అన్వేషించండి

ఎవరైనా గెలవచ్చు, కానీ ఇంగ్లండ్ తప్ప - యూరో 2020 ఫైనల్‌పై ఒక భారతీయుడి ఆలోచన!

ఆదివారం మధ్యాహ్నాలు మనం సాధారణంగా కుటుంబంతో రిలాక్స్ అవుతూ ఉంటాం. అయితే సుదీర్ఘ కాలం తర్వాత ట్రోఫీ కోసం జూలై 11వ తేదీన పోటీ పడుతున్న ఇంగ్లండ్, ఇటలీల మధ్య జరగనున్న యూరో 2020 ఫైనల్‌ను చూడటం కంటే విశ్రాంతి తీసుకోవడానికి మంచి మార్గం ఏం ఉంటుంది? ఇటలీ చివరిసారిగా 1968లో యూరో కప్‌ను గెలుచుకుంది. ఇక ఇంగ్లాండ్ చివరిసారిగా 1966లో జర్మనీపై 4-2 తేడాతో విజయం సాధించి ప్రపంచకప్‌ను కైవసం చేసుకుంది. ఇంగ్లండ్ అసలు ఎప్పుడూ యూరోపియన్ కప్‌ను సొంతం చేసుకోలేదు. ఇంగ్లండ్ ఒక ఫుట్‌బాల్ దేశం కాకపోతే దానికి ప్రత్యేక గుర్తింపు ఏమీ లేదు. అయితే ఇంగ్లండ్ అభిమానులు తమ పోకిరిలుగా పేరు ప్రఖ్యాతులు సంపాదించారు. నిజానికి అమెరికన్ జర్నలిస్ట్ బిల్ బుఫోర్డ్ 1990లో ఫుట్‌బాల్ పోకిరిలపై ఒక ఆకర్షణీయమైన పుస్తకాన్ని రాశాడు. దాని పేరే ‘అమాంగ్ ది థగ్స్’. చాలా మ్యాచ్‌ల కోసం ప్రయాణించిన మాంచెస్టర్ యునైటెడ్‌లోని ఇంగ్లీష్ ఫుట్‌బాల్ అభిమానులపై బిల్ ఎక్కువగా దృష్టి సారించాడు. అక్కడే అతను ఈ ఫుట్‌బాల్ పోకిరీలను చూశాడు. మతోన్మాదులు పరమతాల వారిపై ఎంత తీవ్రమైన కోపంతో ఉంటారో వీరు కూడా ఇతర ఫుట్ బాల్ జట్లపై అంతే కోపంతో ఉంటారు. శ్వేత జాతీయవాద పార్టీ అయిన నేషనల్ ఫ్రంట్‌కు అనుబంధంగా ఉన్న ఆంగ్లేయులలో ఉండే కొన్ని లక్షణాలు వీరి వద్ద కూడా ఉన్నాయి. మరింత స్పష్టంగా చెప్పాలంటే, 1990లో ప్రపంచ కప్ ఆడుతున్న సార్డినియాలో ఈ ఫుట్‌బాల్ అభిమానుల మధ్య బిల్ బుఫోర్డ్ అల్లర్లలో చిక్కుకున్నప్పుడు, వారు హింసను ఎంజాయ్ చేయడాన్ని గుర్తించాడు. హింస, ఈ ఫుట్‌బాల్ అభిమానుల గురించి ఇలా వ్రాశాడు, 'వారి సంఘవిద్రోహ ఆనందం, వారి మనస్సును మార్చే అనుభవం, అడ్రినలిన్ ప్రేరేపించే ఆనందం' అది 'సింథటిక్‌గా ఉత్పత్తి చేయబడిన మాదకద్రవ్యాలు తీసుకునే వారిలో ఉండే లక్షణాల లాగా ఉన్నాయి.’

