ఫుల్ ట్యాంక్ తో 1200 కి.మీ నాన్ స్టాప్ జర్నీ.. ఫ్యామిలీ జర్నీకి Toyota Innova Hycross సరిపోతుందా?
Toyota Innova Hycross Power: మార్కెట్లో ధరతో పాటు మైలేజీ, రేంజ్కు ప్రాధాన్యత పెరుగుతోంది. దాంతో టయోటా ఇన్నోవా హైక్రాస్ ఎంపీవీల విక్రయాలు ఊపందుకుంటున్నాయి. కారు ఫీచర్లు, మైలేజీ చూస్తే వావ్ అంటారు.
భారత మార్కెట్లో టొయోటా ఇన్నోవా హైక్రాస్ అత్యుత్తమ లగ్జరీ MPV కార్లలో ఒకటిగా నిలిచింది. అయితే పెద్ద ఫ్యామిలీ కోసం ఈ కారును కొనుగోలు చేస్తున్నారు. ఇందులో విశాలమైన ఇంటీరియర్, అద్భుతమైన మైలేజీ, 5 స్టార్ సేఫ్టీ రేటింగ్తో ఇన్నోవా హైక్రాస్ లభిస్తుంది. దీంతో పాటు ఈ కారు ఇప్పుడు గతంలో కంటే తక్కువ ధరకే లభిస్తోంది. కార్ల మధ్య కాంపిటీషన్ పెరగడంతో కొన్నిసార్లు కంపెనీలు ధరలు తగ్గించక తప్పదు. మీరు ఈ కారును కొనుగోలు చేయాలనుకుంటే, దీని ధర, ఫీచర్లు, మైలేజీ వివరాలు తెలుసుకున్నాక డిసైడ్ అవ్వండి.
టొయోటా ఇన్నోవా హైక్రాస్ ధర ఎంత?
టొయోటా ఇన్నోవా హైక్రాస్ ఢిల్లీలో ఎక్స్-షోరూమ్ ధర ₹18.48 లక్షల నుంచి ప్రారంభం అవుతుంది. దీని టాప్ మోడల్ ZX(O) హైబ్రిడ్ వేరియంట్ ఎక్స్ షోరూమ్ ధర ₹37.38 లక్షల వరకు ఉంటుంది. VX హైబ్రిడ్ వేరియంట్ ఎక్స్-షోరూమ్ ₹31.65 లక్షల నుండి ప్రారంభమవుతుంది. ఆన్ రోడ్ ధర ఇంకా ఎక్కువగా ఉంటుందని తెలిసిందే.
G Fleet 7STR పెట్రోల్ బేస్ మోడల్ హైదరాబాద్ ఎక్స్ షోరూమ్ ధర రూ.18,48,000 కాగా, ఆన్ రోడ్ ధర రూ.24,97,129 పడుతుంది. ZX(O) Hybrid పెట్రోల్ టాప్ మోడల్ హైదరాబాద్ ఎక్స్ షోరూమ్ ధర రూ. 31,30,000 కాగా, ఆన్ రోడ్ ధర రూ. 41,59,080 చెల్లించాల్సి ఉంటుంది.
కారు పవర్ మరియు మైలేజీ
టొయోటా ఇన్నోవా హైక్రాస్ 2 ఇంజన్ ఆప్షన్లలో లభిస్తుంది. 2.0 లీటర్ పెట్రోల్ ఇంజన్.. ఇది 173 bhp పవర్, 209 Nm టార్క్ను అందిస్తుంది. రెండోది 2.0 లీటర్ స్ట్రాంగ్ హైబ్రిడ్ ఇంజన్, ఇది పెట్రోల్, ఎలక్ట్రిక్ రెండింటిపై వెళ్తుంది. మైలేజీ విషయానికి వస్తే, పెట్రోల్ వేరియంట్ అయితే 16.13 kmpl మైలేజీ ఇస్తుంది. హైబ్రిడ్ వేరియంట్ 23.24 kmpl వరకు ఇస్తుంది (ARAI సర్టిఫైడ్). కారు ఫుల్ ట్యాంక్ చేస్తే దాదాపు 1200 కిలోమీటర్ల వరకు నాన్ స్టాప్ జర్నీ చేయవచ్చు.
టొయోటా ఇన్నోవా హైక్రాస్ ఫీచర్లు
టొయోటా ఇన్నోవా హైక్రాస్ కేబిన్ స్పేస్ ఎక్కువగా ఉంటుంది. లాంగ్ ఫ్యామిలీ ట్రిప్స్ కూడా తేలిక అవుతాయి. ఇందులో 'Toyota i-CONNECT'తో కూడిన 10.1 అంగుళాల టచ్స్క్రీన్ ఇన్ఫోటైన్మెంట్ సిస్టమ్ ఉంటుంది. ఇది వైర్లెస్ Apple CarPlay, వైర్డ్ Android Auto సపోర్ట్ చేస్తుంది. సౌండ్ సిస్టమ్ కోసం ఇందులో 9 స్పీకర్ల JBL ఆడియో సిస్టమ్, సబ్వూఫర్ ఉన్నాయి.
మార్కెట్లో టొయోటా ఇన్నోవా హైక్రాస్ కారు మహీంద్రా XUV700, టాటా సఫారీ, టొయోటా ఇన్నోవా క్రిస్టా, కియా కారెన్స్ సహా మారుతి సుజుకి ఇన్విక్టో వంటి వాహనాలకు గట్టి పోటీ ఇష్తుంది.
ఈ కారు కేవలం ఫ్యామిలీ కారు మాత్రమే కాదు, ఇది టెక్నాలజీ పరంగా కూడా చాలా ముందుంది.
భద్రత (Safety): ఇందులో 6 ఎయిర్బ్యాగ్లు, ABSతో కూడిన EBD, వెహికల్ స్టెబిలిటీ కంట్రోల్, హిల్ స్టార్ట్ అసిస్ట్ వంటి సేఫ్టీ ఫీచర్లు ఉన్నాయి. దీనికి గ్లోబల్ NCAPలో 5 స్టార్ రేటింగ్ వచ్చింది.
ADAS టెక్నాలజీ: ఇది Toyota Safety Sense (ADAS) ఫీచర్లతో వస్తుంది. ఇందులో లేన్ కీప్ అసిస్ట్, అడాప్టివ్ క్రూయిజ్ కంట్రోల్, బ్లైండ్ స్పాట్ మానిటర్ వంటి అడ్వాన్స్డ్ ఫీచర్లు ఉన్నాయి.
కారులో పనోరమిక్ సన్రూఫ్, వెంటిలేటెడ్ ఫ్రంట్ సీట్లు, రెండవ వరుసలో లెగ్ రెస్ట్తో కూడిన పవర్డ్ ఒట్టోమన్ సీట్లు మీకు హైక్లాస్ జర్నీ అనుభూతిని కలిగిస్తాయి.
టాప్ హెడ్ లైన్స్
ట్రెండింగ్ వార్తలు
