అప్పుల బాధతో విషం తాగి తండ్రి ఆత్మహత్య.. నాన్న తాగింది కూల్ డ్రింక్ అనుకుని చిన్నారులూ..

శ్రీకాకుళం జిల్లాలో దారుణం జరిగింది. ఓ తండ్రి అప్పుల బాధ తట్టుకోలేక విషం తాగాడు. అయితే అతడి ఇద్దరు చిన్నారులు కూడా.. కూల్ డ్రింక్ అనుకుని విషం తాగేశారు. 

ప్రతీకాత్మక చిత్రం

శ్రీకాకుళం జిల్లా కొరసవాడలో విషాదం జరిగింది. వెంకటరమణ అనే వ్యక్తి.. కార్పెంటర్ గా పనిచేస్తుండేవాడు. అతడికి చాలా అప్పులు అయ్యాయి. ఈ క్రమంలోనే అప్పులు ఎలా తీర్చాలో అర్థం కాలేదు. మానసిక వేదనతో ఆత్మహత్య చేసుకోవాలనుకున్నాడు. పురుగుల మందు తెచ్చుకుని.. ఇంట్లోనే తాగాడు. ఈ ఘటనను వెంకటరమణ ఇద్దరు పిల్లలూ చూశారు. నాన్న తాగింది కూల్ డ్రింక్ అనుకున్నారు. వారిద్దరూ తాగేశారు. కొంత సమయం తర్వాత ఇది గమనించిన కుటుంబ సభ్యులు వెంకటరమణను శ్రీకాకులం రిమ్స్ కు తరలించారు. అప్పటికే అతడి పరిస్థితి విషమించింది. ఈ కారణంగా అతడు మృతి చెందాడు.  

వెంకటరమణ తాగిన సీసాను ఇంట్లో పడేశాడు. నాన్న తాగింది కూల్ డ్రింక్ అనుకోని.. అతడి కుమారుడు, కుమార్తె ఇద్దరు తాగారు. చిన్నారులకు కూడా అస్వస్థతకు గురికావడంతో వారిని ఆసుపత్రికి తరలించారు. అయితే వారి పరిస్థితి మెరుగుపడంది. పిల్లలను వైద్యులు ఇంటింకి పంపారు. పిల్లలైనా బతికి ఉన్నారు. అనుకునే సమయంలోనే.. ఇద్దరికీ  వాంతులు కావడం మెుదలైంది. వెంటనే విశాఖ కేజీహెచ్ కు తరలించారు. అక్కడ చికిత్స పొందుతూ ఆదివారం కుమారుడు నిహాల్ చనిపోయాడు. కుమార్తె యామిని పరిస్థితి విషమంగా ఉంది. ప్రస్తుతం చికిత్స పొందుతోంది.

ఇప్పుడు వెంకట రమణ కుటుంబ సభ్యుల బాధ.. అంతా ఇంతా కాదు. ఎలా ఓదార్చాలో తెలియని పరిస్థితి. ఓ వైపు భర్తను కోల్పోయిన.. ఆ ఇల్లాలికి.. ఇప్పుడు కుమారుడు మృతి చెందడంతో కుంగిపోయింది. కుటుంబ సభ్యులు శోకసంద్రంలో మునిగిపోయారు. ఆదివారం రాత్రి బాలుడి మృతదేహానికి కొరసవాడ గ్రామంలో అంత్యక్రియలు నిర్వహించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి