(Source: ECI/ABP News)
Chennai drug case: డ్రగ్స్ కేసులో అడ్డంగా దొరికిపోయిన హీరోయిన్ - చెన్నైలో కలకలం
Malayalam actress:చెన్నై డ్రగ్స్ కేసులో మలయాళ నటి అంజు కృష్ణ అరెస్ట్ అయింది. ఈ వ్యవహారం ప్రస్తుతం సినీ పరిశ్రమలో సంచలనం రేపుతోంది.
Malayalam actress arrested in Chennai drug case: సినీ రంగుల ప్రపంచంలో డ్రగ్స్ సెగ మరోసారి కలకలం రేపింది. మాదకద్రవ్యాల సరఫరా, వినియోగం ఆరోపణలతో మలయాళ నటి అంజు కృష్ణ ను చెన్నై పోలీసులు అరెస్ట్ చేశారు. చెన్నైలోని వలసరవాక్కం ప్రాంతంలో పోలీసులు నిర్వహించిన మెరుపు దాడుల్లో ఆమెతో పాటు మరో ఏడుగురు పట్టుబడటం చర్చనీయాంశంగా మారింది. అరెస్టయిన వారిలో తమిళ చిత్ర పరిశ్రమకు చెందిన అసిస్టెంట్ డైరెక్టర్ విన్సీ నివేత కూడా ఉన్నారు.
సినిమా ఫక్కీలో పోలీసుల ఆపరేషన్
చెన్నై నగరంలో డ్రగ్స్ నెట్వర్క్ సాగుతోందన్న పక్కా సమాచారంతో యాంటీ నార్కోటిక్స్ ఇంటెలిజెన్స్ యూనిట్ రంగంలోకి దిగింది. తొలుత విఘ్నేశ్వరన్ అనే వ్యక్తిని అదుపులోకి తీసుకున్న పోలీసులు, అతడిచ్చిన సమాచారంతో ప్రధాన సరఫరాదారు వెంకటేష్ కుమార్ను పట్టుకునేందుకు డెకాయ్ ఆపరేషన్ చేపట్టారు. కస్టమర్ల అవతారమెత్తిన పోలీసులు వెంకటేష్ను వలసరవాక్కం పిలిపించారు. అతను కారులో డ్రగ్స్ డెలివరీ ఇవ్వడానికి రాగానే పోలీసులు చుట్టుముట్టారు. ఆ కారులోనే నటి అంజు కృష్ణ, విన్సీ నివేత కూడా ఉండటంతో పోలీసులు అందరినీ అదుపులోకి తీసుకున్నారు.
భారీగా పట్టుబడిన మత్తు పదార్థాలు
ఈ దాడుల్లో నిందితుల నుంచి పోలీసులు 6 గ్రాముల మెతాంఫేటమైన్, 15 గ్రాముల గంజాయి, 7 గ్రాముల ఓజీ గంజాయి, ఒక LSD స్టాంపు తో పాటు ఒక స్మోకింగ్ బాంగ్, తొమ్మిది మొబైల్ ఫోన్లను స్వాధీనం చేసుకున్నారు. ఈ మత్తు పదార్థాలను వీరు ఎక్కడి నుంచి తెచ్చారు? కేవలం వాడుతున్నారా లేక ఇతరులకు సరఫరా చేస్తున్నారా? అనే కోణంలో పోలీసులు లోతైన విచారణ జరుపుతున్నారు. ప్రస్తుతం అంజు కృష్ణతో పాటు మిగిలిన నిందితులకు కోర్టు న్యాయస్థానంలో హాజరుపరచగా, వారికి జ్యుడీషియల్ కస్టడీ విధించారు.
Tamil and Malayalam actor Anju Krishna was arrested by Chennai City Police following seizure of drugs. She is one of among eight persons who were caught for possession and using drugs. @THChennai pic.twitter.com/ADZUnzZA1f
— R SIVARAMAN (@SIVARAMAN74) February 5, 2026
ఎవరీ అంజు కృష్ణ?
కేరళలోని త్రిస్సూర్ జిల్లా పళయన్నూరుకు చెందిన అంజు కృష్ణ మోడలింగ్ రంగం ద్వారా కెరీర్ ప్రారంభించింది. మలయాళంలో జోజు జార్జ్ నటించిన ఆరో వంటి చిత్రాల్లో కీలక పాత్రలు పోషించింది. అలాగే సుమేష్ & రమేష్ , ఆకాశం కడన్ వంటి సినిమాలతో పాటు తమిళంలో వెల్లిమలై చిత్రంలోనూ నటించింది. బుల్లితెరపై కూడా ప్రియంకరి వంటి సీరియల్స్ ద్వారా ఆమె గుర్తింపు తెచ్చుకుంది. సోషల్ మీడియాలో నిత్యం యాక్టివ్గా ఉంటూ గ్లామర్ ఫోటోలతో అలరించే అంజు కృష్ణ, ఇలా డ్రగ్స్ కేసులో పట్టుబడటం ఆమె అభిమానులను షాక్కు గురిచేసింది.
టాప్ హెడ్ లైన్స్
ట్రెండింగ్ వార్తలు
