Cryptocurrency Prices Today: అలజడి..! ఒకే రోజు రూ.5 లక్షలు పతనమైన బిట్‌కాయిన్‌.. మిగతావీ అవే దారిలో..!
క్రిప్టో కరెన్సీల పతనం కొనసాగుతోంది. బిట్‌కాయిన్‌ ఏకంగా రూ.5 లక్షల వరకు తగ్గిపోయింది. ఎథిరెమ్‌, డోజీ, లైట్‌కాయిన్‌ ధరలు ఎలా ఉన్నాయంటే..
Cryptocurrency Prices Today, 4 December 2021: క్రిప్టో కరెన్సీలు క్రాష్‌ అవుతూనే ఉన్నాయి. బిట్‌కాయిన్‌ పతనం కొనసాగుతూనే ఉంది. నిన్న రాత్రి 12 గంటల నుంచి నేటి మధ్యా్‌హ్నం 12 గంటల మధ్య ఇది ఏకంగా రూ.5 లక్షలు పతనమైంది. రూ.35.56 లక్షలకు చేరుకుంది. ఆ తర్వాత కాస్త కోలుకొని 16 శాతం నష్టంతో రూ.39,23,697 వద్ద కొనసాగుతోంది. దీని మార్కెట్‌ విలువ రూ.66 లక్షల కోట్లకు తగ్గిపోయింది. బిట్‌కాయిన్‌ తర్వాత అతిపెద్ద మార్కెట్‌ విలువ కలిగిన ఎథిరెమ్‌ 15 శాతం తగ్గి రూ.3,25,037 వద్ద ట్రేడ్‌ అవుతోంది. మార్కెట్‌ విలువ రూ.34 లక్షల కోట్లకు పడిపోయింది.
బైనాన్స్‌ కాయిన్‌ 14 శాతం తగ్గి రూ.44,611, టెథెర్‌ 0.14 శాతం పెరిగి రూ.83.17, సొలానా 17 శాతం తగ్గి రూ.16,061, కర్డానో 17 శాతం తగ్గి రూ.114, యూఎస్‌డీ కాయిన్‌ 0.16 శాతం తగ్గి రూ.82.98 వద్ద కొనసాగుతున్నాయి. పాక్స్‌ డాలర్‌, ట్రూ యూఎస్‌డీ మాత్రమే లాభాల్లో ఉన్నాయి. ఇక స్వైప్‌, లించ్‌, సివిక్‌, స్టార్జ్‌, బ్యాండ్‌ ప్రొటో, మెటల్‌, లైవ్‌పీర్‌ 30 శాతం వరకు నష్టపోయాయి.
హెచ్చుతగ్గులు ఉంటాయి
క్రిప్టో కరెన్సీల ధరలు తెలుసుకోవడం ఇప్పుడు సులభమే. ఎక్కువ మంది వీటిపై పెట్టుబడులు పెడుతున్నారు. బిట్‌కాయిన్స్‌, ఎథిరెమ్‌, లైట్‌కాయిన్‌, రిపిల్‌, డోజీకాయిన్‌ను భారత్‌లో ఎక్కువగా ట్రేడ్‌ చేస్తున్నారు. ప్రతి రోజు వీటి ధరలు హెచ్చుతగ్గులకు లోనవుతాయి. మార్కెట్‌ వొలటైల్‌గా ఉంటుంది. ఎక్కువగా వినిపించే బిట్‌కాయిన్‌, ఎథెర్‌, డోజీకాయిన్‌, లైట్‌కాయిన్‌, రిపిల్‌ ధరలు నిమిషాల్లోనే మారుతుంటాయి.
క్రిప్టో కరెన్సీ అంటే?
క్రిప్టో కరెన్సీ ఒక డిజిటల్‌ అసెట్‌. ఇప్పుడున్న కరెన్సీ లాగే చాలా దేశాల్లో వీటిని లావాదేవీలకు అనుమతి ఇస్తున్నారు. కంప్యూటరైజ్‌డ్‌ డేటాబేస్‌ లెడ్జర్లలో ఈ కాయిన్లపై ఓనర్‌షిప్‌ను భద్రపరుస్తారు. బ్లాక్‌చెయిన్ టెక్నాలజీ ద్వారా వీటిని తయారు చేస్తారు. ఈ క్రిప్టో కరెన్సీ భౌతికంగా కనిపించదు. అంతా డిజిటల్‌ రూపంలోనే ఉంటుంది. సెంట్రల్ బ్యాంక్‌ డిజిటల్‌ కరెన్సీకి వీటికీ సంబంధం లేదు.
భారత్‌లో ట్రేడింగ్‌కు అనుమతి
భారత్‌లో క్రిప్టో కరెన్సీకి చట్టబద్ధత లేదు. అయితే ట్రేడింగ్ చేసుకోవడానికి ప్రభుత్వం అనుమతి ఇచ్చింది. లాభనష్టాలతో ప్రభుత్వానికి సంబంధం ఉండదు. పెట్టుబడి దారులే బాధ్యులు అవుతారు. ప్రజల్లో అవగాహన పెరగడంతో క్రిప్టో కరెన్సీ ఎక్స్ఛేంజ్‌లు, ట్రేడింగ్ ఫ్లాట్‌ఫామ్స్‌, యాప్స్‌ చాలా అందుబాటులోకి వచ్చాయి.
Also Read: ATM Transaction Charges: కస్టమర్లకు బ్యాంకుల షాక్‌..! ఏటీఎం లావాదేవీల ఫీజు పెంపు
Also Read: HDFC FD Interest Rates: ఎఫ్‌డీ చేస్తున్నారా..? హెచ్‌డీఎఫ్‌సీ వడ్డీరేట్లు పెంచింది మరి
Also Read: Audi Q7: ఆడీ కొత్త కారు వచ్చేస్తుంది.. మరింత ఆకర్షణీయంగా!
Also Read: India Post Payment Bank: లిమిట్‌ దాటి డబ్బు జమ చేసినా.. తీసినా.. పోస్టాఫీసులో రుసుము తప్పదు!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