లాస్ ఏంజెల్స్‌లోని నా ఇంటి వద్ద ఆదివారం మధ్యాహ్నం యూరో కప్‌ని చూస్తున్నప్పుడు, అది కేవలం మధ్యాహ్నం విశ్రాంతి మాత్రమే. కొన్ని సమయాల్లో ఈ 'అందమైన ఆట'కు నేను ఆసక్తిగల అనుచరుడిని అయినప్పటికీ, నేను ఫుట్‌బాల్ అభిమానానికి దూరంగా ఉన్నప్పటికీ ఈ 'అభిమాని' అనే పదానికి నాకు సరిగ్గా అర్థం తెలియదు. ఒకరు ఒక జట్టు లేదా మరొక జట్టుకు ఎలా 'అభిమాని' అవుతారనేది ఏదో ఒక రహస్యం. ఒక వ్యక్తి తన అభిమానిగా మారినప్పుడు, బొంగురుగా అరవడం, ఇతరులపై బీరు సీసాలు విసరడం, ముష్టిఘాతాలకు దిగడం, విధ్వంసానికి పాల్పడడం వంటివి అస్సలు అర్థం కాదు. వెంబ్లీలో సరిగ్గా అదే జరిగింది. అక్కడ టిక్కెట్లు లేకుండా కొన్ని వేల మంది ఇంగ్లీష్ అభిమానులు స్టేడియంలోకి ప్రవేశించి, పెద్ద గొడవను సృష్టించారు. కొంతమందిని విపరీతంగా కొట్టారు. బుఫోర్డ్ వివరించినట్లుగా ఆట ప్రారంభం కాబోతున్నందున్న ఉత్సాహంలోనే వారు అలా ప్రవర్తించారు. అదే ఉత్సాహం నాకు మధ్యాహ్న సమయంలో విశ్రాంతిగా ఉండాల్సిన దాదాపు మూడు గంటల సమయాన్ని పూర్తి స్థాయి టెన్షన్‌గా మార్చింది. నిర్ణీత సమయంలో 1-1తో స్కోర్లు సమయం అయ్యాక, ఇటలీ పెనాల్టీ కిక్‌లతో ఇంగ్లండ్‌ను ఓడించిన తర్వాత మాత్రమే నాకు ఉపశమనం లభించింది.

డెన్మార్క్‌తో జరిగిన సెమీఫైనల్ మ్యాచ్‌లో ఇంగ్లండ్ ఫైనల్‌లో ఉండాలా వద్దా అనే ప్రశ్న ఎదురైంది. డెన్మార్క్‌తో జరిగిన సెమీ ఫైనల్ మ్యాచ్‌లో ఇంగ్లండ్‌కు పెనాల్టీ కిక్ ఇవ్వడాన్ని ప్రశ్నించింది నేను ఒక్కడినే కాదు, నాలోని భారతీయుడు కూడా. వలసవాదం, ముఖ్యంగా భారతదేశంలో బ్రిటిష్ వలస పాలన లోని జీవితకాల విద్యార్థి అయిన నాలోని భారతీయుడు, 18వ శతాబ్దం సగం నుంచి భారత పాలకులతో సంతకం చేసిన ఏ ఒప్పందాన్ని కూడా గౌరవించకుండా ఎప్పుడూ న్యాయం, ఫెయిర్‌ప్లే గురించి మాట్లాడే దేశంగానే ఇంగ్లండ్‌ను చూస్తాడు. యునైటెడ్ స్టేట్స్‌లోని ఈ బ్రిటన్‌ల సోదరులు ఇంకా అధ్వాన్నంగా ఉన్నారు. ఎందుకంటే వారు ఇతర భారతీయులతో-స్థానిక అమెరికన్లతో ప్రతి ఒప్పందాన్ని ఉల్లంఘించడమే కాకుండా వారిని నిర్మూలించేందుకు చక్కగా సహకరించారు. ఇంగ్లండ్ అర్హత లేకపోయినా ఈ పెనాల్టీని పొందినట్లయితే, అది లోపభూయిష్టమైన రిఫరీ తీర్పు నుంచి ఈ ప్రయోజనాన్ని పొందింది. దీని గురించి చింతించడంలో పెద్దగా ప్రయోజనం లేదనిపించింది. నేను ఇంగ్లండ్ లేదా ఇటలీకి ఎవ్వరికీ అభిమానిని కాదు. ఈ విషయంలో, ఇంగ్లండ్, ఇతర దేశాల మధ్య ఎవరిని ఎంచుకోవాలి అనే ప్రశ్న వచ్చినప్పుడు. నేను సాధారణంగా క్రికెట్, జాత్యహంకారం, జాతీయవాదంపై దివంగత మార్క్ మార్క్‌సీ రాసిన పుస్తకం శీర్షికను ఎంచుకుంటాను. అదే  Anyone but England (2005). అయితే దీనికి మినహాయింపులు కూడా ఉన్నాయి. ఉదాహరణకు ఇంగ్లండ్, ఆస్ట్రేలియా మధ్య జరిగితే, నేను ఇంగ్లండ్‌నే ఎంచుకుంటాను. ఎందుకంటే ఆస్ట్రేలియా జాత్యహంకారం మరింత అసహ్యంగా ఉంటుంది.

