Pagani Hypercars: డబ్బుంటే సరిపోదు.. పగాని కారు కావాలంటే లక్ కూడా ఉండాలి.. ముఖేష్ అంబానీ కూడా కొనలేని కార్ల కథ!
ఇటలీకి చెందిన Pagani Automobili సంస్థ లిమిటెడ్ సంఖ్యలో హైపర్కార్లను ఉత్పత్తి చేస్తుంది. ఈ సంస్థ కారు కొనుగోలు చేయడం కేవలం మనీ మ్యాటర్ మాత్రమే కాదు. అందుకే ముఖేష్ అంబానీ ఫ్యామిలీ వద్ద ఈ కార్లు లేవు.
Mukesh Ambani Family | ప్రపంచ కుబేరులలో ఒకరైన ముఖేష్ అంబానీ, ఆయన కుటుంబం తరచూ వార్తల్లో నిలుస్తుంటుంది. తమ లగ్జరీ లైఫ్ స్టైల్, కార్యక్రమాల్లో ఆధ్యాత్మికత చాటుతూ పలుమార్లు ప్రజల దృష్టిని ఆకర్షించారు. దాంతో పాట తమ లగ్జరీ కార్ల కలెక్షన్, ఖరీదైన వాచ్లతో వార్తల్లో నిలుస్తుంటారు. ముంబైలోని వారి నివాసం యాంటిలియా సైతం ఓ ట్రెండ్ సెట్టర్ లాంటిది. వారి నివాసంలో 170కి పైగా లగ్జరీ కార్లు ఉన్నాయి. అంబానీ కుటుంబం వద్ద రోల్స్ రాయిస్ ఫాంటమ్ సిరీస్ VIII EWB, రోల్స్ రాయిస్ కల్లినన్, ఫెరారీ SF90 స్ట్రాడేల్, మెర్సిడెస్-బెంజ్ S గార్డ్ వంటి అనేక ఖరీదైన కార్లు ఉన్నాయి. వీటి ధర కోట్ల రూపాయలలో ఉంటుంది. ప్రపంచంలోని అనేక లగ్జరీ కార్ల బ్రాండ్లు ముఖేష్ అంబానీ ఫ్యామిలీ వద్ద ఉన్నాయి. అయితే కొన్ని కార్లు కేవలం డబ్బు ఇచ్చి కొనలేనివి ఉంటాయి. ముఖేష్ అంబానీ కూడా క్యాష్ ఇచ్చి కొనలేని కొన్ని కార్లు ఉన్నాయి. మరి ముఖేష్ అంబానీ కూడా కొనలేని ఆ కార్లు ఏమిటి, ఆ కారును కొనడానికి రూల్స్ ఏంటో వివరాలు ఇక్కడ తెలుసుకోండి.
ముఖేష్ అంబానీ అంత ఈజీగా ఈ కారును కొనలేరు
ఇటలీకి చెందిన పగాని ఆటోమొబైల్ అలాంటి కంపెనీలలో ఒకటి. ఇది తన హైపర్కార్లను చాలా లిటిటెడ్ సంఖ్యలో తయారు చేస్తుంది. ప్రతి కొనుగోలుదారుని స్వయంగా ఎంచుకుంటుంది. అందుకే ఈ కంపెనీ కారును కొనడం అంటే కేవలం డబ్బుకు సంబంధించిన మ్యాటర్ కాదు. ఒక ఎక్స్క్లూజివ్ క్లబ్లో భాగం కావడం. పగాని కార్లు సాధారణ లగ్జరీ కార్లలా నేరుగా కొనుగోలు చేయడానికి అందరికీ అందుబాటులో ఉండవు. కంపెనీ ప్రతి కొనుగోలుదారుని సెలక్ట్ చేస్తుంది. అనేక సందర్భాల్లో ఇన్విటేషన్ (ఆహ్వానం) ద్వారా మాత్రమే కారు కొనే అవకాశం ఉంటుంది. ఎవరి వద్ద అయినా వందల కోట్లు, వేల కోట్లు ఉన్నప్పటికీ, కంపెనీ వారికి తన కారును విక్రయిస్తుందని గ్యారెంటీ లేదు. కంపెనీ ఫోకస్ కేవలం డబ్బున్న కస్టమర్ల మీద మాత్రమే కాకుండా, బ్రాండ్ ప్రత్యేక గుర్తింపును, దాని విలువను అర్థం చేసుకునే వ్యక్తులపై సైతం ఆధారపడి ఉంటుంది. అందుకే పగాని కార్ల ఉత్పత్తిని ఉద్దేశపూర్వకంగానే చాలా లిమిటెడ్ చేశారు.
సెలెక్టివ్గా కొందరి వద్ద మాత్రమే కార్లు
పగాని అత్యంత ప్రజాదరణ పొందిన కార్లలో 'పగాని హువాయ్రా కోడలుంగా' కూడా ఉంటుంది. ప్రపంచంలో ఈ కారువి కేవలం కొన్ని యూనిట్లు మాత్రమే తయారు చేశారు. ఈ కారు తయారవ్వకముందే అన్ని యూనిట్లు అమ్ముడయ్యాయి. ఈ హైపర్కార్లో 6.0 లీటర్ ట్విన్ టర్బో ఛార్జ్డ్ V12 ఇంజన్ ఇచ్చారు. ఇది దాదాపు 829 హార్స్ పవర్ జనరేట్ చేస్తుంది. దీని గరిష్ట వేగం గంటకు సుమారు 217 మైళ్లు అని తెలుస్తోంది. క్లాసిక్ రేసింగ్ కార్ల నుంచి ప్రేరణ పొంది కంపెనీ దీనిని డిజైన్ చేసింది.
రూ. 112 కోట్ల విలువైన కారు
పగాని 'పగాని జోండా హెచ్పి బార్షెట్టా' పేరుతో మరో ప్రత్యేకమైన కారును కూడా రూపొందించింది. కంపెనీ ఈ కారును 2018లో రిలీజ్ చేసింది. ఈ కారు ధర సుమారు రూ. 112 కోట్లు అని తెలిపారు. పగాని కంపెనీ దీనివి కేవలం మూడు యూనిట్లు మాత్రమే తయారు చేసింది. అవి లాంచ్ కావడానికి ముందే అమ్ముడయ్యాయి. ఈ కారులో 7.3 లీటర్ మెర్సిడెస్ AMG V12 ఇంజన్ ఇచ్చారు. ఈ కారు కేవలం 3.1 సెకన్లలో ఏకంగా 100 కిలోమీటర్ల వేగాన్ని అందుకోగలదు. అందుకే దీనిని ప్రపంచంలోని అత్యంత ప్రత్యేకమైన హైపర్కార్లు, ఫాస్టెస్ట్ కార్లలో ఒకటిగా భావిస్తారు.
పగాని కార్లు ఎందుకంత ప్రత్యేకం.. ?
పగాని కంపెనీ తన ప్రతి కారును చాలా వరకు కస్టమైజ్ చేస్తుంది. దీనివల్ల దాదాపు ప్రతి యూనిట్ విభిన్నంగా, ప్రత్యేకంగా మారుతుంది. అందుకే ఈ కార్లను కేవలం ఒక వాహనంలా మాత్రమే కాకుండా స్టేటస్ సింబల్, కలెక్టర్ ఐటమ్గా భావిస్తారు.
టాప్ హెడ్ లైన్స్
ట్రెండింగ్ వార్తలు
