![ABP Premium](https://cdn.abplive.com/imagebank/Premium-ad-Icon.png)
New Criminal Laws: అమల్లోకి కొత్త క్రిమినల్ చట్టాలు, తొలి కేసు నమోదు చేసిన పోలీసులు
Criminal Laws: కొత్త క్రిమినల్ చట్టాలు అందుబాటులోకి వచ్చీ రాగానే తొలి కేసు నమోదైంది. ఢిల్లీలో ఓ వీధి వ్యాపారిపై పోలీసులు మొట్ట మొదటి కేసు నమోదు చేశారు.
![New Criminal Laws: అమల్లోకి కొత్త క్రిమినల్ చట్టాలు, తొలి కేసు నమోదు చేసిన పోలీసులు First Case Under New Criminal Law Filed Against Street Vendor In Delhi New Criminal Laws: అమల్లోకి కొత్త క్రిమినల్ చట్టాలు, తొలి కేసు నమోదు చేసిన పోలీసులు](https://feeds.abplive.com/onecms/images/uploaded-images/2024/07/01/ee83c264732479662bbe7a1f5f9412ea1719813663999517_original.jpg?impolicy=abp_cdn&imwidth=1200&height=675)
First Case Under New Criminal Law: కొత్త క్రిమినల్ చట్టాలు అలా అమల్లోకి వచ్చాయో లేదో అప్పుడే తొలి కేసు నమోదైంది. భారతీయ న్యాయ సన్హిత కింద ఈ కేసు రిజిస్టర్ అయింది. ఢిల్లీలో ఓ వీధి వ్యాపారి రోడ్డుని బ్లాక్ చేసినందుకు పోలీసులు ఈ కేసు నమోదు చేశారు. భారతీయ న్యాయ సన్హితలోని Section 285 కింద FIR నమోదు చేశారు. ఈ నిబంధన ప్రకారం ఎవరైనా ఎలాంటి హక్కు లేకుండానే ఓ ప్రాపర్టీపైన అధికారం చెలాయించడం, ఆక్రమించడం, ప్రమాదానికి కారణమవడం, ప్రజలకు అసౌకర్యం కలిగించడం లాంటివి చేసిన వాళ్లకు రూ.5 వేల జరిమానా విధిస్తారు. ఈ మేరకు ఆ వ్యాపారిపై కేసు నమోదైంది. ప్యాట్రోలింగ్ డ్యూటీలో ఉన్న పోలీసులు ఆ వ్యక్తిని గుర్తించారు. రోడ్డుపైనే వాటర్ బాటిల్స్, గుట్కా విక్రయిస్తున్నాడు. ఆ స్టాల్ రోడ్డుపైన పెట్టుకోవడం వల్ల ట్రాఫిక్కి తీవ్ర అంతరాయం కలిగింది. అంతకు ముందు చాలా సార్లు పోలీసులు అక్కడి నుంచి వెళ్లిపోవాలని మందలించారు. అయినా ఆ వ్యాపారి పట్టించుకోలేదు. అందుకే FIR నమోదు చేశారు. ఫుట్ ఓవర్ బ్రిడ్జ్ కింద స్టాల్ పెట్టుకోవడంపై అభ్యంతరం వ్యక్తం చేశారు.
"వీధి వ్యాపారి రోడ్డుపైనే వాటర్ బాటిల్స్, బీడీలు, సిగరెట్లు, గుట్కాలు విక్రయిస్తున్నాడు. ఈ కారణంగా వచ్చీ పోయే వాళ్లకు తీవ్ర అంతరాయం కలిగింది. గతంలో చాలా సార్లు చెప్పి చూశాం. కానీ వినలేదు. అందుకే FIR నమోదు చేశాం"
- పోలీసులు
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)