మ్యాచ్ ప్రారంభమైన రెండు నిమిషాల్లో, ఇంగ్లీష్ డిఫెండర్ ల్యూక్ షా స్కోర్ చేశాడు. అంతర్జాతీయ మ్యాచ్‌లో అతని మొదటి గోల్ . అలాగే యూరో ఫైనల్ చరిత్రలో అత్యంత వేగవంతమైన గోల్. ఇది మంచి గోల్. టోర్నమెంట్ అంతటా ఉన్నట్లుగా ఇంగ్లండ్ మంచి ఆరంభాన్ని పొందింది. నా గుండె ఆవేశంగా కొట్టుకోవడం ప్రారంభించింది కానీ నేను ఫుట్‌బాల్ పోకిరిని కాదు. కనీసం అభిమానిని కూడా కాదు. ఇక వెంబ్లీ, ఇంగ్లండ్‌లోని సమూహాలను ఊహించండి. నా ఆలోచనల కంటే బీర్ వేగంగా ప్రవహించే లెక్కలేనన్ని పబ్బులు. ఇతర ఆలోచనలు నా మనస్సులో పరుగెత్తాయి. ఇంగ్లాండ్ గెలిస్తే, యూరోపియన్ యూనియన్ నుండి ఇంగ్లాండ్ నిష్క్రమణ  ఆ దేశంలో ఫుట్‌బాల్‌ను పునరుజ్జీవింపజేసిందని బ్రెగ్జిట్‌ను సమర్థించే వారు పేర్కొన్నారు. బ్రెగ్జిట్‌కు అనుకూల లేదా వ్యతిరేక వాదనలకు ఇంగ్లండ్ విజయానికి ఏదైనా అంతర్గత సంబంధం ఉందా అనేది ప్రశ్న కాదు. లోగోలు ప్రపంచాన్ని ఆదేశిస్తాయనే భ్రమల్లో లేని వ్యక్తులు కూడా చాలా మంది ఉన్నారు. కానీ ఇంగ్లీష్ విజయం దాని స్వంత రెడ్‌నెక్స్, ట్రోగ్లోడైట్‌లను మరింత బలపరుస్తుంది. 

మొదటి ముప్పై నిమిషాల పాటు, ఇంగ్లాండ్ ఆధిపత్యాన్ని కొనసాగించింది. ఆపై ఇంగ్లండ్ ఎటాకింగ్ గేమ్ కాకుండా, డిఫెన్సివ్ గేమ్ ఆడింది. టైమ్ పాస్ చేస్తే మ్యాచ్ గెలిచేస్తామనే అభిప్రాయంలో పడింది. ఇంగ్లాండ్ కోచ్ గారెత్ సౌత్‌గేట్‌తో ఎవరైనా తన దేశం సామ్రాజ్యాన్ని పొందలేదని, కొన్ని ఆస్తులపై కూర్చొని ప్రపంచవ్యాప్తంగా పావువంతు యూనియన్ జాక్‌ను ఎగురవేయలేదని చెప్పాలని నేను కోరుతున్నాను. కానీ ఫుట్‌బాల్, సామ్రాజ్యాన్ని నిర్మించడం వంటి అస్థిరమైన ఆట. నియంత్రణ సమయంలోని చివరి మూడు భాగాల్లో రెండు వంతుల్లో ఇటలీ ఆధిపత్యం సాధించింది. నేను గేమ్‌కి కామెంటరీ ఇవ్వడానికి, నంబర్లను చెప్పడానికి ఇక్కడ లేను. ఇటలీ బంతిని కలిగి ఉండటం కథలో మంచి భాగాన్ని చెబుతుంది. అయితే ఇది ఫుట్‌బాల్ సాంస్కృతిక రాజకీయాల గురించి, ఈ ఆట గురించి మనకు పెద్దగా చెప్పదు. 67వ నిమిషంలో, అనుభవజ్ఞుడైన ఇటాలియన్ డిఫెండర్ బొనుచీ గోల్‌తో గేమ్‌ను సమం చేశాడు. నిర్ణీత సమయం, ముప్పై నిమిషాల ఓవర్‌టైమ్ వరకు స్కోరు 1-1తో నిలిచింది. దీంతో గేమ్ పెనాల్టీ షూటౌట్‌కు వెళ్లింది.

