Tenali Double Horse:‘మేడ్ ఇన్ తెనాలి, మేడ్ ఫర్ ది వరల్డ్’: అంతర్జాతీయ ప్రమాణాలతో తెనాలి డబుల్ హార్స్ స్వీట్స్ ఫ్యాక్టరీ కిచెన్కు శంకుస్థాపన
Tenali Double Horse: తెనాలి డబుల్ హార్స్ గ్రూప్ నూతన స్వీట్స్ ఫ్యాక్టరీ కిచెన్ శంకుస్థాపన జరిగింది. ప్రపంచానికి తెలుగు సాంప్రదాయ రుచులు అందించే సవాలును స్వీకరించింది.
Tenali Double Horse: భారతదేశ ఆహార ప్రాసెసింగ్ రంగంలో ఒక ప్రముఖ సంస్థగా పేరుగాంచిన తెనాలి డబుల్ హార్స్ గ్రూప్ (Tenali Double Horse Group) తన చరిత్రలో మరో కీలక మైలురాయిని చేరుకుంది. తమ స్వీట్స్ డివిజన్లో భారీ పెట్టుబడికి సంకేతంగా, నూతన TDH స్వీట్స్ ఫ్యాక్టరీ కిచెన్ నిర్మాణానికి సంబంధించిన శంకుస్థాపన కార్యక్రమం విజయవంతంగా జరిగింది. ఈ చర్య, నాణ్యమైన స్వీట్ల ఉత్పత్తిని విస్తరించాలనే సంస్థ అచంచలమైన నిబద్ధతను తెలియజేస్తోంది.
సోమవారం, నవంబర్ 3, 2025 న, ఉదయం 10:51 గంటలకు నందివెలుగులోని అథోట రోడ్డులో ఉన్న మహాదేవ దాల్ ఇండస్ట్రీస్ కాంపౌండ్లో అత్యంత శుభప్రదంగా ఈ కార్యక్రమం జరిగింది. తెనాలి డబుల్ హార్స్ గ్రూప్ ఛైర్మన్, మేనేజింగ్ డైరెక్టర్ (CMD), మునగాల మోహన్ శ్యామ్ ప్రసాద్, లక్ష్మి శైలజతో కలిసి నూతన ఫ్యాక్టరీకి శంకుస్థాపన చేశారు. ఈ కార్యక్రమంలో ప్రముఖులు, వాటాదారులు పెద్ద సంఖ్యలో హాజరయ్యారు.
అత్యాధునిక సాంకేతికతతో అంతర్జాతీయ ప్రమాణాలు
నూతన ఫ్యాక్టరీ కిచెన్ కేవలం ఉత్పత్తి సామర్థ్యాన్ని పెంచడానికి మాత్రమే పరిమితం కాకుండా, నాణ్యత, పరిశుభ్రత విషయంలో కూడా సరికొత్త ప్రమాణాలను నెలకొల్పడానికి సిద్ధమయ్యారు. ఈ సందర్భంగా మాట్లాడిన సీఎండి మునగాల మోహన్ శ్యామ్ ప్రసాద్, ఈ కొత్త వసతి ప్రాముఖ్యత నొక్కి చెప్పారు. "ఈ అత్యాధునిక TDH స్వీట్స్ ఫ్యాక్టరీ కిచెన్ పరిశుభ్రత, నాణ్యతలో అత్యధిక అంతర్జాతీయ ప్రమాణాలను నిర్వహిస్తూనే, మా ఉత్పత్తి సామర్థ్యాన్ని గణనీయంగా పెంచుతుంది".
భారతీయ సాంప్రదాయ స్వీట్ల తయారీలో పరిశుభ్రత, నాణ్యత అనేవి వినియోగదారుల విశ్వాసానికి మూలస్తంభాలు. ఈ ఫ్యాక్టరీ అంతర్జాతీయ ప్రమాణాలను అనుసరించడం వల్ల, ఉత్పత్తి అయ్యే ప్రతి స్వీట్ కూడా ప్రపంచ స్థాయి నాణ్యతను కలిగి ఉంటుందని, తద్వారా స్థానిక, జాతీయ, అంతర్జాతీయ మార్కెట్లలో సంస్థ స్థానం మరింత బలోపేతం అవుతుందని విశ్లేషకులు అభిప్రాయపడుతున్నారు. ఈ చర్య, వినియోగదారులకు నాణ్యమైన ఆహార ఉత్పత్తులను అందించడంలో TDH నిబద్ధతను ప్రతిబింబిస్తుంది.
విస్తరణ ప్రణాళిక- అంతర్జాతీయ దృష్టి
తెనాలి డబుల్ హార్స్ గ్రూప్ నినాదం – 'మేడ్ ఇన్ తెనాలి, మేడ్ ఫర్ ది వరల్డ్'. ఈ కొత్త ఫ్యాక్టరీ కిచెన్ ఈ నినాదాన్ని ముందుకు తీసుకెళ్లడంలో ఒక కీలక అడుగుగా భావిస్తున్నారు. దేశీయంగా ఇప్పటికే బలమైన పట్టు ఉన్నప్పటికీ, ప్రపంచవ్యాప్తంగా తమ రుచికరమైన, నాణ్యమైన స్వీట్లను విస్తృత ప్రేక్షకులకు అందించడానికి ఈ పెట్టుబడి తోడ్పడుతుందని అంటున్నారు.
నిజానికి, ఈ నూతన ఫ్యాక్టరీ కిచెన్ సంస్థ దూకుడు విస్తరణ ప్రణాళికలో ఒక భాగం. TDH గ్రూప్ ఇప్పటికే నాణ్యమైన పప్పులు, రెడీ-టు-ఈట్ ఉత్పత్తులు,నిరంతర ఆవిష్కరణలకు పేరుగాంచింది. ఆహార ప్రాసెసింగ్ పరిశ్రమలో ఒక ప్రముఖ సంస్థగా, ఈ కొత్త ఫ్యాక్టరీ ద్వారా స్వీట్స్ విభాగంలో కూడా తమ మార్కెట్ లీడర్ స్థానాన్ని మరింత బలోపేతం చేసుకునేందుకు ప్రయత్నిస్తోంది.
సీఎండి మునగాల మోహన్ శ్యామ్ ప్రసాద్ మాట్లాడుతూ ఈ ప్రాజెక్ట్ కేవలం భవన నిర్మాణం కాదు, తమ ఉత్పత్తుల పట్ల విశ్వాసాన్ని, నాణ్యత పట్ల చిత్తశుద్ధిని ప్రపంచానికి చాటిచెప్పే ప్రయత్నంగా చెప్పారు. టెక్నాలజీ, సాంప్రదాయ తయారీ పద్ధతుల కలయికతో, ఈ ఫ్యాక్టరీ స్థానిక ప్రాంతమైన నందివెలుగుకు కూడా కొత్త ఆర్థిక జీవనాన్ని అందించే అవకాశం ఉందన్నారు.
టాప్ హెడ్ లైన్స్
ట్రెండింగ్ వార్తలు
