగా ఉన్నట్లు సమాచారం. ప్రమాద వార్త తెలిసిన వెంటనే సహాయక చర్యలు చేపట్టిన సిబ్బంది, క్షతగాత్రులను అంబులెన్సులు, ఇతర వాహనాల ద్వారా చికిత్స నిమిత్తం సమీపంలోని ఆస్పత్రికి తరలించారు. ప్రమాదం జరిగిన సమయంలో బస్సులో మొత్తం 54 మంది వరకు ప్రయాణికులు ఉన్నారని సమాచారం. ఈ బస్సు పటాన్‌చెరు నుంచి వికారాబాద్ జిల్లాలోని చింతకుంట వైపు వెళ్తుండగా ఒక్కసారిగా అదుపుతప్పి బోల్తా పడటంతో అక్కడ భయానక వాతావరణం కనిపించింది.
టాప్ హెడ్ లైన్స్
ట్రెండింగ్ వార్తలు