సాధారణ ఆట, ఓవర్‌టైమ్‌లు గుండెను వేగంగా పంప్ చేయడానికి, మనం భరించలేని ఉత్సాహాన్ని కలిగించడానికి సరిపోతే, అంతర్జాతీయ ఫుట్‌బాల్‌లో పెనాల్టీ షూటౌట్ తీవ్రమైన ఆందోళనను. కార్డియాక్ అరెస్ట్‌ను కలిగిస్తుంది. అయితే ఓవర్‌టైమ్ ముగింపులో ప్రతి వైపు ఐదు ఫ్రీ కిక్‌లు ఎందుకు కేటాయించబడతాయో స్పష్టంగా తెలియదు. "సడెన్ డెత్" ద్వారా ఇంకా ఎటువంటి నిర్ణయాత్మక ఫలితం రానట్లయితే అప్పుడు "పెనాల్టీ షూటౌట్" లైన్‌లోకి వస్తుంది. ఒక ఆటగాడికి ఎటువంటి పెనాల్టీ లేదు. ఏదైనా ఉంటే, పెనాల్టీ షూటౌట్ అనేది గేమ్‌ను ముగించడానికి ఒక విచిత్రమైన విచిత్రమైన మార్గంగా కనిపిస్తుంది, మొత్తంగా ఆటగాళ్లు నిర్ణయాత్మక ఫలితాన్ని సాధించడంలో విఫలమైనందుకు పెనాల్టీని ఎదుర్కోవలసి ఉంటుంది. వీక్షకుడికి కూడా ఈ దశలో "పెనాల్టీ షూటౌట్" అనేది ఒక శిక్షనే.

ఇటీవలి సంవత్సరాలలో అంతర్జాతీయ ఫుట్‌బాల్‌లో అత్యంత హృదయ విదారక సంఘటనలు పెనాల్టీ షూటౌట్‌లే. మనం మొదట ఫలితాన్ని మాత్రమే పరిగణిద్దాం: ఇటలీ 3, ఇంగ్లండ్ 2. కోచ్ సౌత్‌గేట్ చివరి నిమిషంలో మార్కస్ రాష్‌ఫోర్డ్, జాడోన్ సాంచోలను పంపడానికి సెలెక్ట్ చేశారు. పెనాల్టీ కిక్ లక్ష్యంగానే వారిని బరిలోకి దించారు. పంతొమ్మిది ఏళ్ల బుకాయో సాకాను ఆటలో 70 నిమిషాలకు ప్రత్యామ్నాయంగా పంపారు. ఈ విధంగా పెనాల్టీలు తీసుకోవడానికి నియమించబడిన ఐదుగురు ఆటగాళ్లలో ఇద్దరు, ఫుట్‌బాల్ పరిభాషలో, మైదానంలో ఫ్రెష్ లెగ్స్, మూడవవాడు అంతర్జాతీయ మ్యాచ్‌లో పెనాల్టీని ఎన్నడూ తీసుకోని యువకుడు. రెండు పెనాల్టీల తర్వాత ఇటలీపై ఇంగ్లండ్ 2-1తో ఆధిక్యంలో ఉంది, అయితే సాంచో పెనాల్టీని ఇటాలియన్ గోల్ కీపర్ సేవ్ చేయడంతో స్కోరు సమమైంది. ఆ తర్వాత రాష్‌ఫోర్డ్ బంతిని పోస్ట్‌లోకి పంపాడు. ఇటలీ పెనాల్టీ నిపుణుడు జోర్గిన్హో ఈ క్లిష్టమైన సమయంలో విఫలమైనప్పటికీ, ఇంగ్లాండ్ మొత్తం బరువు సాకా లేత భుజాలపై పడింది. వాస్తవానికి, ఇతర జట్టు వైఫల్యాల గురించి అభిమానులు పట్టించుకోరు. అలాగే తమ సొంత జట్టు లోపాలను క్షమించరు. సాకా అనుభవరాహిత్యం, ఇటాలియన్ గోల్ కీపర్ వీరోచిత పోరాటం లేదా కోచ్ తీర్పులో లోపం గురించి ఎడతెగని చర్చ ఉంటుంది. కానీ చివరికి సాకా సాధించలేకపోయాడు. సాకా డెలివరీ నెట్‌లోకి వెళ్లి ఉంటే, ఇంగ్లండ్ స్కోర్‌ను సమం చేసి గేమ్‌ను "సడన్ డెత్"లోకి పంపేదనే వాస్తవం గురించి ఎవరూ మాట్లాడటం లేదు.

