Fake Astronaut: ISSలోని ఆస్ట్రనాట్‌తో మహిళ ఛాటింగ్! భూమ్మీదకి వచ్చి పెళ్లాడతానని ప్రామిస్, కోలుకోలేని షాక్

ఒక మహిళ జూన్‌లో ఇన్‌స్టాగ్రామ్‌లో నకిలీ వ్యోమగామిని కలుసుకుంది. దుండగుడి ప్రొఫైల్‌లో అంతరిక్ష చిత్రాలు ఉన్నాయని, ఆ వ్యక్తి నిజంగానే స్పేస్ స్టేషన్‌లో పని చేస్తున్నాడని ఆమె భావించింది.

ప్రతీకాత్మక చిత్రం

రష్యాకు చెందిన ఓ వ్యక్తి వ్యోమగామి అని అబద్ధం చెప్పి దాదాపు 4.4 మిలియన్ యెన్ల వరకూ (రూ. 24.8 లక్షలు) ఓ జపాన్ మహిళను మోసం చేశాడు. తాను ప్రస్తుతం ఇంటర్నేషనల్ స్పేస్ స్టేషన్‌లో పని చేస్తున్నానని దుండగుడు ఆ మహిళతో చెప్పాడు. జపాన్ కు చెందిన మీడియా సంస్థ టీవీ అసహి రిపోర్ట్ ప్రకారం, భూమికి తిరిగి వచ్చిన తర్వాత ఆ మహిళను వివాహం చేసుకుంటానని వ్యక్తి వాగ్దానం చేశాడు. అంతరిక్షం నుంచి తిరిగి రావాలంటే డబ్బు అవసరమని 65 ఏళ్ల వృద్ధురాలికి చెప్పి ఆ మహిళ నుంచి రూ.24.8 లక్షలు తీసుకున్నాడు.

టీవీ అసహి రిపోర్ట్ చేసిన వివరాల ప్రకారం, షిగా ప్రిఫెక్చర్‌కు చెందిన ఒక మహిళ జూన్‌లో ఇన్‌స్టాగ్రామ్‌లో నకిలీ వ్యోమగామిని కలుసుకుంది. దుండగుడి ప్రొఫైల్‌లో అంతరిక్ష చిత్రాలు ఉన్నాయని, ఆ వ్యక్తి నిజంగానే స్పేస్ స్టేషన్‌లో పని చేస్తున్నాడని ఆమె భావించింది. ఇన్‌స్టాగ్రామ్‌లో కలుసుకున్న తర్వాత, ఇద్దరూ జపనీస్ మెసేజింగ్ యాప్ ద్వారా మాట్లాడుకోవడం ప్రారంభించారు. కొద్ది రోజులకే ఆ వ్యక్తి ఆ మహిళకు తన ప్రేమను తెలియజేసి పెళ్లి చేసుకోమని అడగడం మొదలుపెట్టాడు. దుండగుడు ఆ మహిళకు ‘నేను నిన్ను ప్రేమిస్తున్నాను.. నీతో కొత్త జీవితాన్ని ప్రారంభించాలనుకుంటున్నాను’ అని సందేశాలు పంపడం ప్రారంభించాడు.

ఐఎస్ఎస్ లో కొద్దిసేపు ఫోన్‌ను ఉపయోగించడానికి అనుమతించినట్లు ఆ వ్యక్తి మహిళతో చెప్పాడు. అతను మహిళకు పంపిన చాలా సందేశాలు కూడా బయటికి వచ్చాయి, అందులో అతను మహిళను 'ఐ లవ్ యు' అని చెప్పాడు. జపాన్ మెసేజింగ్ యాప్ LINEలో ఇద్దరి మధ్య చాలా సంభాషణలు జరిగాయి. ఈ క్రమంలో ఆ మహిళకు పలుమార్లు పెళ్లి చేసుకుంటానని హామీ ఇచ్చాడు. ఒక సందేశంలో, "అతను ఆమెను ప్రేమిస్తున్నాడు మరియు ఆమెను వివాహం చేసుకోవాలనుకుంటున్నాడు" అని రాసింది.

రూ. 24.8 లక్షలకి టోకరా
భూమిపైకి తిరిగి వచ్చి పెళ్లి చేసుకోవడానికి డబ్బు అవసరమని ఆ వ్యక్తి మహిళకు చెప్పాడు. అంతరిక్షం నుంచి జపాన్ గడ్డపైకి తీసుకెళ్లే రాకెట్‌కు డబ్బులు చెల్లించాల్సి ఉంటుందని ఆ మహిళకు చెప్పాడు. రష్యాకు చెందిన అతను ఐఎస్ఎస్ నుంచి భూమిపైకి తిరిగి వచ్చాక జపాన్‌లో ఉండాలనుకుంటున్నానని నమ్మబలికాడు. అయితే భూమిపైకి తిరిగి రావడానికి అయ్యే ఖర్చును అతను "ల్యాండింగ్ రుసుము" అని పేర్కొన్నాడు. రాకెట్ ఖర్చు చెల్లించడానికి ఆ డబ్బు అవసరమని చెప్పాడు.

ఈ వ్యక్తి నిజం చెబుతున్నాడని భావించిన మహిళ దుండగుడికి డబ్బు పంపింది. ఆ మహిళ నాలుగు విడతలుగా మొత్తం 4.4 మిలియన్ యెన్‌లను దుండగుడికి పంపింది. వాటి విలువ భారతీయ రూపాయలలో దాదాపు 24.8 లక్షల రూపాయలు. ఈ డబ్బును ఆగస్టు 19 నుంచి సెప్టెంబర్ 5 మధ్య వివిధ దశల్లో పంపింది.

పోలీసులు ఈ కేసును అంతర్జాతీయ రొమాన్స్ స్కామ్‌గా పరిగణిస్తున్నారు. అయితే దుండగుడు మహిళ నుంచి మరింత డబ్బు డిమాండ్ చేయడం ప్రారంభించడంతో ఆమెకు అనుమానం వచ్చింది. అనుమానంతో మహిళ పోలీసులను ఆశ్రయించి ఫ్రాడ్ కేసు నమోదు చేసింది. ఈ ఘటనను అంతర్జాతీయ రొమాన్స్ ఫ్రాడ్‌గా పోలీసులు విచారణ చేస్తున్నారు.