200 Rupee News: 200 రూపాయల నోటు అసలైనదో, నకిలీదో ఎలా గుర్తించాలి? ఆర్‌బిఐ చెప్పిన ట్రిక్స్‌ ఇవే!

200 Rupee News: మీరు 200 రూపాయల నోటు పేరుతో మోసపోతున్నారా? అసలు నోటుకు, నకిలీ నోటుకు మధ్య తేడాను ఎలా గుర్తించాలో తెలుసుకోండి.

200 రూపాయల నోటు అసలైనదో, నకిలీదో ఎలా గుర్తించాలి? ఆర్‌బిఐ చెప్పిన ట్రిక్స్‌ ఇవే!

Source : pinterest

Show Quick Read

Key points generated by AI, verified by newsroom

• నకిలీ నోట్ల మోసం నివారణకు RBI ఏడు సూచనలు చేసింది.
• నోటులో పారదర్శక '200', దేవనాగరి '200', గాంధీ చిత్రం గమనించాలి.
• గవర్నర్ సంతకం, అంకెల పరిమాణం, అశోక స్తంభం చిహ్నం తనిఖీ చేయాలి.

How To Recognize Real 200 Rupee Note: మనం షాపింగ్‌కు వెళ్ళినప్పుడు, మడిచిన నోటును ఇచ్చిపుచ్చుకున్న తర్వాత వచ్చే చిల్లరను తరచుగా సరిచూసుకోం. ఆ నోటు అసలైనదే అని మనం భావిస్తాం. అయితే, చాలాసార్లు, ప్రజలు ఆ నోటును సరిచూసుకోకుండా స్వీకరించి మోసానికి గురవుతుంటారు. ఇటువంటి మోసాలను నివారించడానికి, అసలైన నోటును గుర్తించడానికి ఆర్‌బిఐ వినియోగదారులకు ఏడు సూచనలు చేసింది. అవేంటో తెలుసుకుందాం.

అన్ని భారతీయ కరెన్సీ నోట్ల ప్రామాణికతను గుర్తించడానికి ఆర్‌బిఐ తన అధికారిక వెబ్‌సైట్‌లో కొన్ని పద్ధతులను వివరించింది. వీటిలో అసలైన 200 రూపాయల నోటును గుర్తించడానికి ఏడు చిట్కాలు ఉన్నాయి. అసలైన 200 రూపాయల నోటును సులభంగా గుర్తించి, నకిలీ నోటు బారిన పడకుండా ఉండేందుకు మీకు సహాయపడే ఈ చిట్కాలు వివరిస్తాం. 

200 రూపాయల నోటును ఎలా గుర్తించాలి

200 రూపాయల నోటుకు దిగువ ఎడమ వైపున ట్రాన్స్‌పరెంట్‌ భాగం ఉంటుంది, దానిపై '200' అనే అక్షరాలు రాసి ఉంటాయి. నోటును వెలుతురుకు ఎదురుగా పట్టుకున్నప్పుడు ఇది స్పష్టంగా కనిపిస్తుంది.

• రూ. 200 నోటుపై '200' అనే మొత్తాన్ని దేవనాగరి (హిందీ) అంకెల్లో కూడా రాస్తారు.
• ఈ నోటు ముందు వైపు మధ్యలో మహాత్మా గాంధీ ఫోటో ఉంది.
• నోటుకు కుడి వైపున గవర్నర్ సంతకం, చెల్లింపు హామీ (గ్యారెంటీ క్లాజ్) ఆర్‌బిఐ లోగో ఉంటాయి.
• ఈ నోటుకు ఎగువ ఎడమ వైపున అంకెల ప్యానెల్ ఉంది, దీనిలో అంకెలు చిన్న నుంచి పెద్ద సైజులలో రాసి ఉన్నాయి.
• అదేవిధంగా, కుడి వైపు దిగువన సంఖ్యల ప్యానెల్ ఉంది, అందులో సంఖ్యలు చిన్న నుంచి పెద్ద పరిమాణాలలో కనిపిస్తాయి.
• అశోక స్తంభ చిహ్నం (జాతీయ చిహ్నం) కూడా నోటుకు కుడి వైపు దిగువన ముద్రించి ఉంటుంది.

కాబట్టి, మీకు ఎప్పుడైనా 200 రూపాయల నోటు కనిపించినప్పుడు, అది నకిలీదని మీకు ఏమాత్రం అనుమానం కలిగినా, ఈ ఏడు ముఖ్యమైన సంకేతాలను జాగ్రత్తగా తనిఖీ చేయండి. ఇది మిమ్మల్ని ఎలాంటి మోసం నుంచైనా కాపాడుతుంది.