అయితే ఫుట్‌బాల్ భవిష్యత్తు ఇంగ్లండ్, ఇటలీ, జర్మనీ, స్పెయిన్, డెన్మార్క్, ఫ్రాన్స్‌, ఏదైనా ఇతర జాతీయ జట్టు మీద ఆధార పడిలేదు. ఏ ఆట భవిష్యత్తు అయినా, మనం నాగరికంగా ఉండి, విజేతలు, ఓడిపోయిన వారి గురించి పట్టించుకోకపోవడం ప్రారంభించినప్పుడు మొదలవుతుంది. 

(వినయ్ లాల్ ఒక రచయత, బ్లాగర్, సాంస్కృతిక విమర్శకుడు, UCLAలో హిస్టరీ ప్రొఫెసర్)

[డిస్‌క్లెయిమర్: వేర్వేరు రచయతలు, ఫోరం సభ్యులు ఈ వెబ్‌సైట్లో పేర్కొన్న అభిప్రాయాలు, నమ్మకాలు, భావాలు వారి వ్యక్తిగతమైనవి. ఏబీపీ న్యూస్ నెట్ వర్క్ ప్రైవేట్ లిమిటెడ్ అభిప్రాయాలు, నమ్మకాలు, భావాలను అవి ప్రతిబింబించవు.]

మరిన్ని చూడండి
Advertisement

టాప్ హెడ్ లైన్స్

AP DSC: ఏపీలో 40 సంవత్సరాల్లో 16 డీఎస్సీలు, ఎవరి హయాంలో ఎన్ని వెలువడ్డాయంటే?
ఏపీలో 40 సంవత్సరాల్లో 16 డీఎస్సీలు, ఎవరి హయాంలో ఎన్ని వెలువడ్డాయంటే?
KTR Comments: కప్పదాట్లు, ద్రోహపు ఎత్తుగడలు కేసీఆర్‌ను దెబ్బతీయలేవు- నేతల వలసలపై కేటీఆర్‌ సంచలన కామెంట్స్
కప్పదాట్లు, ద్రోహపు ఎత్తుగడలు కేసీఆర్‌ను దెబ్బతీయలేవు- నేతల వలసలపై కేటీఆర్‌ సంచలన కామెంట్స్
Tillu Square: ‘టిల్లు స్క్వేర్’ వచ్చేది ఆ ఓటీటీలోనే - టీవీ చానెల్ కూడా ఫిక్స్!
‘టిల్లు స్క్వేర్’ వచ్చేది ఆ ఓటీటీలోనే - టీవీ చానెల్ కూడా ఫిక్స్!
Andhra Pradesh News: ఉపాధి కూలీ లక్కప్ప, అంగన్‌వాడీ వర్కర్‌ శిరీషకు అసెంబ్లీ టికెట్ - ఏపీ రాజకీయాల్లో వీళ్లే స్పెషల్
ఉపాధి కూలీ లక్కప్ప, అంగన్‌వాడీ వర్కర్‌ శిరీషకు అసెంబ్లీ టికెట్ - ఏపీ రాజకీయాల్లో వీళ్లే స్పెషల్
Advertisement
Advertisement
Advertisement
for smartphones
and tablets

