Union Budget 2026: పన్ను విధానంలో మార్పులు, ఆరోగ్య బీమాపై ఫోకస్.. కేంద్ర బడ్జెట్ 2026 పై ఎన్నో ఆశలు
Union Budget 2026-27: ఆరోగ్య సేవల విస్తరణపై కేంద్రం దృష్టిసారిస్తుందని, అదే విధంగా హెల్త్ ఇన్సూరెన్స్, హోం లోన్ సంబంధించి కీలక ప్రకటన చేసే అవకాశం ఉందని అంచనాలు ఉన్నాయి.
Budget 202627 Expectations | న్యూఢిల్లీ: కేంద్ర ఆర్థిక మంత్రి నిర్మలా సీతారామన్ ఫిబ్రవరి 1వ తేదీన ఆదివారం ఉదయం 11 గంటలకు కేంద్ర బడ్జెట్ను ప్రవేశపెట్టనున్నారు. ఈ క్రమంలో దేశంలోని లక్షలాది మంది పెట్టుబడిదారులు, పన్ను చెల్లింపుదారుల దృష్టి ఈ బడ్జెట్పైనే ఉంది. ఎందుకంటే దీని ద్వారా కొంత ఉపశమనం కలిగి వారి జేబులపై నేరుగా ప్రభావం చూపుతుంది. నిర్మలా సీతారామన్ వరుసగా ప్రవేశపెట్టనున్న తొమ్మిదవ పూర్తి స్థాయి బడ్జెట్ అవుతుంది. ఆమె తొలిసారిగా ఆదివారం నాడు కేంద్ర బడ్జెట్ను సమర్పిస్తారు. కేంద్ర బడ్జెట్పై మధ్యతరగతి వారి నుంచి నుండి జీతాలు తీసుకునే ఉద్యోగుల వరకు, రైతుల నుండి మహిళల వరకు అన్ని వర్గాలు ఆసక్తిగా ఉన్నాయి.
కేంద్ర బడ్జెట్ 2026పై అంచనాలు ఏమిటి?
ఆస్తి, గృహ రుణాలు
ఒకవైపు భూముల ధరలు పెరుగుతుండగా, ప్రజలపై లోన్ భారం కూడా పెరిగింది. మరోవైపు గృహ కొనుగోలుదారులు పన్ను మినహాయింపు మరింత కోరుతున్నారు. గృహ రుణాలు (Home Loans)పై పన్ను మినహాయింపును పెంచాలని డిమాండ్ పెరుగుతోంది. ప్రస్తుతం, ఆదాయపు పన్ను చట్టంలోని సెక్షన్ 24(బి) కింద వడ్డీపై మినహాయింపు పరిమితి రూ. 2 లక్షలు. కాగా ఇది చాలా సంవత్సరాల క్రితం నిర్ణయించారు. ప్రస్తుత పరిస్థితులలో ఇది సరిపోదని, మరింత పెంచాలని కేంద్రాన్ని కోరుతున్నారు.
అంతేకాకుండా, ప్లస్ క్యాష్ వ్యవస్థాపకుడు, CEO ప్రణవ్ కుమార్ మాట్లాడుతూ.. కేంద్ర బడ్జెట్ 2026-27లో పన్ను ఆదా, దీర్ఘకాలిక పెట్టుబడులను ప్రోత్సహించడంపై దృష్టిసారిస్తారని అన్నారు. ఇందులో స్టాండర్డ్ డిడక్షన్ పెంచడం, పన్ను శ్లాబ్లను సరళీకరించడం, గృహ రుణాలు (Home loans), ఇన్సూరెన్స్ సంబంధించిన అదనపు బెనిఫిట్స్ లభించే అవకాశం ఉందన్నారు.
ఆరోగ్య రంగంలో అంచనాలు
బజాజ్ బ్రోకింగ్ నివేదిక ప్రకారం, భారతదేశంలో ఆరోగ్య సేవల పరిధి నిరంతరం విస్తరిస్తోంది. నిర్మలా సీతారామన్ ఈ బడ్జెట్ 2026లో దీనిని మరింత ప్రోత్సహిస్తారని పేర్కొంది. ఎక్కువ మందిని కవర్ చేయడానికి, దీర్ఘకాలిక చికిత్స కోసం హెల్త్ ఇన్సూరెన్స్ పథకాల పరిధిని పెంచవచ్చు.
అయితే, దీనివల్ల ఆరోగ్య రంగానికి సానుకూల ప్రోత్సాహం లభిస్తుంది. ప్రభుత్వ ధరలకు సేవలు అందించే విషయంలో ప్రైవేట్ ఆసుపత్రుల లాభాలపై ఒత్తిడి పెరిగే అవకాశం ఉందని నివేదిక హెచ్చరించింది.
మూలధన వ్యయం
బ్రోకింగ్ సంస్థ ఆనంద్ రాఠీ ప్రకారం.. ఆర్థిక ఏడాది 2026-27లో కేంద్ర ప్రభుత్వం ప్రస్తుత సంస్కరణల మార్గంలో ముందుకు సాగుతుంది. కేంద్ర బడ్జెట్లో పెద్ద లేదా ఆశ్చర్యకరమైన నిర్ణయం తీసుకునే అవకాశం తక్కువ. సంస్థ ప్రకారం, బడ్జెట్లో ప్రభుత్వం మూలధన వ్యయాన్ని (క్యాపెక్స్) వార్షిక ప్రాతిపదికన దాదాపు 13 శాతం పెంచి 12.6 ట్రిలియన్ డాలర్లకు తీసుకెళ్లవచ్చు. క్యాపెక్స్-టు-జిడిపి నిష్పత్తి దాదాపు 3.2 శాతంగా ఉంటుందని అంచనా వేశారు.
గురువారం నాడు కేంద్రం సమర్పించిన ఆర్థిక సర్వే నివేదికలో, ఆర్థిక సంవత్సరం 2026-27కి భారతదేశ వృద్ధి రేటు 6.8 శాతం నుండి 7.2 శాతం ఉంటుందని అంచనా వేశారు. ఆర్థిక సంవత్సరం 2026కి వాస్తవ సగటు దేశీయ ఉత్పత్తి (GDP) వృద్ధి రేటు 7.4 శాతం, కాగా స్థూల విలువ జోడింపు (GVA) 7.3 శాతంగా ఉంటుందని అంచనా వేశారు.
టాప్ హెడ్ లైన్స్
ట్రెండింగ్ వార్తలు
