US: దివాలా ముప్పు తప్పించుకున్న అగ్రరాజ్యం, సెనెట్‌లోనూ డెట్‌ సీలింగ్ బిల్లు పాస్‌
ప్రతినిధుల సభలో బుధవారం నాడు ఈ బిల్లును ఆమోదించారు. సెనేట్‌ కూడా గురువారం బిల్లును పాస్‌ చేసింది.
US Debt Ceiling: ఉత్కంఠ వీడింది. అగ్రరాజ్యం అమెరికా, దివాలా గండాన్ని తృటిలో తప్పించుకుంది. U.S. ప్రభుత్వ మొట్టమొదటి సార్వభౌమ రుణ దివాలాకు (sovereign debt default) డిఫాల్ట్‌కు కేవలం మూడు రోజుల ముందు, రుణ పరిమితిని (Debt ceiling) పెంచడానికి సెనేట్‌ కూడా ఒప్పుకుంది. దీంతో, యూఎస్‌ డెట్‌ సీలింగ్ పెంపు బిల్లుకు ఉభయ సభలు ఆమోదముద్ర వేసినట్లు అయింది.
ప్రతినిధుల సభలో బుధవారం నాడు ఈ బిల్లును ఆమోదించారు. సెనేట్‌ కూడా గురువారం బిల్లును పాస్‌ చేసింది. ఇప్పుడు ఆ బిల్లు యూఎస్‌ ప్రెసిడెంట్‌ జో బైడెన్‌ (US President Joe Biden) టేబుల్‌ పైకి వెళుతుంది. అధ్యక్షుడు సంతకం కాగానే ఆ బిల్లు చట్టంగా మారుతుంది. దీంతో, దేశీయంగా, విదేశాల నుంచి అప్పులు తెచ్చుకునే పరిమితిని పెంచుకునేందుకు యూఎస్‌ గవర్నమెంట్‌కు అవకాశం లభిస్తుంది.
63-36 ఓట్ల తేడాతో సెనేట్‌ ఆమోదం
రుణ పరిమితి పెంపు బిల్లును 63-36 ఓట్ల తేడాతో సెనేట్‌ ఆమోదించింది. బిల్‌ పాస్‌ కావాలంటే కనీసం ఆ హౌస్‌లో కావల్సిన కనీస 60 ఓట్ల థ్రెషోల్డ్‌ను డెమొక్రాట్లు అధిగమించారు. ప్రభుత్వం చేస్తున్న వ్యయాలపై పరిమితి విధించాలన్నది గత కొన్ని రోజులుగా జరుగుతున్న చర్చల్లో ప్రతిపక్ష సభ్యులు చేస్తున్న డిమాండ్. వివిధ దఫాల చర్చల తర్వాత, వ్యయాలపై రెండేళ్ల పాటు పరిమితి విధించడానికి అధికార పక్షం ఒప్పుకుంది. దీంతో రెండు వర్గాల మధ్య సంధి కుదిరింది, కావలసిన ఓట్లు పడ్డాయి. అయితే, సభ ఆమోదించిన ఫిస్కల్ రెస్పాన్సిబిలిటీ యాక్ట్‌కు 11 ప్రతిపాదిత సవరణలను కూడా సభ ఆమోదించింది. అంటే, బిల్లు పాస్‌ అయినప్పటికీ, ఆ 11 సవరణలను చేయాల్సి ఉంటుంది.
$31.4 లక్షల కోట్ల డాలర్లకు రుణ పరిమితి పెంపు
2021 నాటికి, US గవర్నమెంట్‌ తీసుకున్న రుణాలు $28.5 లక్షల కోట్లకు (రూ.23,53,09,680 కోట్లు) చేరాయి. అగ్రరాజ్య DGP కంటే ఈ రుణ మొత్తం 24 శాతం ఎక్కువ. ఉదాహరణకు.. పెద్దన్నకు ఆదాయం 100 రూపాయలు వస్తే, చేసిన అప్పు 124 రూపాయలు. ఈ రుణంలో దాదాపు $22 లక్షల కోట్లను గవర్నమెంట్‌ బాండ్స్‌/సెక్యూరిటీల జారీ రూపంలో స్వదేశంలోని వ్యక్తులు, సంస్థల నుంచి సేకరించింది. మిగిలిన దాదాపు $7 లక్షల కోట్లను విదేశీ అప్పుల రూపంలో తెచ్చుకుంది. ప్రస్తుతం, US డెట్‌ సీలింగ్ $31.4 లక్షల కోట్లు. అంటే, $31.4 లక్షల కోట్ల డాలర్ల వరకు దేశ, విదేశాల నుంచి ప్రభుత్వం అప్పులు తెచ్చుకోవచ్చు. అవసరాలకు తగ్గట్లుగా, ఈ పరిమితిని దఫదఫాలుగా పెంచుకుంటూ ఈ స్థాయికి చేర్చారు. ఇప్పుడు, ఈ పరిమితి కూడా సరిపోదని బైడెన్‌ గవర్నమెంట్‌ భావించింది. వచ్చే ఏడాది నవంబర్‌లో ఎన్నికలు జరగనున్న నేపథ్యంలో, బైడెన్‌ ప్రభుత్వం వివిధ పథకాల రూపంలో విపరీతంగా ఖర్చు చేస్తోంది. ఇందుకు అవసరమైన డబ్బుల సేకరణ కోసమే డెట్‌ సీలింగ్ పెంపు కోసం ప్రయత్నాలు చేసింది. ప్రస్తుతమున్న పరిమితిని సైతం దాటి అప్పులు చేయడానికి కాంగ్రెస్ అనుమతి కోరింది. అప్పు పరిమితి పెంచేందుకు రిపబ్లికన్లు తొలుత ఒప్పుకోకపోవడంతో కొన్ని రోజులుగా ప్రపంచ దేశాల్లో ఉత్కంఠ నెలకొంది. ఒకవేళ, అమెరికా ప్రభుత్వం దివాలా తీస్తే, ఆ ప్రభావం ప్రపంచ దేశాలపై పడుతుంది. ఇప్పుడు, రెండు వర్గాల మధ్య రాజీ కుదిరి బిల్లు పాస్‌ కావడంతో ప్రపంచమంతా ఊపిరి పీల్చుకుంది.
రుణ సీలింగ్ సంక్షోభానికి ఫుల్‌స్టాప్‌ పడడంతో, కాంగ్రెస్ తన దృష్టిని కేటాయింపుల పైకి మళ్లిస్తుంది. రుణాల రూపంలో తీసుకొచ్చే డబ్బును ఎలా ఖర్చు చేయాలా అని ఆలోచిస్తుంది.
మరో ఇంట్రెస్టింగ్‌ స్టోరీ: జనం దగ్గర అంత డబ్బుందా?, పీక్‌ రేంజ్‌లో పింక్‌ నోట్ల డిపాజిట్లు
టాప్ హెడ్ లైన్స్
ట్రెండింగ్ వార్తలు
