Anant Ambani: అనంత్ అంబానీ వాచ్ విలువ తెలిస్తే కళ్లు తేలేస్తారు, ప్రపంచం మొత్తం మీద 30 మాత్రమే ఉన్నాయట
Anant Ambani Watch: అనంత్ అంబానీ చేతికున్న గడియారం గురించి సోషల్ మీడియాలో తెగ చర్చ జరుగుతోంది. అత్యంత అరుదైన ఈ వాచ్ ధర రూ.12.53 కోట్లుగా ఉంది.
Anant Ambani Watch Collection: అనంత్ అంబానీకి ఫ్యాన్సీ ఐటమ్స్ కలెక్ట్ (Anant Ambani Watch Cost) చేయడం అలవాటు. ముఖ్యంగా గడియారాలంటే చాలా ఇష్టం. ఎవరి దగ్గరా లేని అత్యంత అరుదైన వాచ్‌లు అనంత్ వద్ద ఉన్నాయి. కొద్ది రోజుల క్రితం ఆయన ఓ ఫ్రెండ్‌ని కలవడానికి వెళ్లినప్పుడు ఓ అరుదైన వాచ్‌తో కనిపించారు. Richard Mille కంపెనీకి చెందిన అత్యంత ఖరీదైన గడియారం పెట్టుకున్నాడు. ఆ వాచ్ ఏంటని సెర్చ్ చేస్తే కళ్లు తేలేసే ధర కనిపించింది. ఆ వాచ్ మోడల్ RM 52-05. ఈ వాచ్ గురించి అప్పుడే సోషల్ మీడియాలో చర్చ మొదలైంది. ఓ ఇన్‌స్టాగ్రామ్‌ పేజ్‌లో ఈ వాచ్ డిటైల్స్ అన్నీ పోస్ట్ చేశారు. ఫ్యాషన్‌ ఐకాన్‌ అయిన అమెరికన్ సింగర్ Pharrell Williams వద్ద ఈ వాచ్ ఉంది. ఆ తరవాత మళ్లీ అనంత్ అంబానీ చేతికే కనిపించింది. అందుకే అంత ఆసక్తిని కలిగించింది. ఇక మార్కెట్‌లో ఈ గడియారం ధర ఎంతని చూస్తే 1.5 మిలియన్‌ డాలర్లుగా ఉంది. అంటే మన కరెన్సీలో రూ.12.53 కోట్లు. మరో ఆసక్తికరమైన విషయంఏంటంటే..ప్రపంచవ్యాప్తంగా ఇలాంటి వాచ్‌లు కేవలం 30 మాత్రమే ఉన్నాయి.
Richard Mille అఫీషియల్ వెబ్‌సైట్‌లో చూస్తే ఈ వాచ్‌ని 90% టైటానియంతో, 6% అల్యూమినియంతో, 4% వనాడియంతో తయారు చేసినట్టుగా ఉంది. మొత్తం యూనివర్స్‌ని ప్రతిబింబించేలా ఈ వాచ్‌ని డిజైన్ చేసింది కంపెనీ. ఇంటీరియర్‌లో నక్షత్రాల డిజైన్ కనిపిస్తుంది. ఈ RM 52-05 మోడల్ వాచ్‌ని మార్కెట్‌లోకి తీసుకొచ్చే ముందే ఎన్నో టెస్ట్‌లు చేశారు. ఎలాంటి వాతావరణాన్నైనా తట్టుకునే కెపాసిటీ ఉందీ గడియారానికి. ఫారేల్ విలియమ్స్ ఈ వాచ్‌కి బ్రాండ్‌ అంబాసిడర్‌గా ఉన్నాడు. అనంత్ అంబానీ, రాధిక మర్చంట్ వివాహ వేడుకలకు అంతా సిద్ధమవుతోంది. ఇప్పటికే ప్రీవెడ్డింగ్ సెలబ్రేషన్స్‌ సెన్సేషన్ క్రియేట్ చేశాయి. జులై 12వ తేదీన ఈ జంట ఒక్కటి కానుంది. జులై 12 నుంచి 14వ తేదీ వరకూ ఈ పెళ్లి వేడుకలు (Anant Ambani and Radhika Merchant wedding) జరగనున్నాయి. చిన్నప్పటి నుంచి ఈ ఇద్దరి మధ్యా పరిచయముంది. ఆ తరవాత డేటింగ్ చేశారు. అయితే..అంబానీ ఫ్యామిలీ మాత్రం ఈ విషయాన్ని చాలా సీక్రెట్‌గా ఉంచింది. తరవాత వీళ్లిద్దరికీ పెళ్లి చేస్తున్నట్టు అధికారికంగా ప్రకటించింది.
టాప్ హెడ్ లైన్స్
ట్రెండింగ్ వార్తలు
