Kerala Crime: వైద్యం చేస్తున్న డాక్టర్‌పైనే దాడి, కత్తెరతో పొడిచి హత్య - కేరళలో దారుణం

Kerala Lady Doctor Murder: కేరళలో వైద్యం చేస్తుండగానే ఓ వ్యక్తి లేడీ డాక్టర్‌ని కత్తెరతో పొడిచి చంపాడు.

కేరళలో వైద్యం చేస్తుండగానే ఓ వ్యక్తి లేడీ డాక్టర్‌ని కత్తెరతో పొడిచి చంపాడు.

Kerala Lady Doctor Murder: 

చికిత్స చేస్తుండగా కత్తెరతో దాడి 

చికిత్స అందిస్తున్న డాక్టర్‌నే ఓ వ్యక్తి కత్తితో పొడిచి హత్య చేశాడు. కేరళలోని కొట్టరక్కర్ ప్రాంతంలోని ఓ హాస్పిటల్‌లో ఈ దారుణం జరిగింది. అంతకు ముందు కుటుంబ సభ్యులతో గొడవ పడిన ఆ నిందుతుడిని పోలీసులు అదుపులోకి తీసుకున్నారు. స్వల్ప గాయాలైన కారణంగా ఆసుపత్రికి చికిత్స కోసం తీసుకొచ్చారు. కాలి గాయం కాగా..దానికి మందు వేస్తున్న క్రమంలోనే ఒక్కసారిగా లేచి పక్కనే ఉన్న కత్తెరతో విచక్షణా రహితం చుట్టూ ఉన్న వారిపై దాడి చేశాడు. ఈ దాడిలో 22 ఏళ్ల లేడీ డాక్టర్‌కు తీవ్ర గాయాలయ్యాయి. ఓ పోలీస్ కూడా గాయపడ్డాడు. ఆమెను దగ్గర్లోని ఆసుపత్రికి తరలించినా లాభం లేకుండా పోయింది. అప్పటికే ఆమె ప్రాణాలు కోల్పోయింది. పోలీసులు వెల్లడించిన వివరాల ప్రకారం...ఆ నిందితుడు కుటుంబ సభ్యులతో గొడవ పడ్డాడు. ఆ సమయంలోనే ఎమర్జెన్సీకి కాల్ చేసిన తనను కాపాడాలని పోలీసులను వేడుకున్నాడు. వెంటనే పోలీసులు అక్కడికి వచ్చారు. అప్పటికే గొడవ కారణంగా ఆ వ్యక్తికి గాయాలయ్యాయి. వెంటనే సమీపంలోని తాలూకాలోని హాస్పిటల్‌కు తరలించారు. చికిత్స చేస్తుండగానే దాడి చేసి లేడీ డాక్టర్‌ని హత్య చేశాడు. 

"మేం అక్కడికి వెళ్లే సరికే ఫుల్‌గా మందు కొట్టి ఉన్నాడు. హాస్పిటల్‌కి వచ్చే సమయానికే పిచ్చిగా ఊగిపోతున్నాడు. చికిత్స చేస్తున్నప్పుడు ఆ లేడీ డాక్టర్, నిందితుడు తప్ప ఎవరూ లేరు. గాయానికి డ్రెసింగ్ చేస్తున్నారని మేం దూరంగా నిలబడ్డాం. మాకు ఉన్నట్టుండి అరుపులు వినిపించాయి. లేడీ డాక్టర్ కాపాడండి అంటూ బయటకు వచ్చేశారు. ఆమెకు తీవ్ర గాయాలయ్యాయి. మేం గదిలోకి వెళ్లి చూస్తే ఆ వ్యక్తి చేతులో కత్తెర ఉంది. చంపేస్తానంటూ బెదిరించాడు. అసలు ఆ డాక్టర్‌పై ఎందుకు దాడి చేశాడన్నది తెలీడం లేదు. మేం అతడిని ఆపేందుకు ప్రయత్నించాం. ఈ క్రమంలో నలుగురు పోలీస్‌లు గాయపడ్డారు. ఎలాగోలా కష్టపడి అతడిని పట్టుకున్నాం"

- పోలీసులు 

ఈ ఘటనపై Indian Medical Association (IMA) అధికారి స్పందించారు. ఇది చాలా దురదృష్టకరం అని ఆవేదన వ్యక్తం చేశారు. కేరళలో పలు చోట్ల వైద్యులు ఈ దాడిపై నిరసన వ్యక్తం చేస్తున్నారు. 

"ఇలాంటి ఘటనలు ఎక్కడా జరగకూడదు. ఇలాంటి ప్రమాదకరమైన పరిస్థితుల్లో మేం పని చేయలేం. ప్రాణాలు కాపాడే మా ప్రాణాలే ప్రమాదంలో ఉంటే ఎలా..? మాపైన ఈ మధ్య కాలంలో దాడులు జరుగుతూనే ఉన్నాయి. ఇదే విషయాన్ని అధికారుల దృష్టికి తీసుకెళ్తున్నాం. కానీ ఏమీ జరగడం లేదు. ఇలాంటి ఘటనలు జరిగినప్పుడు కోపంతో పాటు బాధ కూడా కలుగుతోంది. ఈ ఘటన జరిగిన ఏరియాలో వైద్యులు రోడ్లపైకి వచ్చి ఆందోళనలు చేస్తున్నారు. ప్రాణాల మీదకు వచ్చిన తరవాత ఎవరు మాత్రం మమ్మల్ని కాపాడతారు. చాలా మంది ఇలానే ప్రాణాలు పోగొట్టుకోవాల్సి వస్తోంది"

- ఇండియన్ మెడికల్ అసోసియేషన్ అధికారి