Anand Mahindra Thanks KTR: నా చిరకాల స్వప్నం నేరవేరింది.. థ్యాంక్యూ కేటీఆర్.. హుందాగా స్పందించిన ఐటీ మంత్రి

Anand Mahindra Tweet: తెలంగాణ ఐటీ మంత్రి కేటీఆర్‌కు థ్యాంక్స్ చెప్పారు. ఎందుకంటారా.. ఈ వివరాలు చదవండి.

ఆనంద్ మహీంద్రా, కేటీఆర్

Anand Mahindra Thanks KTR: సోషల్ మీడియాలో యాక్టివ్ ఉండే వ్యాపారవేత్తలో ఆనంద్ మహీంద్రా ఒకరు. దేశం కోసం పతకాలు సాధించిన వారికి తమ వాహనాలు ఆఫర్ చేయడం, మరోవైపు ఊరూ, పేరూ తెలియకపోయినా ఏదైనా మారుమూల ప్రాంతాల్లోని వారు ఏదైనా సాధిస్తే వారికి సైతం ప్రోత్సహకాలు అందించే వ్యక్తిగా ఆనంద్ మహీంద్రాకు మంచి పేరుంది. ఈ క్రమంలో తెలంగాణ ఐటీ మంత్రి కేటీఆర్‌కు థ్యాంక్స్ చెప్పారు. ఎందుకంటారా.. ఈ వివరాలు చదవండి.

ప్రతిష్టాత్మక ‘ఫార్ములా ఈ’ (Formula E) వరల్డ్ ఛాంపియన్‌షిప్ రేసు నిర్వహించేందుకు హైదరాబాద్ వేదికగా మారనుంది. ఫార్ములా ఈ సహ వ్యవస్థాపకుడు, చీఫ్ ఛాంపియన్‌షిప్ ఆఫీసర్ అల్బెర్టో లాంగో, తెలంగాణ ఐటీ మంత్రి కేటీఆర్‌ సంయుక్తంగా ఫిఫా ఫార్ములా ఈ ప్రపంచ ఛాంపియన్‌షిప్ పోటీల నిర్వహణకు హైదరాబాద్‌ను వేదికగా ఖరారు చేస్తూ  సోమవారం ప్రకటించారు. 2014 నుంచి ప్రపంచ వ్యాప్తంగా ఈ రేసులను నిర్వహిస్తుండగా.. మహీంద్రా రేసింగ్ కంపెనీ కూడా ఇందులో పాల్గొంటుంది. వ్యవస్థాపక టీమ్‌లో భాగస్వామిగా కొనసాగుతోంది.

We were one of the founding teams in Formula E and a long held dream of @MahindraRacing has been to race our cars on home ground, cheered on by a home crowd. Thank you @KTRTRS for taking a huge step towards making that dream a reality! We can’t wait… https://t.co/HF9OoVDVXO

— anand mahindra (@anandmahindra) January 17, 2022

మహేంద్ర రేసింగ్ కంపెనీ కార్లు స్వదేశంలో, అందులోనూ హైదరాబాద్‌లో పరుగులు పెట్టబోతున్నందుకుగానూ ఆనంద్ మహీంద్రా హర్షం వ్యక్తం చేశారు. హైదరాబాద్‌ను వేదికగా ఖరారు చేసినందుకు తెలంగాణ ప్రభుత్వానికి, మంత్రి కేటీఆర్‌కు ధన్యవాదాలు తెలిపారు. ‘ఫార్ములా ఈ రేసింగ్ వ్యవస్థాపక టీమ్‌లలో మేం ఒకరం. స్వదేశంలో ఇక నుంచి మహీంద్రా రేసింగ్ కార్లు దూసుకెళ్లనున్నందుకు నా కల నెరవేరింది. సొంత ప్రజల మధ్య ఈ రేసింగ్ జరగనుంది. నా చిరకాల స్వప్నం నిజం చేసినందుకు కేటీఆర్‌కు థ్యాంక్స్’ అని ఆనంద్ మహీంద్రా ట్వీట్ చేశారు.

Thanks Anand ji 🙏

Hopefully @MahindraRacing will have a podium finish at Hyderabad cheered by home crowd

Need your guidance & support on making Hyderabad a strong EV hub https://t.co/WoS4E0klup

— KTR (@KTRTRS) January 17, 2022

స్పందించిన కేటీఆర్..
ఆనంద్ మహీంద్రా రేసింగ్ కార్లకు పోడియం ఫినిష్- హైదరాబాద్‌లో సొంత ప్రజల మధ్య జరగాలని మంత్రి కేటీఆర్ ఆకాంక్షించారు. థ్యాంక్స్ ఆనంద్ జీ.. హైదరాబాద్‌ను స్ట్రాంగ్ ఈవీ హబ్‌గా మార్చేందుకు మీ సలహాలు, సహకారం కావాలని కోరుతూ కేటీఆర్ ట్వీట్‌ ద్వారా బదులిచ్చారు. ‘ఫార్ములా ఈ’ వరల్డ్‌ ఛాంపియన్‌షిప్‌ రేసులు మెక్సికో, లండన్, న్యూయార్క్, రోమ్, బెర్లిన్, రోమ్, సియోల్ నగరాలలో నిర్వహించారు. సౌదీ అరేబియాలోని దిరియా నగరం తొమ్మిదో సీజన్ పోటీలకు వేదికగా మారింది. త్వరలోనే హైదరాబాద్ ఈ రేసింగ్ ఛాంపియన్‌షిప్‌నకు ఆతిథ్యం ఇవ్వాలని  భావిస్తోంది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి