Bengaluru Thief: ఇదేం చోద్యం! ఇంట్లోకి చొరబడ్డ దొంగ, చోరీ చెయ్యకుండా ఆత్మహత్య! పూజగదిలోనే ఉరి

ఇంట్లోకి చొరబడిన దొంగ చక్కగా ఇంట్లో స్నానం చేసి సాయంత్రం వరకు ఇంటిని శుభ్రం చేశాడు. కుటుంబసభ్యులు వచ్చే సరికి దేవుడి గదిలో ఉరి వేసుకుని చనిపోయిన స్థితిలో కనిపించాడు.

ప్రతీకాత్మక చిత్రం

ఎవరైనా ఓ దొంగ ఇంట్లోకి చొరబడితే ఇంట్లోని బంగారు ఆభరణాలు ఎత్తుకెళ్తాడు. లేకుంటే ఇంట్లోని వస్తువులను చెల్లాచెదురుగా పారేస్తాడు.. కానీ ఇక్కడ ఓ దొంగ మాత్రం ఈ రెండూ చేయలేదు. ఆ దొంగతనానికి వచ్చిన ఇంట్లోనే ఆత్మహత్య చేసుకున్నాడు. ఈ దొంగ చేసిన పనితో కుటుంబసభ్యులు, చుట్టుపక్కల వారు ఆశ్చర్యపోయారు. రెండు రోజుల క్రితం బెంగళూరులోని ఇందిరా నగర్‌లో ఈ ఘటన జరిగింది.డ

బెంగళూరులోని ఇందిరా నగర్ ప్రాంతంలో ఓ సాఫ్ట్ వేర్ ఉద్యోగి తన కుటుంబంతో కలిసి విదేశాలకు విహార యాత్రకు వెళ్లింది. ఇంటికి తాళం వేసి ఉండడంతో అదే అదనుగా ఇంట్లోకి చొరబడిన దొంగ చక్కగా ఇంట్లో స్నానం చేసి సాయంత్రం వరకు ఇంటిని శుభ్రం చేశాడు. కానీ తర్వాత ఏం జరిగిందో నాకు తెలియదు. కుటుంబసభ్యులు వచ్చే సరికి దొంగ దేవుడి గదిలో ఉరి వేసుకుని చనిపోయిన స్థితిలో కనిపించాడు.

చనిపోయిన దొంగను దిలీప్ బహదూర్‌గా పోలీసులు గుర్తించారు, ఇతను 2006లో జీవన్ భీమానగర్‌లో దొంగతనానికి పాల్పడ్డట్లుగా రికార్డుల్లో ఉన్నట్లుగా పోలీసులు తెలిపారు. ప్రస్తుతం ఇందిరానగర్ పోలీస్ స్టేషన్‌లో అనుమానాస్పద మృతిగా ఈ కేసు నమోదు కాగా, దిలీప్ మృతిపై పలు అనుమానాలు వ్యక్తం అమవుతున్నాయి. కుటుంబీకులు రావడం చూసి దొంగ వెనుక ద్వారం నుంచి తప్పించుకునే అవకాశం ఉన్నా ఎందుకు ఆత్మహత్యకు పాల్పడ్డాడు? అనే సందేహం వ్యక్తం అవుతోంది. కుటుంబ సభ్యులు రాకముందే ఆత్మహత్య చేసుకున్నాడా? అన్నది పోలీసుల విచారణలో తెలియాల్సి ఉంది.

‘‘దొరికిపోతాననే భయంతో దొంగ ప్రాణాలు తీసుకున్నట్లుగా మేం ప్రాథమికంగా భావిస్తున్నాం. ఒకవేళ అతను ఇంట్లోకి ఏదైనా దొంగతనం చేయాలనే ఉద్దేశంతోనే వచ్చి ఉంటే మొత్తం దోచుకొని బుధవారం అర్ధరాత్రే వెళ్లిపోవాల్సింది. కానీ, ఆ దొంగ ఆ ఇంట్లోనే ఎందుకు ఉండాల్సి వచ్చింది అనేది మిస్టరీగా మారింది. పూజ గదిలోనే ఎందుకు ఉరి వేసుకున్నాడనేది మరింత గందరగోళంగా ఉంది. దొంగ కుటుంబ సభ్యులు మాత్రం అతనికి మానసిక స్థితి సరిగ్గా లేదని అంటున్నారు.’’ అని ఇందిరానగర్ పోలీసులు వెల్లడించారు. ఈ విషయంలో పోలీసులు అసహజ మరణం కింద కేసు నమోదు చేసి విచారణ చేస్తున్నారు.

వారంలోనే రెండో స్వలింగ సంపర్కుల నేరం కేసు

మరోవైపు, ధార్వాడలో ఇటీవలే ఓ స్వలింగ సంపర్క యువతి తన ప్రియురాలిపై దాడి చేసి జైలుకు వెళ్లింది. మళ్లీ ఇప్పుడు అదే జిల్లాలో మరో స్వలింగ సంపర్కం కేసు వెలుగులోకి వచ్చింది. స్వలింగ సంపర్కుడి వేధింపులతో విసిగిపోయిన ఓ యువకుడు ఆత్మహత్య చేసుకున్నాడు. ప్రస్తుతం యువకుడి కుటుంబ సభ్యుల ఫిర్యాదు మేరకు పోలీసులు ఆ స్వలింగ సంపర్కుడిని అదుపులోకి తీసుకుని విచారణ చేస్తున్నారు. ధార్వాడలో అటాచ్డ్ వాసి యాసీన్ రోటివాలే అనే యువకుడు ఆత్మహత్య చేసుకున్నాడు. నగరంలో ఆటో డ్రైవర్‌గా పనిచేస్తున్న యాసిన్‌ అక్టోబర్‌ 12న బయటకు వెళ్లి తిరిగి రాలేదు. అక్టోబర్ 15న ధార్వాడలోని కేలగేరిలోని సరస్సులో యాసిన్ మృతదేహం లభ్యమైంది. ఇతను కొడుకు పవన్ బల్లితో స్నేహం చేశాడు. పవన్ స్వలింగ సంపర్కుడని, అతడి వేధింపుల వల్లే తన కుమారుడు ఆత్మహత్య చేసుకున్నాడని యాసీన్ తండ్రి రఫీక్ ఆరోపించారు.

యాసిన్-పవన్ పెళ్లి చేసుకున్నారా?
దాదాపు ఏడెనిమిది నెలల పాటు యాసిన్, పవన్ స్నేహితులు. ఈ సన్నిహిత స్నేహం స్వలింగ సంపర్కం అని తేలింది. కానీ తాను యాసిన్‌ని పెళ్లి చేసుకున్నాను అని పవన్ తన సన్నిహితుల దగ్గర తెలిపారు.