వీడియోలు

RR vs DC Highlights IPL 2024 | Avesh Khan Bowling | చివరి ఓవర్ లో 4 పరుగులే ఇచ్చిన ఆవేశ్ ఖాన్ | ABPRR vs DC Highlights IPL 2024 | Riyan Parag Batting | పాన్ పరాగ్ అన్నారు..పరేషాన్ చేసి చూపించాడుRR vs DC Match Highlights IPL 2024: ఆఖరి ఓవర్ లో అదరగొట్టిన ఆవేశ్, దిల్లీపై రాజస్థాన్ విజయంYS Jagan vs Sunitha | YS Viveka Case: ప్రొద్దుటూరు సభలో జగన్ కామెంట్స్ కు వివేకా కుమార్తె కౌంటర్

వ్యక్తిగత కార్నర్

అగ్ర కథనాలు
టాప్ రీల్స్
AP DSC: ఏపీలో 40 సంవత్సరాల్లో 16 డీఎస్సీలు, ఎవరి హయాంలో ఎన్ని వెలువడ్డాయంటే?
ఏపీలో 40 సంవత్సరాల్లో 16 డీఎస్సీలు, ఎవరి హయాంలో ఎన్ని వెలువడ్డాయంటే?
KTR Comments: కప్పదాట్లు, ద్రోహపు ఎత్తుగడలు కేసీఆర్‌ను దెబ్బతీయలేవు- నేతల వలసలపై కేటీఆర్‌ సంచలన కామెంట్స్
కప్పదాట్లు, ద్రోహపు ఎత్తుగడలు కేసీఆర్‌ను దెబ్బతీయలేవు- నేతల వలసలపై కేటీఆర్‌ సంచలన కామెంట్స్
Tillu Square: ‘టిల్లు స్క్వేర్’ వచ్చేది ఆ ఓటీటీలోనే - టీవీ చానెల్ కూడా ఫిక్స్!
‘టిల్లు స్క్వేర్’ వచ్చేది ఆ ఓటీటీలోనే - టీవీ చానెల్ కూడా ఫిక్స్!
Andhra Pradesh News: ఉపాధి కూలీ లక్కప్ప, అంగన్‌వాడీ వర్కర్‌ శిరీషకు అసెంబ్లీ టికెట్ - ఏపీ రాజకీయాల్లో వీళ్లే స్పెషల్
ఉపాధి కూలీ లక్కప్ప, అంగన్‌వాడీ వర్కర్‌ శిరీషకు అసెంబ్లీ టికెట్ - ఏపీ రాజకీయాల్లో వీళ్లే స్పెషల్
Telangana News: కాంగ్రెస్ లో చేరేందుకు మాజీ మంత్రి ఇంద్రకరణ్ రెడ్డి తీవ్ర ప్రయత్నాలు, వద్దే వద్దంటున్న హస్తం పార్టీ కార్యకర్తలు
కాంగ్రెస్ లో చేరేందుకు మాజీ మంత్రి ఇంద్రకరణ్ రెడ్డి తీవ్ర ప్రయత్నాలు, వద్దే వద్దంటున్న హస్తం పార్టీ కార్యకర్తలు
Hanuma Vihari: హనుమ విహారికి షోకాజ్‌ నోటీస్‌, మళ్లీ మొదలైన రగడ
హనుమ విహారికి షోకాజ్‌ నోటీస్‌, మళ్లీ మొదలైన రగడ
Prathinidhi 2 Teaser: నారా రోహిత్ ‘ప్రతినిధి 2’ టీజర్ - ఓటు వేయడం కుదరకపోతే చచ్చిపోండి, రూ.5 లక్షల కోట్ల అప్పు ఎలా తీర్చుతారు?
నారా రోహిత్ ‘ప్రతినిధి 2’ టీజర్ - ఓటు వేయడం కుదరకపోతే చచ్చిపోండి, రూ.5 లక్షల కోట్ల అప్పు ఎలా తీర్చుతారు?
కేజ్రీవాల్ అరెస్ట్‌పై స్పందించిన ఐక్యరాజ్య సమితి, అందరి హక్కులు కాపాడాలంటూ వ్యాఖ్యలు
కేజ్రీవాల్ అరెస్ట్‌పై స్పందించిన ఐక్యరాజ్య సమితి, అందరి హక్కులు కాపాడాలంటూ వ్యాఖ్యలు
Embed widget