EPS Pension Eligibility : PFలో 10 ఏళ్ల సర్వీస్ పూర్తి చేస్తే చాలట.. పెన్షన్ కూడా వస్తుందట, రూల్స్ ఇవే

EPF Members Alert : మీ ఉద్యోగం మానేసి 10 ఏళ్లు దాటినా పెన్షన్ పొందవచ్చని తెలుసా? అయితే దానికి కావాల్సిన నియమాలు ఏంటి? EPFO ఏమి సూచిస్తుందో తెలుసుకుందాం.

పదేళ్లు జాబ్ చేస్తే పెన్షన్ వస్తాదా?

మీరు మీ PF ఖాతాలో 10 సంవత్సరాల సర్వీసు పూర్తి చేస్తే.. మీరు EPS అంటే ఉద్యోగుల పెన్షన్ పథకం కింద పెన్షన్ పొందడానికి అర్హులు. సర్వీసు 10 సంవత్సరాల కంటే తక్కువగా ఉంటే.. EPS మొత్తాన్ని ఉపసంహరించుకునే లేదా స్కీమ్ సర్టిఫికేట్ తీసుకునే అవకాశం ఉంది.

EPS కింద పెన్షన్ పొందడానికి మీరు మొత్తం 10 సంవత్సరాలు లేదా అంతకంటే ఎక్కువ సర్వీస్ చేసి ఉండాలి. ఈ సర్వీస్ ఒకే కంపెనీలో ఉండాల్సిన అవసరం లేదు. మీరు ఉద్యోగం మారినప్పటికీ.. మీ UAN ఒకటే అయితే.. EPS సహకారం కొనసాగితే.. రెండు ఉద్యోగాల సర్వీస్ కలిపి 10 సంవత్సరాలుగా పరిగణిస్తారు.

EPFO నిబంధనలలో 9.5 సంవత్సరాల సర్వీసు పూర్తి చేసినప్పుడు 6 నెలల గ్రేస్ వ్యవధి కూడా ఇస్తారు. దీనివల్ల సర్వీసు 10 సంవత్సరాలుగా పరిగణించి.. పెన్షన్ అర్హత ఇస్తారు. ఒకవేళ మీ సర్వీసు 10 సంవత్సరాల కంటే తక్కువగా ఉంటే.. మీరు Form 10C నింపి EPS విత్డ్రాయల్ బెనిఫిట్ పొందవచ్చు. లేదా స్కీమ్ సర్టిఫికేట్ కోసం దరఖాస్తు చేసుకోవచ్చు.

పథకం సర్టిఫికెట్ కలిగి ఉండటం వల్ల కలిగే ప్రయోజనం ఏమిటంటే.. మీరు తరువాత మళ్లీ ఉద్యోగం చేస్తే.. మునుపటి సర్వీసును కలిపి 10 సంవత్సరాలు పూర్తి చేయవచ్చు. అదేవిధంగా 10 సంవత్సరాలు లేదా అంతకంటే ఎక్కువ సర్వీసు చేసిన సభ్యులు 58 సంవత్సరాల వయస్సులో రెగ్యులర్ పెన్షన్ లేదా 50–57 సంవత్సరాల మధ్యలో అర్లీ పెన్షన్ ఎంచుకోవచ్చు.

స్కీమ్ సర్టిఫికెట్లో ఇప్పటివరకు ఉన్న పెన్షన్​కు అర్హత కలిగిన జీతం, సర్వీసు ప్రభుత్వ రికార్డులో ఉంటుంది. దీనితో కొత్త ఉద్యోగంలో EPS సహకారం జోడించి మీ మొత్తం సర్వీసును లెక్కిస్తారు. మీరు 10 సంవత్సరాలు పూర్తికాకముందే విత్​డ్రా చేసుకుంటే.. మీ EPS సభ్యత్వం ముగుస్తుంది. భవిష్యత్తులో పెన్షన్ హక్కు కూడా రద్దు కావచ్చు.

మీ UAN ఒకటే అయితే EPS సహకారం బదిలీ చేస్తే.. వివిధ కంపెనీల సర్వీస్ కలుస్తాయి. మధ్యలో విరామం ఉన్నప్పటికీ.. మునుపటి సర్వీస్ కూడా పరిగణిస్తారు. ఉదాహరణకు 7 సంవత్సరాల పాత ఉద్యోగం, 1 సంవత్సరం విరామం, 4 సంవత్సరాల కొత్త ఉద్యోగం. అంటే మొత్తం సర్వీస్ 11 సంవత్సరాలుగా పరిగణిస్తారు. పెన్షన్ పొందవచ్చు.