SBI FD Rates: గుడ్‌న్యూస్‌..! ఫిక్స్‌డ్‌ డిపాజిట్లపై వడ్డీరేటు పెంచిన ఎస్‌బీఐ

SBI బేస్‌ రేట్‌ను 0.10 శాతం లేదా 10 బేసిస్‌ పాయింట్ల మేర పెంచుతూ నిర్ణయం తీసుకుంది. సవరించిన రేటు ప్రకారం 2021, డిసెంబర్‌ 15 నుంచి వార్షికంగా 7.55 శాతం వడ్డీ ఇవ్వనున్నారు.

ఎస్‌బీఐ ఎఫ్‌డీ రేట్లు

భారతీయ స్టేట్‌ బ్యాంకు ఫిక్స్‌డ్‌ డిపాజిట్లపై వడ్డీరేటు పెంచింది. బేస్‌ రేట్‌ను 0.10 శాతం లేదా 10 బేసిస్‌ పాయింట్ల మేర పెంచుతూ నిర్ణయం తీసుకుంది. సవరించిన రేటు ప్రకారం 2021, డిసెంబర్‌ 15 నుంచి వార్షికంగా 7.55 శాతం వడ్డీ ఇవ్వనున్నారు.

ఈ ఏడాది మొదట్లో ఎస్‌బీఐ బేస్‌ రేట్‌ను 0.5 శాతం మేర తగ్గించింది. దాంతో వడ్డీరేట్లు 7.45 శాతానికి దిగొచ్చాయి. ఈ నేపథ్యంలో భారతీయ రిజర్వు బ్యాంకు (RBI) కనీస వడ్డీరేటును నిర్ణయించింది. కేంద్ర బ్యాంకు నిర్ణయించిన కనీస వడ్డీరేటు కన్నా తక్కువ వడ్డీరేటు అమలు చేసేందుకు బ్యాంకులకు వీల్లేదు.

రూ.2 కోట్లకు పైగా ఫిక్స్‌డ్‌ డిపాజిట్ల పైనా ఎస్‌బీఐ వడ్డీరేటును పెంచింది. డిసెంబర్‌ 15 నుంచే ఇవి అమల్లోకి వచ్చాయి. రూ.2 కోట్లకు దిగువన ఉండే ఫిక్స్‌డ్‌ డిపాజిట్ల వడ్డీరేట్లో మార్పు చేయలేదు.

• 7 రోజుల నుంచి 45 రోజులు - సాధారణ ప్రజలు: 2.90 శాతం; సీనియర్‌ సిటిజన్లకు 3.40 శాతం
• 46 రోజుల నుంచి 170 రోజులు - సాధారణ ప్రజలు: 3.90 శాతం; సీనియర్‌ సిటిజన్లకు 4.40 శాతం
• 180 రోజుల నుంచి 210 రోజులు - సాధారణ ప్రజలు: 4.40 శాతం; సీనియర్‌ సిటిజన్లకు 4.90 శాతం
• 211 రోజుల నుంచి ఏడాదికి - సాధారణ ప్రజలు: 4.40 శాతం; సీనియర్‌ సిటిజన్లకు 4.90 శాతం
• ఏడాది నుంచి రెండేళ్లకు - సాధారణ ప్రజలు: 5 శాతం; సీనియర్‌ సిటిజన్లకు 5.50 శాతం
• రెండేళ్ల నుంచి మూడేళ్లకు - సాధారణ ప్రజలు: 5.10 శాతం; సీనియర్‌ సిటిజన్లకు 5.60 శాతం
• మూడేళ్ల నుంచి ఐదేళ్లకు - సాధారణ ప్రజలు: 5.30 శాతం; సీనియర్‌ సిటిజన్లకు 5.80 శాతం
• ఐదేళ్ల నుంచి పదేళ్లకు - సాధారణ ప్రజలు: 5.40 శాతం; సీనియర్‌ సిటిజన్లకు 6.20 శాతం